ဒဂုံတက္ကသိုလ်ကျောင်းသားခုနစ်ဦးအားစစ်ကောင်စီက သေဒဏ်ချမှတ်လိုက်ကြောင်း ဒဂုံတက္ကသိုလ်ကျောင်းသားများသမဂ္ဂက ယနေ့(ဒီဇင်ဘာ ၁)ထုတ်ပြန် သည်။
စစ်ကောင်စီ၏ မတရားပြစ်ဒဏ်ချမှတ်ခြင်းခံရသော ကျောင်းသားခုနစ်ဦးမှာ ကိုခန့်ဇင်ဝင်း၊ ကိုသူရမောင်မောင်၊ ကိုဇော်လင်းနိုင်၊ ကိုသီဟထက်ဇော်၊ ကိုဟိန်းထက်၊ ကိုသက်ပိုင်ဦးနှင့် ကိုခန့်လင်းမောင်မောင်တို့ဖြစ်ပြီး ၎င်းတို့ကို ယခုနှစ်(ယခုနှစ်၂၀၂၂)ဧပြီ ၂၁ ရက်က ဖမ်းဆီးခံရခြင်း ဖြစ်သည်။
အထက်ပါ ကျောင်းသားခုနစ်ဦးကို (နိုဝင်ဘာ ၃၀)က စစ်ကောင်စီလက်အောက်ခံ အင်းစိန်ထောင်တွင်း အထူးစစ်ခုံရုံးမှ ကျောင်းသားခုနစ်ဦးကို ပုဒ်မ ၃၀၂(က)မတရားစွပ်စွဲကာ ပြစ်ဒဏ်ချမှတ်ခဲ့ခြင်းဖြစ်သည်ဟု ဖော်ပြသည်။
ပြီးခဲ့သည့် ဧပြီ ၁၈ ရက်က ရန်ကုန်မြို့ ကမ္ဘာ့ရတနာဘဏ်မန်နေဂျာ ဒုတိယဗိုလ်မှူးကြီး စောမိုးဝင်း ပစ်ခတ်ခံရ၍ သေဆုံးခဲ့ခြင်းအပေါ် အထက်ပါကျောင်းသားခုနစ်ဦးအား ပတ်သက်မှုရှိသည်ဆိုကာ စွပ်စွဲဖမ်းခံရခြင်းဖြစ် ကြောင်း ကျောင်းသားအသိုင်းအဝိုင်းမှ သိရသည်။
Public Service Announcement
ယခုကဲ့သို့ ကျောင်းသားခုနစ်ဦး မတရားသေဒဏ်ချမှတ်ခံရခြင်းအပေါ် ဒဂုံတက္ကသိုလ်ကျောင်းသားသမဂ္ဂထံ People’s Spring က ဆက်သွယ်မေးမြန်းထားသော်လည်း အဆက်အသွယ်မရသေးပေ။
