အကျဉ်းသား ၆၀၀၀ နီးပါးလွှတ်လိုက်တဲ့ စစ်ကောင်စီ ရဲ့လွတ်ငြိမ်း မှာ နိုင်ငံရေးအကျဉ်းသားဟာ ၅၃ ဦး သာ လွတ်မြောက်လာတယ်လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း(AAPP) က ထုတ်ပြန်ပါတယ်။
မနေ့က စာရင်းအထိ လွတ်မြောက်လာတဲ့ နိုင်ငံရေးအကျဉ်းသား ၅၃ ဦးသာ မှတ်တမ်းတင်နိုင်တယ်လို့ AAPP က ဆိုထားပါတယ်။
လွတ်မြောက်လာသူဦးရေ အတိအကျနဲ့ အမည်စာရင်း ချက်ချင်းရဖို့ လက်လှမ်းမမီနိုင်တဲ့အတွက် အတည်ပြုနိုင်မယ့်စာရင်းတွေကိုဆက်လက်အသိပေးသွားမယ်လို့လည်း AAPP က ပြောပါတယ်။
စစ်တပ်အာဏာသိမ်းချိန်ကနေ မနေ့က နိုဝင်ဘာလ ၁၇ ရက်အထိ လပေါင်း ၂၁ လကျော် အတွင်း စစ်ကောင်စီ ဖမ်းဆီး ချုပ်နှောင်ထားသူဟာ ၁၂၉၇၆ဦးရှိတယ်လို့ AAPP ရဲ့စာရင်းအရသိရပါတယ်။
Public Service Announcement
မနေ့က လွတ်ငြိမ်းမှာဆိုရင်လည်း စစ်ကောင်စီဟာ ထင်ရှားတဲ့နိုင်ငံရေးအကျဉ်းသားအချို့ကိုသာ လွှတ်ပေးပြီး ကျန်တဲ့ လွတ်မြောက်လာသူတွေဟာ ရာဇဝတ်မှုတွေနဲ့ ထောင်ကျနေသူဖြစ်ပါတယ်။
