Connect with us

Hi, what are you looking for?

LuduNwayOo

သတင်း

မြောက်ဥက္ကလာပ ဓားပြမှုနှင့်ပတ်သက်၍ စွပ်စွဲမှုအပေါ် PDF တွံတေး ရှင်းလင်း

မြောက်ဥက္ကလာပမြို့နယ် မြတ်မောင်စိန် ရွှေဆိုင်ဓားပြတိုက်သည့် ဖြစ်စဉ်မှ ဖမ်းဆီးခံရသူများက ယင်းကိစ္စကို PDF တွံတေး ခေါင်းဆောင် ဗိုလ်ဆံရှည် (ခ) ကိုထက်နှင့် ချမ်းမြေ့အောင်တို့က လက်နက်များပေးခဲ့သည်ဟု ထွက်ဆိုကြောင်း စစ်ကောင်စီလက်အောက်ခံ မီဒီယာများက ဖော်ပြထားသည်။

(မြောက်ဥက္ကလာပမြို့နယ်မှ ရွှေဆိုင်ဓားပြတိုက်သူအား CCTV မှတဆင့်တွေ့ရစဥ်)
(မြောက်ဥက္ကလာပမြို့နယ်မှ ရွှေဆိုင်ဓားပြတိုက်သူအား CCTV မှတဆင့်တွေ့ရစဥ်)

ရန်ကုန်မြို့ မြောက်ဥက္ကလာပမြို့နယ်မှ ရွှေဆိုင်ဓားပြတိုက်ခံရမှုနှင့်ပတ်သက်၍ တွံတေးမြို့ပြပြောက်ကျားအဖွဲ့အပေါ် စွပ်စွဲခြင်းမှာ တော်လှန်ရေးပုံဖျက်ချင်သောကြောင့် လုပ်ဆောင်ခြင်းဖြစ်ကြောင်း PDF တွံတေးတာဝန်ခံ ဗိုလ်တွံတေးက ပြောသည်။

“ရန်ကုန်တိုင်းကို စစ်ကောင်စီက အမျိုးအမျိုးဖိနှိပ်နေတာဖြစ်ပြီး တောင်ပိုင်းခရိုင်မှာမှတော်လှန်ရေးအားကောင်းတဲ့မြို့ဖြစ်နေတဲ့အတွက် ပုံဖျက်ချင်တာ၊ ပြည်သူအထင်အမြင်လွဲအောင်လုပ်ချင်တာလို့ ယူဆပါတယ်။ဒါ့အပြင် ဖမ်းဆီးခံရသူတွေထဲမှာမှ တွံတေးဇာတိသားတွေပါတယ်ဆိုတာအပေါ်အကြောင်းပြုပြီးတော့မှ ပုံဖျက်ဖို့ကြိုးစားတယ်လို့ မြင်ပါတယ်”ဟု ၎င်းကပြောသည်။

မြောက်ဥက္ကလာပမြို့နယ် မြတ်မောင်စိန် ရွှေဆိုင်ဓားပြတိုက်သည့် ဖြစ်စဉ်မှ ဖမ်းဆီးခံရသူများက ယင်းကိစ္စကို PDF တွံတေး ခေါင်းဆောင် ဗိုလ်ဆံရှည် (ခ) ကိုထက်နှင့် ချမ်းမြေ့အောင်တို့က လက်နက်များပေးခဲ့သည်ဟု ထွက်ဆိုကြောင်း စစ်ကောင်စီလက်အောက်ခံ မီဒီယာများက ဖော်ပြထားသည်။

ထို့ကြောင့် PDF တွံတေးက ယင်းကိစ္စနှင့်ပတ်သတ်သည့်ရှင်းလင်းချက်ကို ယနေ့ ထုတ်ပြန်ခဲ့သည်။

Public Service Announcement

Public Service Announcement

ယင်းဓားပြမှုတွင် ဖမ်းဆီးခံထားရသူများသည် ၎င်းတို့အဖွဲ့ဝင်များမဟုတ်သလို အဖွဲ့ခေါင်းဆောင်များက လက်နက်ပေး၍ ဓားပြတိုက်ခိုင်းသည်ဟုဆိုသည်မှာလည်း မဟုတ်မှန်ကြောင်း ရှင်းလင်းထားပြီး ယင်းကဲ့သို့ စွပ်စွဲခြင်းသည် တွံတေးမြို့နယ်တော်လှန်ရေးအင်အားစုများ ပြိုလဲပျက်စီးစေရန်နှင့် အများပြည်သူအထင်အမြင်လွဲမှားစေရန် တော်လှန်ရေးပုံဖျက်နေခြင်းဖြစ်ကြောင်း ထုတ်ပြန်ထားသည်။

“PDF တွံတေး (တွံတေးပကဖ)မှာပါဝင်နေသူရဲဘော်တိုင်းဟာ ရန်ကုန်တိုင်းပြည်သူ့ကာကွယ်ရေးအဖွဲ့ရဲ့အဖွဲ့ဝင် ကုဒ်နံပါတ်ရရှိပြီး သူတွေချည်းပါပဲ။ ဖမ်းဆီးခံရသူတွေဟာ PDF တွံတေး (တွံတေး ပကဖ)အနေနဲ့ရော ရန်ကုန် ပကဖအနေနဲ့ရော အဖွဲ့ဝင်ကုဒ်ထွက်ထားသူတွေမဟုတ်ကြပါဘူးဗျ”ဟု ဗိုလ်တွံတေးက ပြောသည်။

ဆက်စပ်သတင်းများ

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။

သတင်း

KIA သတင်းပြန်ကြားရေးဌာန တာဝန်ခံဗိုလ်မှူးကြီးနော်ဘူကလည်း ဆင်ဘိုရှိ ခလရ(၁၄၁) တပ်ရင်း သိမ်းပိုက်နိုင်မှု သတင်းများ ကြားသိရသော်လည်းတရားဝင် စစ်ဘက် ဆိုင်ရာ သတင်းပေးပို့မှု မရသေးဟု ယနေ့ (ဧပြီ ၂၉ရက်) နံနက်တွင် ပြောသည်။

သတင်း

MDY-PDFသည် ယခု ဧပြီအတွင်း မန္တလေးတိုင်း ပြင်ဦးလွင်မြို့နှင့် (၁၀)မိုင်အကွာရှိ သရက်ကုန်း ကျေးရွာ စစ်စခန်း တိုက်ခိုက်သိမ်းပိုက် နိုင်မှုကို အသိပေးထားသည်။