Connect with us

Hi, what are you looking for?

LuduNwayOo

သတင်း

ရန်ကုန် – ပြည်လမ်းပေါ်တွင် မီနီဘက်စ်က ဆိုင်ကယ်တိုက်မိပြီး ကျောင်းသူတစ်ဦး အပါအဝင် နှစ်ဦးသေဆုံး

ဒဏ်ရာရရှိသူများအား ပတ္တမြားလူငယ် ပရဟိတအသင်းနှင့် ပုလဲ အရန်မီးသတ်တပ်ဖွဲ့ လူနာတင်ယာဉ်များက မြောက်ဥက္ကလာပမြို့နယ် ပြည်သူ့ဆေးရုံကြီးသို့ ပို့ဆောင်ပေးခဲ့သည်။

ဓာတ်ပုံ - ထင်လင်းအောင် (ပုလဲအရန်မီးသတ်တပ်ဖွဲ့)
ဓာတ်ပုံ - ထင်လင်းအောင် (ပုလဲအရန်မီးသတ်တပ်ဖွဲ့)

ရန်ကုန်မြို့ မင်္ဂလာဒုံမြို့နယ် ပြည်လမ်းမပေါ်တွင် ယနေ့(သြဂုတ် ၂) နံနက်က ပဲခူး – ရန်ကုန် မီနီဘက်စ်ယာဥ်က ဆိုင်ကယ်အားတိုက်မိပြီး ဆိုင်ကယ်ပေါ် လိုက်ပါလာသူ ကျောင်းသူတစ်ဦး အပါအဝင် လူနှစ်ဦးသေဆုံးခဲ့ကြောင်း လူမှုကူညီရေးအဖွဲ့များနှင့် ဒေသခံပြည်သူများက ပြောသည်။

ယနေ့ နံနက် ၈နာရီကျော်တွင် ပဲခူး – ရန်ကုန်ပြေးဆွဲသော မီနီဘက်စ်ယာဥ်က အခြားယာဥ်တစစီးအား ရှောင်ရာ လမ်းဘေးတွင် ရပ်ထားသည့် ဆိုင်ကယ်ကို ဝင်တိုက်ပြီး ဆိုင်ကယ်ပေါ်လိုက်ပါလာသည့် ကျောင်းသူတစ်ဦးနှင့် အမျိုးသားတစ်ဦး သေဆုံးခဲ့ကြောင်း မင်္ဂလာဒုံမြို့နယ်နေ ပြည်သူတစ်ဦးက ပြောသည်။

” မနက်က ပဲခူး-ရန်ကုန် လိုင်းကားလေးက ရှေ့ကားကို ရှောင်ရင်း လမ်းဘေးက ဆိုင်ကယ်ကို ဝင်တိုက်တာပါ။ ဆိုင်ကယ်သမားရော (၁၄) နှစ်ရွယ် ကျောင်းသူ တစ်ယောက် ကားအောက်ထဲ ရောက်ပြီး နေရာမှာတင် ပွဲချင်းပြီး သေဆုံးသွားပါတယ်။ ကားအောက်မှာ ပိနေတဲ့ ၅ နှစ်အရွယ် ကလေးကိုတော့ ပရဟိတအဖွဲ့ကအစ်ကိုက ကယ်ပေးလိုက်နိုင်ပါတယ်”ဟု ၎င်းက ပြောသည်။

အဆိုပါ ယာဥ်တိုက်မှုတွင် ကျောင်းသူတစ်ဦးနှင့် ဆိုင်ကယ်မောင်းနှင်သူတစ်ဦး သေဆုံးခဲ့ပြီး အတူလိုက်ပါသူ (၅)နှစ်အရွယ် ကလေးတစ်ဦးနှင့် မီနီဘက်စ်ယာဥ်ပေါ်မှ ခရီးသည် ၉ ဦး စုစုပေါင်း ၁၀ ဦး ထိခိုက်ဒဏ်ရာရရှိခဲ့ကြောင်း သွားရောက်ကူညီခဲ့သည့် ပရဟိတအဖွဲ့ဝင်တစ်ဦးက ပြောသည်။

Public Service Announcement

Public Service Announcement

“ကားအောက်ထဲ ရောက်ခဲ့တဲ့ လူ သုံးယောက်မှာ (၁၄)နှစ်အရွယ် ကျောင်းသူနဲ့ ဆိုင်ကယ်သမားကတော့ နေရာမှာတင် ဆုံးသွားတယ်။ (၅)နှစ်အရွယ် ကလေးကိုတော့ ကားအောက်ကနေ ခက်ခက်ခဲခဲ ကယ်ထုတ်နိုင်ခဲ့ပါတယ်။ ကလေးက ဘယ်ဘက်လက်နဲ့ ညာခြေထောက်ကျိုးသွားပေမယ့် သေဆုံးမှုတော့ မရှိခဲ့ပါဘူး။ ဒီဖြစ်စဥ်မှာ သေဆုံးသူ ၂ဦး ရှိခဲ့ပြီး ထိခိုက်ဒဏ်ရာရခဲ့သူ လူနာ ၁၀ဦး ရှိခဲ့ပါတယ်”ဟု ပရဟိတအဖွဲ့ဝင်က ပြောသည်။

ဒဏ်ရာရရှိသူများအား ပတ္တမြားလူငယ် ပရဟိတအသင်းနှင့် ပုလဲ အရန်မီးသတ်တပ်ဖွဲ့ လူနာတင်ယာဉ်များက မြောက်ဥက္ကလာပမြို့နယ် ပြည်သူ့ဆေးရုံကြီးသို့ ပို့ဆောင်ပေးခဲ့သည်။

ဆက်စပ်သတင်းများ

သတင်း

ဇီးကုန်းရွာနေ (၈)နှစ်အရွယ် ကလေးငယ်တစ်ဦးနှင့် ကျွန်းဦးရွာနေ အမျိုးသားတစ်ဦးပါ လက်နက်ကြီးထိမှန် သေဆုံးခဲ့ကြောင်း ဒေသခံများက ပြောသည်။

သတင်း

KNU ညောင်လေးပင်ခရိုင်(ခလယ်လွီထူခရိုင် ) လယ်ဒို မြို့နယ်အတွင်း စစ်ကောင်စီ လက်နက်ကြီးပစ်ခတ်၍ ဇွန်လ ၁၁ရက် နေ့လယ်ပိုင်းတွင် ဟင်္သာဝဲအုပ်စု ဟင်္သာဝဲကျေးရွာအတွင်းကျရောက် ပေါက်ကွဲကာ အမျိုးသားတစ်ဦး ဒဏ်ရာရခဲ့သည်။

နိုင်ငံတကာ

ဂါဇာ ကျန်းမာရေး ဝန်ကြီးဌာနက အစ္စရေးရဲ့ နှစ်နာရီကြာ စစ်ဆင်ရေးအတွင်း သေဆုံးခဲ့သူ ၂၇၄ ဦးအနက် ၈၆ ဦးရဲ့ နာမည်စာရင်းကို ထုတ်ပြန်ခဲ့ပြီး ဖြစ်ပါတယ်။

သတင်း

တိုက်ခိုက်မှုကြောင့် ဘုန်းကြီးကျောင်းရှိ သံဃာနှစ်ပါး ပျံလွန်တော်မူပြီး ရဲဘော်နှင့် ပြည်သူ ခြောက်ဦး သေဆုံးခဲ့ကြောင်း ဒေသတွင်းရဲဘော်အချို့က ပြောသည်။