ပြည်သူများ သတိထားရှောင်ရှားကြရန် သတိပေး
ရန်ကုန်မြို့ မင်္ဂလာဒုံမြို့နယ်ရှိ ကားမှတ်တိုင်များ၌ ဗုံးဟုယူဆရသည့် အထုပ်များတွေ့ရှိကြောင်း မင်္ဂလာဒုံ အမျိုးသားအစည်းအရုံးက ယနေ့(ဖေဖော်ဝါရီ ၁ ရက်)တွင် ထုတ်ပြန်သည်။
အဆိုပါ ဗုံးဟုယူဆရသော အထုပ်ပေါ်၌ “ဘယ်ကောင်သေရဲလဲ (မအလ) မင်းအောင်လှိုင်” ဟု ရေးသားထားသည်။
“ကားမှတ်တိုင်တော်တော်များများမှာ ဗုံးပုံစံ အထုပ်တွေ တွေ့တယ်လို့ ပြည်သူအချို့က သတင်းပေးပို့ လာတာပါ”ဟု မင်္ဂလာဒုံအမျိုးသားအစည်းအရုံးက ဆိုသည်။
Public Service Announcement
ထို့ကြောင့် ပြည်သူများအနေဖြင့် နိုင်ငံရေးကား မှတ်တိုင်ဝန်းကျင်၊ ကျိုက္ကလော့ကားမှတ်တိုင်၊ ဝါယာလက်မှတ် တိုင်၊ ခရေပင်လမ်းခွဲမှတ်တိုင်တို့အား အထူး ရှောင်ရှားကြရန် အသိပေးသည်။
နိုင်ငံ့အာဏာကို အကြမ်းဖက်စစ်တပ်က မတရားသိမ်းယူထားသည်မှာ ယနေ့တစ်နှစ်ပြည့်မြောက်ပြီ ဖြစ်သည်။
ထို့ကြောင့် တိတ်ဆိတ်ခြင်းသပိတ်ကို လူထုက ဆောင်ရွက်မည်ဖြစ်သော်လည်း အကြမ်းဖက်စစ်တပ်က ပုံစံမျိုးစုံဖြင့် ခြိမ်းခြောက် ဖျက်ဆီးမှုများလည်းရှိနေသည်။
ထိုအတွက် ယနေ့တွင် အကြမ်းဖက်စစ်တပ်အပေါ် ပစ်မှတ်ထားသည့် တိုက်ခိုက်မှုများ ပိုမိုများပြား လာနိုင်သည့်အတွက် ပြည်သူများ သတိပိုမိုထားရှိရန် တော်လှန်ရေးအင်အားစုအများက သတိပေးထားသည်။
