Connect with us

Hi, what are you looking for?

LuduNwayOo

သတင်း

ထားဝယ် – ထီးခီးလမ်းပိုင်း နေ့ဘက်သာအသုံးပြုရန် တော်လှန်ရေးပူးပေါင်းတပ်(၈)ဖွဲ့ သတိပေး

လမ်းပိုင်းအသုံးပြုမှုနှင့်စပ်လျဥ်း၍ မေတ္တာရပ်ခံချက် ထုတ်ပြန်ထားသော တော်လှန်ရေး(၈)ဖွဲ့တွင် ထားဝယ် ပ.က.ဖ၊ ထားဝယ်အရှေ့တောဒေသ ကာကွယ်ရေးတပ်ဖွဲ့၊ DDT၊ DGRF၊ ဘီလုံးပြောက်ကျားတပ် စသည်တို့ ပါဝင်သည်။

(ထားဝယ် - ထီးခီးလမ်းပိုင်းတွင် ယာဥ်အသွားအလာများအား တော်လှန်ရေးတပ်ဖွဲ့များက စစ်ဆေးမှု လုပ်ဆောင်နေစဥ်၊ဓာတ်ပုံ - DEF PDF)
(ထားဝယ် - ထီးခီးလမ်းပိုင်းတွင် ယာဥ်အသွားအလာများအား တော်လှန်ရေးတပ်ဖွဲ့များက စစ်ဆေးမှု လုပ်ဆောင်နေစဥ်၊ဓာတ်ပုံ - DEF PDF)

▪️ပြည်ပပို့မည့် ဘောလုံးကား၊ သံတိုသံစယာဥ်နှင့် မီနီအိုးဝေများ ဖြတ်သန်းခွင့်မပြု

ထားဝယ် – ထီးခီးလမ်းပိုင်းအား ယနေ့(အောက်တို ဘာ ၂၉)မှစ၍ နံနက် ၆ နာရီမှ ညနေ ၆ နာရီအတွင်းသာ အသုံးပြုကြရန် ထားဝယ်(ပ.က.ဖ) အပါအဝင် တော်လှန်ရေးတပ်ဖွဲ့ (၈)ဖွဲ့ပူးပေါင်းပြီး မေတ္တာရပ်ခံလိုက်သည်။

ယခုကာလသည် ပွင့်လင်းရာသီဖြစ်လာပြီဖြစ်သောကြောင့် ခရီးသွားပြည်သူများ၏ လုံခြုံရေးအား ရှေ့ရှုကာ ထားဝယ် – ထီးခီးလမ်းပိုင်းအသုံးပြုမှုအား စည်းကမ်းချက်များ ထုတ်ပြန်ရခြင်းဖြစ်ကြောင်း ထားဝယ်အရှေ့တောပြည်သူ့ကာကွယ်ရေးတပ်ဖွဲ့က ပြောသည်။

“လမ်းပိုင်းစစ်ဆေးမှုတွေ အခုစလုပ်နေပါပြီ။ အလျဉ်းသင့်သလို စစ်ဆေးမှူပြုလုပ်သွားမှာပါ ခင်ဗျာ။ အဓိကကတော့ ညဘက် လုံးဝဖြတ်သန်းခြင်းမပြုလုပ်ကြဖို့ပါ”ဟု ထားဝယ်အရှေ့တောဒေသ ပြည်သူ့ကာကွယ်ရေးတပ်ဖွဲ့မှ တော်လှန်ရေးရဲဘော်တစ်ဦးက ဆိုသည်။

Public Service Announcement
Public Service Announcement

ထို့အပြင် ထားဝယ် – ထီးခီးလမ်းပိုင်းအားအသုံး ပြု၍ ပြည့်ပသို့ ကုန်ပစ္စည်းပို့မည့် ဘေးလုံးကားများ၊ သံ တိုသံစတင်ယာဥ်များ၊ သုံးဘီးယာဥ်များအား လုံးဝဖြတ်သန်းသွားလာခွင့်ပြုမည်မဟုတ်ကြောင်း တော်လှန်ရေး(၈)ဖွဲ့၏ မေတ္တာရပ်ခံချက်တွင် ဖော်ပြသည်။

