Connect with us

Hi, what are you looking for?

LuduNwayOo

သတင်း

မတ္တရာနယ်တွင် စစ်ကောင်စီရွေးကောက်ပွဲအတွက် စာရင်းကောက်နေသောအဖွဲ့ကို ဒရုန်းဖြင့်တိုက်ခိုက်

ဗုံးသီးချတိုက်ခိုက်မှုကြောင့် စစ်အုပ်စု၏ ထိခိုက် မှုအခြေအနေကိုမသိရသေးဘဲ မဟာမိတ်အဖွဲ့များဘက်ကမူ အထိအခိုက်မရှိဟုဆိုသည်။

မတ္တရာနယ်တွင် စစ်ကောင်စီရွေးကောက်ပွဲအတွက် စာရင်းကောက်နေသောအဖွဲ့ကို ဒရုန်းဖြင့်တိုက်ခိုက်
မတ္တရာနယ်တွင် စစ်ကောင်စီရွေးကောက်ပွဲအတွက် စာရင်းကောက်နေသောအဖွဲ့ကို ဒရုန်းဖြင့်တိုက်ခိုက်

မန္တလေးတိုင်း၊ မတ္တရာမြို့နယ်တွင် စစ်ကောင်စီရွေးကောက်ပွဲအတွက် စာရင်းလိုက်ကောက်နေသောအဖွဲ့အား ဒရုန်းဖြင့် ဗုံးသီးချတိုက်ခိုက်ခဲ့ကြောင်း Unicorn Guerrilla Force ပြန်ကြားရေးတာဝန်ခံက ပြောသည်။

ဇန်နဝါရီ ၂၃ ရက်က မတ္တရာမြို့နယ်ရှိ ဟင်္သာကုန်းကျေးရွာတွင် စစ်ကောင်စီ၏ အတုအယောင် ရွေးကောက်ပွဲအတွက် စာရင်းလိုက်လံကောက်ယူနေသော အဖွဲ့နှင့် စစ်ကောင်စီတပ်သားများအား မဟာမိတ်များက ဒရုန်းလေးစီးဖြင့် ဗုံးသီးချတိုက်ခိုက်ခဲ့ခြင်းဖြစ်ကြောင်း Unicorn Guerrilla Force ပြန်ကြားရေးတာဝန်ခံက ပြောသည်။

“လာတဲ့အဖွဲ့ထဲမှာ လဝကပါတယ်။ စကစ အင်အား ၂၀နဲ့လာတာ။”ဟု Unicorn Guerrilla Force ပြန်ကြားရေးတာဝန်ခံက ပြောသည်။

ဗုံးသီးချတိုက်ခိုက်မှုကြောင့် စစ်အုပ်စု၏ ထိခိုက် မှုအခြေအနေကိုမသိရသေးဘဲ မဟာမိတ်အဖွဲ့များဘက်ကမူ အထိအခိုက်မရှိဟုဆိုသည်။

အဆိုပါ စစ်ဆင်ရေးကို ဗိုလ်ကောင်းကင်၏ တော်လှန်ရေးအင်အားစု၊ ADRF (Madaya)၊SKY HERO (Madaya)၊ A B R F – Madaya၊ဒေါင်းစစ်သည် (Madaya)၊နတ်ဆိုး‌မြေအောက် တော်လှန်ရေးတပ်ဖွဲ့တို့ ပူးပေါင်းဆောင်ရွက်ခဲ့ကြောင်း အသိပေးထားသည်။

စစ်ကိုင်းတိုင်း၊ မကွေးတိုင်းနှင့် ကရင်ပြည်နယ်တို့တွင်လည်း အာဏာသိမ်းစစ်ကောင်စီ၏ ရွေးကောက်ပွဲအတွက် ကြိုတင်ပြင်ဆင်နေသည့် ထွေအုပ်ရုံးများ၊ လဝကရုံးများအား ဒေသတွင်းတော်လှန်ရေးအင်အားစုများက တိုက်ခိုက်နေသည်။

You May Also Like

သတင်း

စစ်ကောင်စီအနေဖြင့် ပြည်သူလူထုကို နည်းမျိုးစုံဖြင့် အကြမ်းဖက်နေသည်မှာ (၂)နှစ်ကြာရှိပြီဖြစ် သော်လည်း စစ်ကောင်စီနှင့် ဆွေးနွေးမှုလုပ်နေသည့် တိုင်းရင်းသားလက်နက်ကိုင် အဖွဲ့များက အတုအယောင်ငြိမ်းချမ်းရေးဆွေးနွေးမှုများ ဆက်လက်ပြုလုပ်နေခြင်းအပေါ် KNU တာဝန်ရှိသူအား မေးမြန်းရာ အထက်ပါအတိုင်း ပြောကြားခဲ့ခြင်းဖြစ်သည်။

သတင်း

ဖေဖော်ဝါရီလ ၁ ရက် မွန်းလွဲပိုင်းက ရွှေဘိုမြို့နယ် ၊ ဘုန်းဘွဲ့ ကျေးရွာအနီးတွင် စစ်ကြောင်းထိုးလာသော စစ်ကောင်စီတပ်များနှင့် ထိတွေ့တိုက်ပွဲ အပြင်းအထန်ဖြစ်ပွားခဲ့ရာ Black WOLF -ARMY အဖွဲ့က ရဲဘော် ၃ ဦး ကျဆုံးခဲ့သည်။

သတင်း

လှိုင်မြို့နယ် (၃)ရပ်ကွက်မှ ရာအိမ်မှူးမင်းဇော်ဆိုသူအား အမည်မသိလက်နက်ကိုင်တစ်စုက ကားပေါ်မှ ပစ်ခတ်ခဲ့ရာ ဦးခေါင်းထိမှန်ပြီး နေရာတင်သေဆုံးသွားခြင်းဖြစ်သည်ဟု ဒေသခံများက ဆိုသည်။

သတင်း

"ဦးလူအေးက တိုက်ခန်းက ဆင်းလာတုန်း အနီးကပ်ပစ်ခံလိုက်ရတာပါ။ ခေါင်းကိုပဲတည်ပစ်သွားတာပါ။ နေရာမှာတင် ပွဲချင်းပြီးသေသွားပါတယ် "ဟု ၎င်းက ပြောသည်။