စစ်ကိုင်းတိုင်း၊ ဆားလင်းကြီးမြို့နယ်တွင် ရွာစဥ်လှည့်မီးရှိူ့နေသော စစ်ကောင်စီတပ်က ယနေ့တစ်ရက်တည်း သုံးရွာဆက်တိုက် မီးရှို့ဖျက်ဆီးသွားကြောင်း ဒေသတွင်းသတင်းရင်းမြစ်များက ပြောသည်။
အင်အား ၁၀၀ ကျော်ခန့်ရှိသော စစ်ကောင်စီစစ်ကြောင်းသည် ယနေ့ဒီဇင်ဘာလ ၁ ရက်နေ့နံနက်ပိုင်းက ဆားထုံး၊လက်ပန်ကျွန်း၊တောကျောင်းကျေးရွာများအား မီးရှို့ဖျက်ဆီးသွားကြောင်း ဆားလင်းကြီးမြို့နယ်ပြည်သူ့အုပ်ချုပ်ရေးအဖွဲ့က အသိပေးသည်။
မီးလောင်ကျွမ်းပျက်စီးမှုအခြေအနေကိုမူ မသိရသေးကြောင်း၊ ယနေ့မွန်းလွဲပိုင်းတွင်မူ ဆားလင်းကြီးမြို့ပေါ်သို့ ပြန်ဝင်သွားကြောင်း ဆားလင်းကြီးမြို့နယ်ပြည်သူ့အုပ်ချုပ်ရေးအဖွဲ့က ဆိုသည်။
“လက်ပန်ကျွန်းရွာက အကုန်နီးပါး ပါသွားတယ်။”ဟု ဒေသခံတစ်ဦးက ပြောသည်။
Public Service Announcement
စစ်ကောင်စီတပ်သည် ယမန်နေ့က ဆားလင်းကြီးမြို့နယ်၊ ထန်းဇင်ကျေးရွာကို မီးရှို့ဖျက်ဆီးခဲ့ရာ အိမ် ၂၅လုံးဝန်းကျင် မီးလောင်ပျက်စီးခဲ့ကြောင်း မျိုးဆက်သစ်လူငယ် Local PDF အဖွဲ့ တာဝန်ခံက ပြောသည်။
ယမန်နေ့ (နိုဝင်ဘာလ ၃၀ ရက် )မွန်းလွဲပိုင်းက ဆားလင်းကြီးမြို့နယ်၊ ရွှေကုန်းကျေးရွာ၌ တပ်စွဲထားသည့် စစ်ကောင်စီတပ်ကလည်းထန်းဇင်ကျေးရွာကို ဝင်ရောက်မီးရှို့ဖျက်ဆီးခဲ့ပြီး အနီးရှိထန်းပုရွာကိုပါ ဝင်ရောက်ကာ ပြည်သူအချို့ကို ဖမ်းဆီးမှုများ ပြုလုပ်ခဲ့သည်။
