BGF စခန်းတစ်ခုအား KNLA တပ်မဟာ(၅) တိုက်ခိုက်၊ BGF ၆ဦးသေ လက်နက် ၈ လက်ရဟုထုတ်ပြန်

▪︎KNLAရဲ​ဘော် ၂ဦးကျဆုံးခဲ့ဟုလည်းအသိ​ပေး

ကရင်အမျိုးသားအစည်းအရုံး(KNU) လက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၅)က စစ်ကောင်စီလက်အောက်ခံ နယ်ခြားစောင့်တပ်(BGF) စခန်းတစ်ခုကို ဝင်ရောက်တိုက်ခိုက်ရာ BGF တပ်ဖွဲ့ဝင် ၆ ဦးသေဆုံးပြီး လက်နက်ခဲယမ်းများ ရရှိခဲ့ကြောင်း ယနေ့ ထုတ်ပြန်သည်။

အကြမ်းဖက်စစ်ကောင်စီခါးပိုက်ဆောင်တပ်၏ ရှေ့တန်းစစ်မြေပြင်သို့ လက်နက်ခဲယမ်း၊ စားနပ်ရိက္ခာများပို့ဆောင်ရန် လမ်းလုံခြုံရေးအားတပ်ဝန်ယူစောင့်ကြပ်ပေးထားသည့် BGFတပ်နယ်(၃)၊ နီကန်စခန်းအား မေလ ၂ရက်တွင် တိုက်ခိုက်ခဲ့ခြင်းဖြစ်သည်ဟုဆိုသည်။

အဆိုပါ တိုက်ခိုက်မှုအတွင်း BGFမှ တပ်ခွဲမှူးတစ်ဉီး၊ ဒု-ခွဲမှူးတစ်ဉီးနှင့် တပ်ကြပ်ကြီးတစ်ဉီး အပါအဝင် ၆ဦးသေဆုံးခဲ့ကြောင်း ထုတ်ပြန်သည်။

BGF ထံမှ AR(၅)လက်နှင့်အတူ ၎င်းကျည်ဆံအပြည့်ပါကျည်ဘောက်(၁၆)ချပ်၊ 9-MM-နိုင်းမမပစ်စတိုတစလက်၊ RPG-7 တစ်လက်နှင့် ၎င်းဗုံးသီး(၆)လုံး၊ NATO-နတ်တိုးစက်လတ်တစ်လက်နှင့် ၎င်း၏ကျည်(၅၀၀)လုံးနှင့် ဆက်သွယ်ရေးစကားပြောစက်(၂)လုံးသိမ်းဆည်းရမိခဲ့ကြောင်း ဖော်ပြသည်။

Public Service Announcement

တိုက်ပွဲအတွင်း KNLA ရဲဘော် ၂ဦး ကျဆုံးခဲ့ပြီး ၅ဦး ဒဏ်ရာရရှိခဲ့ကြောင်း အသိပေးထားသည်။

အဆိုပါတိုက်ပွဲနှင့်ပတ်သပ်၍အ​သေးစိပ်သိရှိနိုင်ရန် People’s Spring က KNLA တပ်မဟာ ၅ ထံဆက်သွယ်ရန်ကြိုးစား​သော်လည်းဆက်သွယ်မရ​သေးပါ။

KNLA တပ်မဟာ(၅)နယ်မြေ ဖာပွန်ခရိုင်တွင် တိုက်ပွဲများ နေ့စဉ်ဖြစ်ပွားလျက်ရှိပြီးစစ်ကောင်စီတပ်က အထိနာလျက်ရှိသည်။