အလားတူ သတ်မှတ်အချိန် နံနက် ၆ နာရီမှညနေ ၆ နာရီအတွင်း ဖြတ်သန်းသွားလာမည့် မည်သည့်ယာဥ်မဆို ကားမှန်များချ၍ မောင်းနှင်ရန်၊ အမိုးများဖုံးအုပ်မထားရန်နှင့် တော်လှန်ရေးတပ်ဖွဲ့များ၏ စစ်ဆေးမှုအား ကြည် ဖြူစွာလက်ခံပေးကြရန် မေတ္တာရပ်ခံထားသည်။

လမ်းပိုင်းအသုံးပြုမှုနှင့်စပ်လျဥ်း၍ မေတ္တာရပ်ခံချက် ထုတ်ပြန်ထားသော တော်လှန်ရေး(၈)ဖွဲ့တွင် ထားဝယ် ပ.က.ဖ၊ ထားဝယ်အရှေ့တောဒေသ ကာကွယ်ရေးတပ်ဖွဲ့၊ DDT၊ DGRF၊ ဘီလုံးပြောက်ကျားတပ် စသည်တို့ ပါဝင်သည်။

You May Also Like

သတင်း

ယမန်နေ့ (ဇန်နဝါရီ၂၇ ရက်)က တိုက်နယ်စွန်(စွန်) PDFအဖွဲ့နှင့် မဟာမိတ်အဖွဲ့များပူးပေါင်းပြီး စစ်ကောင်စီတပ်နှင့် ပျူများ အထိုင်ချတပ်စွဲထားသည့် သလဲဘာကျေးရွာကို ဝင်ရောက်တိုက်ခိုက် မီးရှို့နိုင်ခဲ့ခြင်းဖြစ်ကြောင်း တိုက်နယ်စွန်(စွန်) PDFအဖွဲ့က အသိပေးသည်။

သတင်း

အမျိုးသားညီညွတ်ရေးအစိုးရအနေဖြင့် ယခုနှစ်တွင် စစ်ကောင်စီကို စစ်ရေး၊ နိုင်ငံရေး၊ သံတမန်ရေးအပါအဝင် ဘက်ပေါင်းစုံမှ ထိုးစစ်ဆင်တိုက်ခိုက်ပြီး တော်လှန်ရေး အဆုံးအဖြတ်ကို ဖော်ဆောင်သွားမည်ဟု အသိပေးထားသည်။

သတင်း

ယနေ့ (ဇန်နဝါရီ ၂၇ရက်)မွန်းလွဲ ၂ နာရီ ၄၅မိနစ်ခန့်က ပေါက်မြို့အရှေ့ဘက် (၄)မိုင်အကွာယာကြီးပင်ရွာ ပျူစောထီးစခန်းမှ စစ်​ဗိုလ်နှစ်ဦးအပါအဝင်လေးဦးသည် ပေါက်မြို့သို့ Mark-2 ကားဖြင့် မောင်းနှင်လာခဲ့သည်။

သတင်း

ဇန်နဝါရီ၂၀ရက်မှ ၂၆ရက်အထိ ဝက်လက်မြို့နယ်တွင် ဖြစ်ပွားခဲ့သော တိုတ်ပွဲ၌ စစ်ကောင်စီဘက်က ၁၅ဦးသေဆုံး၍ ငါးဦးထက်မနည်းထိခိုက် ဒဏ်ရာရရှိသွားကြောင်း၊ PDFဘက်က ကျဆုံး ၆ ဦးအပြင် နှစ်ဦးဖမ်းခံရပြီး နှစ်ဦးဒဏ်ရာရရှိခဲ့ကြောင်း PAFD တာဝန်ခံက ပြောသည်။