စစ်ကောင်စီတပ်လိုက်လံပစ်ခတ်၍ တစ်ဦးသေဆုံးပြီး ကျန်တစ်ဦးလွှတ်မြောက်
စစ်ကောင်စီတပ်လိုက်လံပစ်ခတ်၍ တစ်ဦးသေဆုံးပြီး ကျန်တစ်ဦးလွှတ်မြောက်စစ်ကိုင်းတိုင်း၊ ကနီမြို့တွင် တာဝန်ကျနေသော စစ်ကောင်စီတပ်သားနှစ်ဦး လက်နက်ခဲယမ်းများနှင့်အတူ တပ်ကိုစွန့်ခွာပြီးထွက်ပြေးစဉ် စစ်ကောင်စီတပ်က လိုက်လံပစ်ခတ်ရာ တစ်ဦးသေဆုံးပြီး တစ်ဦးလွတ်မြောက်သွားကြောင်း ဒေသခံများက ပြောသည်။
ယမန်နေ့(ဖေဖော်ဝါရီ ၁၅ရက်)ည ၇နာရီခန့်ကကနီမြို့ပေါ်တွင် ကင်းလှည့်နေသည့် စစ်ကောင်စီတပ်ဖွဲ့မှ နှစ်ဦး လက်နက်ခဲယမ်းများနှင့် ထွက်ပြေးစဉ် လိုက်လံပစ်ခတ်ခံရခြင်းဟု သိရသည်။
“ဖုန်းတော့ပါမသွားဘူး။ လက်နက်တွေပါ သွားတယ်။ စစ်ကောင်စီတပ်က နောက်ကနေ လိုက်ပစ် တာ။တစ်ယောက်က လွတ်သွားတယ်။ထွေအုပ်ရုံးထဲမှာ တစ်ယောက်မိပြီး ပစ်သတ်လိုက်တယ်။ လွန်ခဲ့တဲ့နာရီဝက်လောက်ကမှ ဆေးရုံရင်ခွဲရုံကို ပို့လိုက်တာ”ဟု ကနီမြို့ခံတစ်ဦးက ယနေ့ ပြောသည်။
သေဆုံးသွားသည့် စစ်ကောင်စီတပ်သားမှာ မုံရွာမြို့ခံတစ်ဦးဖြစ်ပြီး လည်ပင်းတွင်ကြယ်ပုံ တက်တူးထိုးထားကြောင်း၊ ထွက်ပြေးလွတ်မြောက်သွားသည့် စစ်ကောင်စီတပ်ဖွဲ့ဝင်တစ်ဦး၏သတင်းကို မကြားရသေးကြောင်း ၎င်းကပြောသည်။
Public Service Announcement
ကနီမြို့ တာဝန်ကျနေသည့် စစ်ကောင်စီတပ်မှာ ပညာရေး(၁၁)ဟု ခေါ်သော လက်ရုံးတပ်ဖြစ်ပြီး ဗိုလ်မှူးကျော်သန့်နိုင်ဆိုသူဦးစီးနေသည်ဟု ပြည်သူ့ကာကွယ်ရေးရဲဘော်အချို့က ပြောသည်။
ပြီးခဲ့သည့် ဇန်နဝါရီကလည်း အဆိုပါတပ်မှ စစ်ကောင် စီတပ်သားတစ်ဦး လက်နက်ခဲယမ်းအပြည့်အစုံဖြင့် CDMပြုလုပ်ကာ လာရောက်ပူးပေါင်းခဲ့ကြောင်း ကနီမြို့နယ်ပြည်သူ့အုပ်ချုပ် ရေးအဖွဲ့မှတာဝန်ရှိသူတစ်ဦးက ပြောသည်။
