ရေး-သံဖြူဇရပ်အဝေးပြေးလမ်းတွင်ခရီးသည်တင်ယာဥ်နှင့်အိမ်စီးကားတစ်စီးတိုက်မိပြီး အိမ်စီးကားပေါ်ပါလာသူ (၅)ဦးလုံးနေရာတင် သေဆုံးခဲ့သည်။
မွန်ပြည်နယ် သံဖြူဇရပ်-ရေး လမ်းမကြီးမှ ကနင်ကမော့နှင့် အောင်သာယာရွာကြားလမ်းပိုင်းတွင်ယမန်နေ့(ဇန်နဝါရီလ၂၇ရက်) ည၆ နာရီ ၄၀မိနစ်ကဖြစ်ပွားခဲ့ခြင်းဖြစ်သည်။
“အိမ်စီးကားကပရိုဘောက်စ် ကားပါ။ကားပေါ်မှာကလေးတစ်ယောက်နဲ့ လူကြီးလေးယောက်ပါလာတာ။ ငါးဦးလုံးသေဆုံးသွားပါတယ်။ ထိန့်လန့်စရာပါပဲ” ဟု ယာဥ်တိုက်မှုဖြစ်ရာနေရာအနီးမှ ဒေသခံတစ်ဦးကပြောသည်။
အိမ်စီးကားမှာယာဥ်တိုက်မှုတွင် ဆိုးရွားစွာပျက်စီးနေသည်ကိုလည်း သတင်းဓါတ်ပုံများတွင်တွေ့ရသည်။
သေဆုံးသူများသည် ရေဖြူမြို့နယ်ဇာတိဖြစ်ပြီး ၎င်းတို့၏ နေရပ်သို့ အပြန်တွင် အထက်ပါ အဖြစ်ဆိုးနှင့်ကြုံခဲ့ခြင်း လူမှုရေးအဖွဲ့များကပြောသည်။