Connect with us

Hi, what are you looking for?

LuduNwayOo

သတင်း

ကလေးဝ၊ စခန်းကြီးရွာအနီးတိုက်ပွဲ စစ်ကောင်စီ အထိနာပြီး လက်နက် ၇ လက်နှင့် ခဲယမ်းများစွာရဟု NUG ကာကွယ်ရေး ထုတ်ပြန်

ခမရ -၃၆၂(ကျီကုန်းအခြေစိုက်)၊ရဲနှင့်ပျုစောထီးအင်အား (၁၃၀)ဦးခန့်ပါသည့် စစ်ကြောင်းကို တိုက်ခိုက်ရာ တိုက်ပွဲအတွင်း Faw ကား(၂)စီးမီးရှို့ဖျက်ဆီး နိုင်ခဲ့ကြောင်း၊ တိုက်ပွဲအတွင်း ရန်သူ့ထိခိုက်​​သေဆုံးကို စိစစ်ဆဲဖြစ်ကြောင်း ထုတ်ပြန်သည်။

(စစ်​ကောင်စီတပ်ထံမှ သိမ်းဆည်းရရှိ​သောလက်နက်ခဲယမ်းများ။ ဓါတ်ပုံ-NUG)
(စစ်​ကောင်စီတပ်ထံမှ သိမ်းဆည်းရရှိ​သောလက်နက်ခဲယမ်းများ။ ဓါတ်ပုံ-NUG)

▪︎စစ်ကောင်စီတပ်ကား ၂စီးကို ဖျက်ဆီးနိုင်ခဲ့ဟု အသိပေး

စစ်ကိုင်းတိုင်း ကလေးဝမြို့နယ်၊ စခန်းကြီးရွာအနီး ယမန်နေ့ကတိုက်ပွဲဖြစ်ပွားခဲ့ရာ စစ်ကောင်စီလက်အောက်ခံ ရဲနှင့် ပျူစောထီးများ အထိနာကာ ရန်သူ့ထံမှ လက်နက် ကြီး တစ်လက် အပါအဝင် လက်နက် ၇ လက် သိမ်းဆည်းရရှိခဲ့ကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက ယနေ့ထုတ်ပြန်သည်။

“ကျွန်တော်တို့ကြားတာ စစ်တပ်ဘက်က တော်တော်သေတယ်။ ၄၀လောက်ကို သေတယ်။ ဒဏ်ရာရတာတွေ၊ ထွက်ပြေးတာတွေလည်း ရှိတယ်” ဟုကလေးဝမြို့ဒေသခံတစ်ဦးကပြောသည်။

ဇွန်လ(၁၆)ရက်နေ့ မနက်ပိုင်းတွင်ကလေးဝမြို့နယ်၊စခန်းကြီးရွာအနီးတွင် ကလေးဝမြို့မှ တစ်ဆင့် မင်းကင်းမြို့နယ်သို့ ယာကြီးလမ်းအတိုင်းလူ၊လက်နက်၊ရိက္ခာ ပို့ရန် Faw ကား( ၃)စီးဖြင့်လာသည့်စစ်ကြောင်းကို ပြည်သူ့ကာကွယ်ရေးတပ်မတော်(PDF)၊ (ကလေးခရိုင်) အမှတ်(၉) တပ်ရင်းက ကြားဖြတ်တိုက်ခိုက်ခဲ့ခြင်းဖြစ်သည်။

Public Service Announcement
Public Service Announcement

ခမရ -၃၆၂(ကျီကုန်းအခြေစိုက်)၊ရဲနှင့်ပျုစောထီးအင်အား (၁၃၀)ဦးခန့်ပါသည့် စစ်ကြောင်းကို တိုက်ခိုက်ရာ တိုက်ပွဲအတွင်း Faw ကား(၂)စီးမီးရှို့ဖျက်ဆီး နိုင်ခဲ့ကြောင်း၊ တိုက်ပွဲအတွင်း ရန်သူ့ထိခိုက်​​သေဆုံးကို စိစစ်ဆဲဖြစ်ကြောင်း ထုတ်ပြန်သည်။

Public Service Announcement

Public Service Announcement

၂ နာရီဝန်းကျင်ကြာ​သောတိုက်ပွဲတွင် ရန်သူ့ထံမှ MA-(11) (၂)လက်၊ G-3 (၂)လက်၊ MA-11 ကျည်ဘောက် (၃)ခု၊ G-3 ကျည်ဘောက် (၆)ခု၊ MG (3) ငါးကြင်းမြှီး (၁)လက်၊ MA-7 60 MM တာဝေးစိန်ပြောင်း (၁)လက်၊ 60 MM ဗုံးသီးများ၊ RPG ထိပ်ဖူး(၅)လုံး၊ အီနာဂါ ဗုံးသီး(၅) လုံး၊ .38 Webly Wesson (၆)လုံးပြူး (၁)လက်၊ Jammer (၁) လုံး၊ M-14 နင်းမိုင်း (၂)လုံး၊ လက်ပစ်ဗုံး အလုံး (၃၀)ကျော်၊ ကျည်ဆံများနှင့် တခြားဆက်စပ်ပစ္စည်းများ သိမ်းဆည်းရရှိခဲ့ကြောင်း ကာကွယ်ရေးဝန်ကြီးဌာန ၊ ပြည်သူ့ကာကွယ်​ရေးတပ်မ​တော်(စစ်ရုံးချုပ်)က အသိပေးသည်။

အဆိုပါတိုက်ပွဲ၌ ပြည်သူ့ကာကွယ်ရေးတပ်မတော်သားများ အထိအခိုက်မရှိ ဆုတ်ခွာနိုင်ခဲ့ကြောင်း သတင်းထုတ်ပြန်ထားသည်။

တိုက်ပွဲတွင် စစ်ကောင်စီဘက်က ​သေဆုံးထိခိုက်မှုအ​ခြေအ​နေကို အတိအကျမသိရသေးသော်လည်း အကျအဆုံးများသည်ဟု ပြည်သူ့ကာကွယ်ရေးတပ်မတော်(PDF)၊ (ကလေးခရိုင်) အမှတ်(၉) တပ်ရင်း၊ ကလေး၀ PDF မှ တာဝန်ရှိသူတစ်ဦးကပြောသည်။ ယနေ့(ဇွန် ၁၇)တွင်လည်း တိုက်ပွဲဆက်ဖြစ်နေသည်ဟုသိရသည်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော် အခြေစိုက် ခမရ(၃၂၁)သည် မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ် အတွက် အရေးကြီးသည့် တပ်စခန်းဖြစ်သကဲ့သို့ ရှေ့တန်းစခန်းများသို့ စစ်လက်နက်နှင့် ရိက္ခာ ထောက်ပံ့ပေးသည့် တပ်စခန်းဖြစ်သည်ဟု KIAက အသိပေးထားသည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။