Connect with us

Hi, what are you looking for?

LuduNwayOo

သတင်း

နမ့်ဆန်ရှိ TNLAတပ်စခန်းကို စစ်ကောင်စီတပ်လေကြောင်းမှ အင်အားများချပြီး ထိုးစစ်ဆင်၍ တိုက်ပွဲစတင်

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

(TNLAတပ်မှ ရဲဘော်များအား တွေ့ရစဥ်)
(TNLAတပ်မှ ရဲဘော်များအား တွေ့ရစဥ်)

“TNLA စခန်းရှိတဲ့ဘက်ကို ရဟတ်ယာဉ် ၅စီး လား၊ ၆စီးလား အဲဒီလို လူတွေလာချပြီး ချနေတာ” ရှမ်းမြောက်သတင်းရင်းမြစ်

ရှမ်းပြည်နယ်မြောက်ပိုင်း နမ့်ဆန်မြို့နယ်ရှိ တအာင်းတပ်မတော်(TNLA) တပ်စခန်းတစ်ခုကို စစ်ကောင်စီတပ်က လေကြောင်းမှ စစ်အင်အားချပြီး ထိုးစစ်ဆင်တိုက်ခိုက်လာ၍ တိုက်ပွဲပြင်းထန်နေကြောင်း ရှမ်းမြောက်ဒေသသတင်းရင်းမြစ်တစ်ဦးက ပြောပြသည်။

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

“ကျွန်တော်တို့နဲ့ သိပ်မဝေးဘူးဗျ။ အပြင်းအထန်ဖြစ်နေတာ။ ဘယ်လိုကနေ ဘယ်လိုသတင်းရလဲမသိဘူး TNLA စခန်းရှိတဲ့ဘက်ကို ရဟတ်ယာဉ် ၅စီး လား၊၆စီးလား အဲဒီလို လူတွေလာချပြီး ချနေတာ။သူတို့က မြေပြင်မှာစစ်ကြောင်းထိုးတာ မဟုတ်ဘူး။ လေကြောင်းက လူလာချပြီး တွယ်နေတာ။ လောလောဆယ် အခြေအနေအထိက တိုက်ပွဲအပြင်းအထန်ဖြစ်နေတဲ့ အခြေအနေမျိုးဆိုတော့ ဘာတွေဆက်ဖြစ်မလဲဆိုတာတော့ ဘယ်နေရာမှာ ဘယ်လို ပြန်ဖြစ်မလဲ ဆိုတာ ပြောလို့မရဘူး ။ တိုက်ပွဲက စပြီဆိုတော့”ဟု ရှမ်းမြောက်ဒေသခံ သတင်းရင်းမြစ်က ပြောသည်။

Public Service Announcement
Public Service Announcement

ယခု တိုက်ခိုက်ခံရသည့် တပ်စခန်းသည် TNLA၏ အခိုင်အမာတပ်စခန်း တစ်ခုဖြစ်ပြီး ယင်းစခန်း၌ ခေါင်းဆောင်ပိုင်းများ နေထိုင်မှုရှိသည်ဟု ဆိုသည်။

ကချင်သတင်းဌာန Kachinwaves ၏ တိုက်ပွဲသတင်းဖော်ပြချက်တွင် နမ့်ဆန်မြို့နယ် ဟိုဖန်း၊ ဟိုမန်း၊ မန်ဖတ် ဒေသများ၌ ယနေ့(ဒီဇင်ဘာ ၇ရက်)မွန်းလွဲ ၂နာရီမှစ၍ တိုက်ပွဲပြင်းထန်နေရာ တိုက်လေယာဉ်နှင့် ရဟတ်ယာဉ်များအသုံးပြု ပြီး စစ်ကောင်စီတပ်က တိုက်ခိုက်နေသည်ဟု ဖော်ပြထားသည်။

TNLA သတင်းနှင့် ပြန်ကြားရေးဌာနက တိုက်ပွဲသတင်းထုတ်ပြန်ရာ ဒီဇင်ဘာ ၇ရက် နေ့လယ် ၂နာရီတွင် TNLA တပ်ဖွဲ့များရှိရာ ဟူမန်းကျေးရွာသို့ စစ်ကောင်စီတပ်က ရဟတ်ယာဉ် ငါးစီးဖြင့် ၎င်းတပ်ဖွဲ့ဝင်များကို လာရောက်ပို့ဆောင်ခဲ့ပြီး ညနေ ၄နာရီခွဲတွင် တိုက်လေယာဉ်ဖြင့် ဗုံးကြဲတိုက်ခိုက်ခဲ့ကြောင်း ဖော်ပြသည်။ ထို့အပြင် နမ့်ဆန်မြို့မှ လက်နက်ကြီး လေးလုံးဖြင့် ပစ်ခတ်ခဲ့ကြောင်း၊ ယခုအချိန်ထိ တိုက်ပွဲဖြစ်ပွားနေပြီး တိုက်ပွဲအသေးစိတ်အား မသိရသေးကြောင်း TNLAက ယနေ့ ညပိုင်း၌ ထုတ်ပြန်သည်။

တိုက်ပွဲဖြစ်ပွားမှုနှင့်ပတ်သက်၍ TNLA သတင်းနှင့် ပြန်ကြားရေးဌာန တာဝန်ခံ ဗိုလ်မှူးမိုင်းအိုက်ကျော်ထံသို့ ဆက်သွယ်ရာ အဆက်အသွယ်မရသေးပေ။

စစ်ကောင်စီတပ်သည် နိုဝင်ဘာလကုန်ပိုင်းကလည်း ချင်းရွှေဟော်ဒေသ မြန်မာ – တရုတ် နယ်စပ်ရှိ ကိုးကန့်(MNDAA)တပ်စခန်းကိုလည်း အင်အားအလုံးအရင်းဖြင့် ထိုးစစ်ဆင်ခဲ့သည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

စစ်ကောင်စီအနေဖြင့် တိုက်ပွဲပြင်းထန်စွာဖြစ်ပွားမှုမရှိသည့် အခြေအနေ၌ပင် လေကြောင်းမှ လာရောက်တိုက်ခိုက်ရခြင်းမှာ အင်အားမရှိသည့် သဘောကို တွေ့ရကြောင်း ၎င်းက သုံးသပ်သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။