နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ စီးပွားရေးအကြံပေး ရှောင်တာနယ် အပါအဝင် နိုင်ငံခြားသား ၄ ဦးကို လွှတ်ပေးပြီး စစ်ကောင်စီက ပြည်နှင်ဒဏ်ပေးလိုက်ပါတယ်။
သြစတြေးလျနိုင်ငံသား စီးပွားရေးပါမောက္ခရှောင်တာနယ် ၊ မြန်မာနိုင်ငံဆိုင်ရာ ဗြိတိန်သံအမတ်ကြီးဟောင်း ဗစ်ကီဘိုးမန်း ၊ မှတ်တမ်းရုပ်ရှင်ဒါရိုက်တာ ဂျပန်နိုင်ငံသား တိုရုကူဘိုတာ နဲ့ အမေရိကန်နိုင်ငံသား ဦးကျော်ဌေးဦး တို့ကို လွှတ်ပေးလိုက်တာလို့စစ်ကောင်စီပြောရေးဆိုခွင့်ရှိသူက ပြောထားတာတွေ့ရပါတယ်။
မစ္စဗစ်ကီဘိုးမန်းရဲ့အမျိုးသား ကိုထိန်လင်းကိုလည်း ပြန်လွှတ်ပေးလိုက်ပြီလို့ စစ်ကောင်စီဘက်က သတင်းထုတ်ထားပါတယ်။
