စစ်ကိုင်းတိုင်း ကသာမြို့နယ်တွင် စစ်ကောင်စီတပ်စစ်ကြောင်းကို ယနေ့မိုင်းဆွဲတိုက်ခိုက်ခဲ့ရာ စစ်ကောင်စီတပ်မှ သေဆုံးထိခိုက်ရှိခဲ့သည်ဟု ကသာမြို့နယ်ပြည်သူ့ကာကွယ်ရေးတပ်(ပကဖ) က သတင်းထုတ်ပြန်သည်။
နိုဝင်ဘာ ၂၀ရက်က ကသာမြို့နယ် ချောင်း၀ ဒေသမှ ထွက်လာသည့် စစ်ကောင်စီတပ် သည် မိုးတားကျေးရွာသို့ ရောက်ရှိလဲပီး ယနေ့ နိုဝင်ဘာ ၂၂ရက် နံနက်တွင် မိုးတားကျေးရွာမှ ထွက်ခွာလာရာ နံနက် ၆နာရီခန့်၌ ကချင်လွတ်လပ်ရေးတပ်မတော်(KIA)၊ ကသာပြည်သူ့ကာကွယ်ရေးအဖွဲ့၊ မိုးတားတိုက်နယ် ပကဖ တို့မှ မိုင်းဆွဲတိုက်ခိုက်ခဲ့သည်ဟု ဖော်ပြထားသည်။
ထိုသို့မိုင်းဆွဲတိုက်ခိုက်အပြီးတွင် ပစ်ခတ်မှု ဖြစ်ပွားရာ စစ်ကောင်စီတပ်များ ထိခိုက်မှုရှိပြီး ပူးပေါင်းတပ်ဖွဲ့မှ အထိအခိုက်မရှိ ဆုတ်ခွာနိုင်ခဲ့သည်ဟု အသိပေးသည်။
“ဒီနေ့မနက် ဖုန်းဆက်ခဲ့တော့ တအုန်းအုန်းနဲ့ကြားနေရတယ်။ဖြစ်နေတယ်ဆိုတာလောက်ပဲသိတယ်”ဟု ဒေသခံတစ်ဦးက ပြောသည်။
Public Service Announcement
စစ်ကောင်စီတပ်သည် ယမန်နေ့ကလည်း ကသာ ချောင်း၀ ဒေသ၊ မိုးညှင်းရှိ KIA တပ်မဟာ (၈)နယ်မြေ၊ ဗန်းမောက် မြို့နယ် တို့တွင် လေကြောင်းမှ တိုက်ခိုက်မှု လုပ်ဆောင်ခဲ့သည်။ အဆိုပါ တိုက်ခိုက်မှုများကြောင့် လူထိခိုက်သေဆုံး မရှိဟုကြားသိရကြောင်း ဒေသခံက ပြောသည်။
