Connect with us

Hi, what are you looking for?

LuduNwayOo

သတင်း

မြောင်မြို့နယ်တွင် စစ်ဘေးရှောင်စခန်းများသို့ စားနပ်ရိက္ခာများသွားရောက်ပေးပို့သည့် PDF များကို စစ်ကောင်စီတပ် လက်နက်ကြီးဖြင့်ပစ်ခတ်

ယမန်နေ့( ဒီဇင်ဘာ ၂၇ရက်)ကလည်း ရေစကြိုနှင့်မြောက်မြို့နယ်မှ စစ်ဘေးရှောင်ပြည်သူများအတွက် စားနပ်ရိက္ခာများနှင့်အသုံးအဆောင်ပစ္စည်းများကို မြောင်လူငယ်ကွန်ယက် YFC၊ CDSOM၊ Pdf – Taloke ၊ မြင်းမူ CRF တို့က သွားရောက်လှူဒါန်းခဲ့ကြသည်။

(မြောင်နယ်ရှိ စစ်ဘေးရှောင်များအား လှူဒါန်းနေစဥ်)
(မြောင်နယ်ရှိ စစ်ဘေးရှောင်များအား လှူဒါန်းနေစဥ်)

စစ်ကိုင်းတိုင်း မြောင်မြို့နယ်တွင် ပြည်သူ့ကာကွယ်ရေးတပ်ဖွဲ့များက စစ်ဘေးရှောင်စခန်းများသို့ စားနပ်ရိက္ခာများသွားရောက်ပေးပို့သည်ကို စစ်ကောင်စီတပ်က လက်နက်ကြီးများဖြင့် ပစ်ခတ်တိုက်ခိုက်ပြီး ပြည်သူလူထုဆီ စားနပ်ရိက္ခာမရောက်ရေး ဟန့်တားနေသည်။

ဒီဇင်ဘာ ၂၅ရက်က မြောင်မြို့နယ် ညောင်ကားယားကျေးရွာရှိ စစ်ဘေးသင့်ပြည်သူများအား ပြည်သူ့ကာကွယ်ရေးရဲဘော်များက စားနပ်ရိက္ခာများ သွားပို့ဆောင်စဥ် စစ်ကောင်စီတပ်က တိုက်ခိုက်ခဲ့သည်ဟု မြောင်မြို့နယ် ပြည်သူ့ကာကွယ်ရေးနှင့် လုံခြုံရေးနှင့်အဖွဲ့ CDSOM တာဝန်ခံ ကိုနွေဦးက ပြောသည်။

“တောထဲမှာ ပုန်းနေရပြီး စားဖို့မရှိတော့ဘူးလို့ လှမ်းအကူအညီတောင်းလို့ သွားပို့တဲ့ရဲဘော်တွေကို မြစ်တစ်ဘက်ကမ်းကနေ လှမ်းပစ်တာ။ အမြန်လူစုခွဲလိုက်လို့ အထိအခိုက်တော့မရှိခဲ့ဘူး”ဟု ကိုနွေဦးက ပြောသည်။

(မြောင်နယ်ရှိ စစ်ဘေးရှောင်များအား လှူဒါန်းနေစဥ်)
(မြောင်နယ်ရှိ စစ်ဘေးရှောင်များအား လှူဒါန်းနေစဥ်)

ထိုသို့ ပစ်ခတ်မှု​ကြောင့် စစ်ဘေးရှောင်များရော ပြည်သူ့ကာကွယ်ရေးရဲဘော်များပါ လူစုခွဲလိုက်ကြရသည်။ နောက်ထပ်နာရီအနည်းငယ်ကြာမှ စစ်ဘေးရှောင်များဆီ ခရီးဆက်နိုင်ခဲ့သည်ဟု ပြည်သူ့ကာကံယ်ရေးရဲဘော်တစ်ဦးကပြောသည်။

Public Service Announcement

Public Service Announcement

“တောထဲတွင် တိမ်းရှောင်နေကြသော စစ်ဘေးရှောင်များကို စားသောက်ရိက္ခာများသွားရောက်လှုဒါန်းရာ မြစ်အရှေ့ဘက်ကမ်းမှ (၆၀)မမနဲ့လှမ်းပစ်လို့ ချက်ခြင်းလူစုခွဲကာ အခြားနေရာသို့ရွှေ့ပြောင်းခဲ့ကြရတယ်။တစ်နေရာဆီပြန့်ကျဲကုန်ကြတဲ့ပြည်သူတွေကိုပြန်စုပီး ခွဲဝေပေး​ခြင်းပြန်လုပ်ခဲ့ ရတယ်”ဟု CDSOM က သတင်းထုတ်ပြန်သည်။

စစ်ကောင်စီတပ်သည် ဒီဇင်ဘာ ၂၆ရက်နှင့် ၂၇ရက်တွင်လည်း စစ်ဘေးရှောင်ပြည်သူများရှိရာနေရာများသို့ လက်နက်ကြီးများဖြင့် မကြာခဏပစ်ခတ်နေသည်။ သို့သော် မြောင်၊ ရေစကြို၊ ချောင်းဦးနှင့် မြင်းမူမြို့တို့မှ ဒေသတွင်းပြည်သူ့မဟာမိတ်တပ်ဖွဲ့များသည် စစ်ဘေးရှောင်ပြည်သူများထံ သွားရောက်ထောက်ပံ့မှုများ ပြုလုပ်နေသည်။

ယမန်နေ့( ဒီဇင်ဘာ ၂၇ရက်)ကလည်း ရေစကြိုနှင့်မြောက်မြို့နယ်မှ စစ်ဘေးရှောင်ပြည်သူများအတွက် စားနပ်ရိက္ခာများနှင့်အသုံးအဆောင်ပစ္စည်းများကို မြောင်လူငယ်ကွန်ယက် YFC၊ CDSOM၊ Pdf – Taloke ၊ မြင်းမူ CRF တို့က သွားရောက်လှူဒါန်းခဲ့ကြသည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။