Connect with us

Hi, what are you looking for?

LuduNwayOo

သတင်း

လှိုင်သာယာ (၂၀)ရပ်ကွက်အုပ်ချုပ်ရေးမှူးရုံး လက်ပစ်ဗုံးဖြင့် တိုက်ခိုက်ခံရ

ပေါက်ကွဲမှုအပြီးတွင် စစ်ကောင်စီက ဘုရင့်နောင်တံတား၊အောင်ဇေယျတံတား ၊ပန်းလှိုင်တံတား၊ရွှေပြည်သာတံတား နှင့် ဒဂုံဧရာ အဝေးပြေးဝင်း ထိပ်တို့တွင် ပိတ်ဆို့စစ်ဆေးမှုများလုပ်ဆောင်ခဲ့ပြီး လိုင်းကားများကိုပါ ခရီးသည်များကို ဆင်းခိုင်း၍ စစ်ဆေးခဲ့ကြောင်း ဒေသခံတစ်ဦးက ပြောသည်။

(လှိုင်သာယာမြို့နယ်၌ စစ်အာဏာရှင်ဆန့်ကျင်ရေး ဆန္ဒပြသူများက စစ်ကောင်စီတပ်သားများ မဝင်ရောက်နိုင်ရန် အတားအဆီးများချထားသည်ကို ၂၀၂၁ မတ်လ ၁၄ ရက်က တွေ့ရစဉ်။ ဓာတ်ပုံ - CJ)
(လှိုင်သာယာမြို့နယ်၌ စစ်အာဏာရှင်ဆန့်ကျင်ရေး ဆန္ဒပြသူများက စစ်ကောင်စီတပ်သားများ မဝင်ရောက်နိုင်ရန် အတားအဆီးများချထားသည်ကို ၂၀၂၁ မတ်လ ၁၄ ရက်က တွေ့ရစဉ်။ ဓာတ်ပုံ - CJ)

နွေဦးအောင်လံစစ်ဆင်ရေးအဖြစ် ရန်ကုန်မြို့ လှိုင်သာယာမြို့နယ် (၂၀)ရပ်ကွက်အုပ်ချုပ်ရေးမှူးရုံးအား လက်ပစ်ဗုံးဖြင့်တိုက်ခိုက်ခဲ့ကြောင်း KMD18 – မြို့ပြဝံပုလွေ(Werewolf Unit) အဖွဲ့က အသိပေးထားသည်။

ဇူလိုင် ၃၀ရက် ညနေ ၆ နာရီခွဲခန့်တွင် အဆိုပါရပ်ကွက်အုပ်ချုပ်ရေးမှူးရုံးအား လက်ပစ်ဗုံးများဖြင့် ပစ်ခတ်တိုက်ခိုက်ခဲ့ကြောင်း ယင်းအဖွဲ့က သတင်းထုတ်ပြန်ထားသည်။

“ယခင်အုပ်ချုပ်ရေးမှူး ကြံ့ခိုင်ရေးပါတီဝင် ရဲထွန်းဦး ပစ်သတ်ခံရပြီးနောက် အသစ်ခန့်ထားတဲ့ စစ်မှုထမ်းဟောင်း ပျူစောထီး လူမိုက်ဖြစ်သူ အုပ်ကကြီးနဲ့ နောက်မြီးဆွဲတစ်သိုက်သည် ပြည်သူကို နှိပ်စက်ညှင်းပန်း အနိုင်ကျင့်နေပြီး ပြည်သူပိုင် ဆိုင်ကယ် ၊သုံးဘီးများကို စစ်ကောင်စီနှင့်အတူပူးပေါင်းပြီး ဖမ်းဆီးသိမ်းယူခြင်းများပြုလုပ်လျက်ရှိခြင်းကြောင့် စစ်ရေးပစ်မှတ်အဖြစ် တိုက်ခိုက်ခဲ့ခြင်းဖြစ်သည်”ဟု ထုတ်ပြန်ချက်၌ ဖော်ပြထားသည်။

ပေါက်ကွဲမှုအပြီးတွင် စစ်ကောင်စီက ဘုရင့်နောင်တံတား၊အောင်ဇေယျတံတား ၊ပန်းလှိုင်တံတား၊ရွှေပြည်သာတံတား နှင့် ဒဂုံဧရာ အဝေးပြေးဝင်း ထိပ်တို့တွင် ပိတ်ဆို့စစ်ဆေးမှုများလုပ်ဆောင်ခဲ့ပြီး လိုင်းကားများကိုပါ ခရီးသည်များကို ဆင်းခိုင်း၍ စစ်ဆေးခဲ့ကြောင်း ဒေသခံတစ်ဦးက ပြောသည်။

Public Service Announcement

Public Service Announcement

“မစ်ရှင်ရဲဘော်များအား CCTV မှ တစ်ဆင့်ခြေရာခံ စုံစမ်းမှုများပြုလုပ်နေပြီး (၈၆)ဂိတ်ဟောင်းအထိ ပိတ်ဆို့မှုများပြုလုပ်ခဲ့တယ်။”ဟု လှိုင်သာယာသတင်းများကို ဖော်ပြပေးနေသည့် HTY Scout Channelမှ တာဝန်ရှိသူက ပြောသည်။

သို့သော် ပိတ်ဆို့ရှာဖွေမှုများပြုလုပ်သော်လည်း စစ်ဆင်ရေးဖော်ဆောင်သည့် ရဲဘော်အားလုံးဘေးကင်းရာသို့ ရောက်ရှိကြောင်း KMD18-မြို့ပြဝံပုလွေ အဖွဲ့က အသိပေးထားသည်။

ယင်းတိုက်ခိုက်မှုတွင် မပေါက်ကွဲခဲ့သည့် ဗုံးတစ်လုံးကို စစ်ကောင်စီက ည ၈ နာရီကျော်တွင် ဖောက်ခွဲခဲ့ကြောင်း ဒေသခံတစ်ဦးက ဆိုသည်။

ဆက်စပ်သတင်းများ

ဘာသာပြန် ဆောင်းပါး

အဇက်ဒ်က ဇိုလန်း PDF အဖွဲ့ဝင်တွေကို စနိုက်ပါ လက်ဖြောင့်ရိုင်ဖယ် ပစ်ခတ်နည်းနဲ့ ခြေလျင်တပ်သားတွေအတွက် လိုအပ်တဲ့ လေ့ကျင့်မှုတွေ ထောက်ပံ့သင်ကြားပေးရုံသာ မကဘဲ ကင်းထောက်နဲ့ တခြားစစ်ရေး တာဝန်တွေကိုပါ တွဲယူထားတယ်လို့ ဆိုပါတယ်။

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။