မိုချာမုန်တိုင်းကုန်တွင်းပိုင်းဝင်​ရောက်ချိန်​လေတိုက်နှုန်းမူလခန့်မှန်းချက်ထက်ပိုပြင်းလာနိုင်ဟု အိန္ဒိယမိုးဇလထုတ်ပြန်

●မြန်မာနိုင်ငံ ​ကျောက်ဖြူမြို့ နှင့် ဘင်္ဂလားဒေ့ရှ်နိုင်ငံ ကော့ဘဇားတို့ကြားမှ တစ်နာရီ​လေတိုက်နှုန်း ၈၇- ၉၃ မိုင် (ကီလိုမီတာ ၁၄၀ မှ ၁၅၀)မှအမြင့်ဆုံး ၁၀၂ မိုင် (၁၆၅ ကီလိုမီတာ)အထိတိုက်ခတ်နိုင်

မိုချာ(မိုခါ)ဆိုင်ကလုန်းမုန်တိုင်း​အားအ​ကောင်းဆုံးအချိန်သည် ​မေ ၁၃ ရက်တွင်ဖြစ်ပြီး ​ ​မေ ၁၄ ရက် နံနက်ပိုင်းမြန်မာနှင့် ဘဂ်လား​ဒေရှ်နိုင်ငံကြားမှ ကုန်တွင်းပိုင်းဖြတ်သန်းချိန်တွင် ​လေတိုက်နှုန်းမှာ တစ်နာရီလျှင် အနည်းဆုံးမိုင် ၈၀ ​ကျော်မှ အများဆုံး မိုင် ၁၀၀​ကျော်ဖြင့်တိုက်ခိုက်နိုင်​ကြောင်း အိန္ဒိယမိုး​ဇလကယ​နေ့ထုတ်ပြန်သည်​။

အိန္ဒိယမိုးဇလက ​မေ ၁၀ ရက်ကခန့်မှန်းချက်တွင် မိုချာဆိုင်ကလုန်းမုန်တိုင်းသည် တစ်နာရီ​လေတိုက်နှုန်း၆၈-၇၄မိုင်ကျော်( ၁၁၀-၁၂၀ ကီလိုမီတာ)မှ အများဆုံး ၈၀ မိုင်(ကီလိုမီတာ ၁၃၀)နှုန်းဖြင့်ကမ်း​ခြေကိုဖြတ်​ကျော်ဝင်​ရောက်နိုင်​သည်ဟုကနဦး ခန့်မှန်းထားရာမှ ​မေ ၁၁ ရက်ခန့်မှန်းချက်တွင်ကီလိုမီတာ ၁၄၀ မှ ၁၅၀ (၈၇- ၉၃ မိုင်)မှ ၁၆၅ ကီလိုမီတာ(၁၀၂ မိုင်)အထိ တိုက်ခတ်နိုင်ကြောင်း​ခန့်မှန်းချက်​ပြောင်းသွားသည် ။ထို​ကြောင့်ကမ်း​ခြေသို့ဖြတ်​ကျော်တိုက်ခတ်ချိန်​​လေတိုက်နှုန်းပိုများလာခြင်းဖြစ်သည်။

ယခုအခါမုန်တိုင်းသည်ဘဂ်လား​ပင်လယ်အော်အရှေ့တောင်ပိုင်းမှ​မြောက်၊ အ​နောက်​မြောက်ဘက်သို့ တစ်နာရီလျှင် ၅ မိုင်နှုန်းခန့်ဖြစ်​ရွေ့လျား​နေသည်။လက်ရှိမုန်တိုင်းတည်​နေရာသည် စစ်​တွေမြို့ ၏ ​တောင်၊အ​နောက်​တောင်ဘက်ဘက် မိုင် (၆၂၀ ) ဝန်းကျင်အကွာပင်လယ်ပြင်တွင်ရှိ​နေသည်။

မုန်တိုင်းသည်မြောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး ယနေ့ (မေလ ၁၁ ရက်)ညအချိန်ခန့်တွင် အားကောင်းသော ဆိုင်ကလုန်းမုန်တိုင်းအဖြစ်သို့ ပိုအားကောင်းလာမည်ဖြစ်သည်။ ထိုနောက် ဘင်္ဂလားပင်လယ်အော်အလယ်ပိုင်းတွင်မနက်ဖြန် (မေလ ၁၂ ရက်) နံနက်မှ စ၍ မြောက်-အရှေ့မြောက်ဘက်သို့ ရွေ့လျားပြီး ပိုမိုအားကောင်းသည့် ဆိုင်ကလုန်းမုန်တိုင်းအဖြစ် မေလ ၁၂ ရက်ညနေပိုင်းတွင် ​ရောက်ရှိလာမည်ဟုသိရသည်။

Public Service Announcement

မုန်တိုင်း၏ အားအ​ကောင်းဆုံးအချိန်မှာ မေလ ၁၃ ရက်နေ့ ညနေပိုင်းခန့်တွင်​ရောက်ရှိမည်ဟု အိန္ဒိယမိုးဇလကတွက်ချက်ထားသည်။

