မကွေးတိုင်း၊ ဆိပ်ဖြူမြို့နယ်တွင် ပညာရေးမှူးရုံးနှင့် လျှပ်စစ်မန်နေဂျာရုံးအား တပြိုင်နက်ဖောက် ခွဲတိုက်ခိုက်ခဲ့ကြောင်း OAK AWE UG Group (စလေ)၏ သတင်းနှင့်ပြန်ကြားရေးတာဝန်ခံက ပြောသည်။
ဇန်နဝါရီ ၂၆ ရက် ညနေ ၆ နာရီ ၄၂ မိနစ်ခန့်က ပညာရေးမှူးရုံးကို မိုင်းတစ်လုံး၊ ညနေ ၆နာရီ၅၇ မိနစ်ခန့်တွင် မြို့နယ်လျှပ်စစ်ရုံးတို့ကို မိုင်းတစ် လုံး ဖောက်ခွဲတိုက်ခိုက်ခဲ့ကြောင်း OAK AWE UG Group(စလေ)၏ သတင်းနှင့် ပြန်ကြားရေးတာဝန်ခံက ပြောသည်။
“နှစ်နေရာကို အချိန်အနည်းငယ်ခြားပြီးတိုက်ခိုက်ခဲ့တာပါ။ မိုင်းကွဲပြီး စကစတွေက ပတ်ဝန်းကျင်ကိုလာကြည့်သွားတယ်ပြောတယ်။ ကျွန်တော် တို့လုပ်လို့ရတယ်ဆိုတာ ပြချင်လို့ သတိပေးဖောက်ခွဲခဲ့တာပါ။”ဟု အထက်ပါတာဝန်ခံက ပြောသည်။
ထိခိုက်မှုအခြေအနေများအား မသိရသေးဟု ၎င်းက ဆိုသည်။
Public Service Announcement
အဆိုပါစစ်ဆင်ရေးကို စလေမြို့အခြေစိုက် ဥဩ UG(Salay)မြို့ပြပြောက်ကျားတပ်ဖွဲ့နှင့်သိန်းငှက်နက်ဆိပ်ဖြူတော်လှန်ရေးတပ်ဦး(B.H.S.R.F) မဟာမိတ်ပူးပေါင်းအဖွဲ့က တိုက်ခိုက်သတိပေးခဲ့ကြောင်း ထုတ်ပြန်ထားသည်။
တော်လှန်ရေးအင်အားစုနှစ်ဖွဲ့သည် ဇန်နဝါရီ ၁၂ရက်ကလည်း ဆိပ်ဖြူမြို့နယ်တွင် ရိက္ခာတင်ယာဥ်တစ်စီးနှင့် စစ်ဆေးရေးဂိတ်အား မိုင်းခွဲတိုက်ခိုက်ခြင်းနှင့် ဒရုန်းဖြင့်တိုက်ခိုက်ခြင်းများ ပြုလုပ်ခဲ့သေးသည်။
