Connect with us

Hi, what are you looking for?

LuduNwayOo

သတင်း

ရေနံချောင်းရဲစခန်းအား အဝေးထိန်းမိုင်းနှစ်လုံးဖြင့် ဖောက်ခွဲတိုက်ခိုက်၊ ထိခိုက်မှုရှိနိုင်ဟုဆို

ထိုသို့ တိုက်ခိုက်ချိန်တွင် မြို့မရဲစခန်းအတွင်း စစ်ကောင်စီ​၏ ရဲတပ်ဖွဲ့ဝင် ၃၀ဦးခန့်ရှိနေပြီး ဖောက်ခွဲတိုက်ခိုက်မှုကြောင့် ထိခိုက်မှုရှိနိုင်သော်လည်း အသေးစိပ်အခြေအနေအား မသိရသေးကြောင်း ဗိုလ်စံသျှားက ရှင်းပြသည်။

(ပြည်သူ့ရဲဘော်များ တိုက်ခိုက်ခဲ့သည့် ရေနံချောင်းမြို့မရဲစခန်းအား တွေ့ရစဉ်။ ဓာတ်ပုံ - CJ)
(ပြည်သူ့ရဲဘော်များ တိုက်ခိုက်ခဲ့သည့် ရေနံချောင်းမြို့မရဲစခန်းအား တွေ့ရစဉ်။ ဓာတ်ပုံ - CJ)

မကွေးတိုင်း ရေနံချောင်းမြို့ရှိ စစ်ကောင်စီလက် အောက်ခံ ရေနံချောင်းမြို့မရဲစခန်းအား အဝေးထိန်းမိုင်းနှစ်လုံးဖြင့် ဖောက်ခွဲတိုက်ခိုက်ခဲ့ကြောင်း People’s Defense Force – Yanangyaungက ပြော သည်။

ယမန်နေ့ (မတ်လ ၅ရက်)ည ၈နာရီ ၁၅မိနစ်ခန့်က ရေနံချောင်းမြို့မရဲစခန်းအား မကွေးခရိုင် PDF တပ်ရင်း (၂)၊ တပ်ခွဲ (၁)၊ PDF – Yanangyaung ၊ Yanangyaung Local People’s Defense Force(ဖေကံကောင်းအဖွဲ့)တို့ပူးပေါင်းပြီး စခန်းနှင့်အနီးဆုံးနေရာထိသွာရောက်၍ အဝေးထိန်းမိုင်းများဖြင့် ဖောက်ခွဲတိုက်ခိုက်ခဲ့သည်ဟု ဆိုသည်။

“ဘယ်နေရာကို အဓိကထားပြီးပစ်ခတ်ခဲ့တာလည်းဆိုတော့ ရေနံချောင်းမြို့မရဲစခန်းရှေ့ တည့်တည့်ကိုပါဗျ။ ကျနော်တို့ ဘန်ကာကို ပစ်မှတ် ထားပြီးတော့ ဖောက်ခွဲခဲ့တာပါ”ဟု PDF – Yanangyaung တပ်ဖွဲ့တာဝန်ခံ ဗိုလ်စံသျှားက People’s Spring သို့ ပြောသည်။

ထိုသို့ တိုက်ခိုက်ချိန်တွင် မြို့မရဲစခန်းအတွင်း စစ်ကောင်စီ​၏ ရဲတပ်ဖွဲ့ဝင် ၃၀ဦးခန့်ရှိနေပြီး ဖောက်ခွဲတိုက်ခိုက်မှုကြောင့် ထိခိုက်မှုရှိနိုင်သော်လည်း အသေးစိပ်အခြေအနေအား မသိရသေးကြောင်း ဗိုလ်စံသျှားက ရှင်းပြသည်။

Public Service Announcement

Public Service Announcement

Public Service Announcement
Public Service Announcement

“ကျနော်တို့ ဖောက်ခွဲတိုက်ခိုက်ချိန်မှာ စိတ်မကောင်းစွာနဲ့ပဲ ပြည်သူ့ဆိုင်ကယ်တစ်စီးက ရောက်ရှိလာတယ်။ အဲအချိန်မှာ ကျနော်တို့ မိုင်းကွင်းကနေမလွတ်ခဲ့ဘူးပေါ့ဗျာ။ ပြောမယ်ဆိုရင်တော့ဒါပေမဲ့လည်း အဲဒီပြည်သူက ထိခိုက်ဒဏ်ရာအရမ်းကြီးမစိုးရိမ်ရဘူး။ ပြည်သူကိုလည်း ကယ်ထုတ်နိုင်ခဲ့တယ်”ဟု ၎င်းက အသိပေးသည်။

သို့သော် PDF – Yanangyaung တပ်ဖွဲ့အနေဖြင့် ထိခိုက်ဒဏ်ရာရသွားသော ပြည်သူတစ်ဦးအတွက် များစွာစိတ်မကောင်းဖြစ်ရကြောင်းနှင့် ထိခိုက်မှုအတွက် အနူးအညွတ်တောင်းပန်ကြောင်း ထုတ်ပြန်ထားသည်။

အထက်ပါ ဖောက်ခွဲတိုက်ခိုက်မှုအပြီး ရဲစခန်းအတွင်းမှနေ၍ လက်နက်ငယ်များဖြင့် ရမ်းသမ်း ပြန်လည်ပစ်ခတ်ခဲ့သော်လည်း တော်လှန်ရေးရဲဘော်များ အထိအခိုက်မရှိခဲ့ပေ။

ဆက်စပ်သတင်းများ

သတင်း

လက်ရှိ လူထုကြား ​သောကများ​နေကြသည့် စစ်မှုထမ်းကိစ္စကို အထူးအ​လေး​ပေးပြုလုပ်​နေကြသည့် စစ်ကောင်စီအလိုတော်ရိ ဝန်ထမ်းများ၊ ​ထွေအုပ်၊ ရပ်ကွက်အုပ်ကြီးများနှင့် လက်​​ဝေခံ ထောက်တိုင်များလည်း သတိထား​နေကြရန် ရန်ကုန်ပကဖက ပြင်းထန်စွာ သတိ​ပေးသည်။

သတင်း

အဆိုပါတိုက်ခိုက်မှုဖြစ်စဉ်များဖြစ်ခဲ့သည်မှာ မှန်ကန်ပြီး လူထိခိုက်မှုမရှိကြောင်း လှိုင်သာယာကင်းထောက်ချန်နယ်မှ တာဝန်ရှိသူတစ်ဦးက ပြောသည်။

သတင်း

ယင်းပေါက်ကွဲမှုဖြစ်ပွားပြီးနောက် ဝေဘာဂီရပ်ကွက်၊ ၆ ကွေ့နှင့် အောင်မင်္ဂလာကားဝင်းအနီးတို့တွင် စစ်ကားများဖြင့် ပိတ်ဆို့၍ စစ်ဆေးမှုများ ပြုလုပ်နေကြောင်း ဒေသခံပြည်သူအချို့က ပြောသည်။

သတင်း

စစ်ကောင်စီ၏ ပစ်မှတ်များကိုလည်း ဆက်တိုက်တိုက်ခိုက်ချေမှုန်းသွားမည်ဖြစ်၍ ပြည်သူများအနေဖြင့် စစ်ကောင်စီနှင့် ပတ်သက်သည့် နေရာများကို ဝေးဝေးမှရှောင်ကြရန်လည်း မေတ္တာရပ်ခံထားသည်။