ထို​နောက် ​မေ ၁၄ ရက် (တနဂါ်​နွေ​နေ့) နံနက်တွင် မုန်တိုင်မှာဘင်္ဂလားဒေ့ရှ်အရှေ့တောင်ပိုင်းနှင့် မြန်မာကမ်းရိုးတန်းများကို ဖြတ်ကျော်ဝင်ရောက်နိုင်မည်ဟုခန့်မှန်းထားသည်။

မြန်မာနိုင်ငံ ​ကျောက်ဖြူမြို့ နှင့် ဘင်္ဂလားဒေ့ရှ်နိုင်ငံ ကော့ဘဇားတို့ကြားမှ အမြင့်ဆုံးလေတိုက်နှုန်းမှာ တစ်နာရီလျှင် ကီလိုမီတာ ၁၄၀ မှ ၁၅၀ (၈၇- ၉၃ မိုင်)မှ ၁၆၅ ကီလိုမီတာ(၁၀၂ မိုင်)အထိ တိုက်ခတ်နိုင်ကြောင်း ခန့်မှန်းထားသည်။

အထက်ပါခန့်မှန်းချက်မှာ ​အိန္ဒိယမိုးဇလက ​မေ ၁၁ ရက် နံနက်ပိုင်းတိုင်ထွာချက်များအရ ခန့်မှန်းချက်များဖြစ်ပြီးအချိန်နှင့်အမျှအ​ပြောင်းအလဲရှိနိုင်​ပါသည်။

အဆိုပါ​လေတိုက်နှုန်းနှင့်တိုက်ခတ်ခဲ့ပါက ၂၀၀၈ ​မေလ ၂ ရက်ကတိုက်ခတ်ခဲ့​သောနာဂစ်မုန်တိုင်းထက် အင်အားများစွာ​လျော့ပြီး နာဂစ်မုန်တိုင်းသည် ​လေတိုက်နှုန်းအမြင့်ဆုံးအချိန်တွင် ၁ နာရီလျှင် မိုင် ၁၃၀ ​ကျော် (၂၁၅ ကီလိုမီတာ​ကျော်) နှုန်းဖြင့်တိုက်ခတ်ခဲ့ခြင်းဖြစ်သည်။ ထို့အပြင်၂၀၁၀ ​အောက်တိုဘာ ၂၂ ရက်ကတိုက်ခတ်ခဲ့​သော ဂီရိမုန်တိုင်းထက်လည်းအားနည်းပြီး ဂီရိမုန်တိုင်းမှာ တစ်နာရီ​လေတိုက်နှုန်း အမြင့်ဆုံအချိန်တွင် မိုင် ၁၂၀( ၁၉၅ ကီလိုမီတာ )နှုန်းရှိခဲ့သည်။

မုန်တိုင်း​ကြောင့် ရခိုင်ကမ်းရိုးတန်း၊ ဧရာဝတီမြစ်ဝကျွန်း​ပေါ်နှင့်ကမ်းရိုးတန်း ၊တနသာ်ရီကန်းရိုးတန်း ၊မတ္တမပင်လယ်​ကွေ့တို့တွင် ​လေပြင်းတိုက်ခတ်ခြင်း ၊မိုးသည်းထန်စွာရွာသွန်းခြင်း၊ဒီ​ရေတက်ခြင်းများကြုနိုင်​ကြောင်း မိုး​လေဝသပညာရှင်များကခန့်မှန်းထားသည်။ နိုင်ငံတစ်ဝန်း​ဒေသအများစုတွင်မိုးရွာသွန်းနိုင်ပြီး ရခိုင်ပြည်နယ် ၊ဧရာဝတီတိုင်း ၊စစ်ကိုင်းတိုင်း ၊မ​ကွေးတိုင်း၊မန္တ​လေးတိုင်း၊ရန်ကုန်တိုင်း ၊ တနသာ်ရီတိုင်းတို့တွင်မိုးသည်းထန်စွာရွာသွန်းခြင်း ​လေပြင်းများတိုက်ခတ်နိူင်သည်။ရေကြီးခြင်း ၊​တောင်ပြိုခြင်း၊​လေပြင်းတိုက်ခတ်ခြင်းများကိုလည်း သတိပြုရန်မိုး​လေဝသပညာရှင်များက တိုက်တွန်းထားသည်။

မုန်တိုင်းဦးတည်ရာနှင့် မုန်တိုင်းစက်ကွင်းသည် ရခိုင်ကမ်းရိုးတန်း​​ဒေသအများစုပါဝင်၍ ကျန်​ဒေသများထက်မုန်တိုင်းသက်​ရောက်မှုကြုံ​တွေ့ရနိုင်​ကြောင်းမိုး​လေဝသပညာရှင်များက​ပြောသည်။