Connect with us

Hi, what are you looking for?

သတင်း

KIA နယ်မြေရှိ AA တပ်စခန်းကို စစ်ကောင်စီ လက်နက်ကြီးဖြင့် ပစ်ခတ်တိုက်ခိုက်၍ AA အရာရှိတစ်ဦးကျဆုံး၊ အချို့ဒဏ်ရာရ

စက်တင်ဘာ ၂၈ရက် ၁၀နာရီခန့်တွင် စစ်ကောင်စီတပ်အခြေစိုက်ထားသည့် ခါရာတောင်ပေါ်မှ (၁၂၀) မမ လက်နက်ကြီးဖြင့် ပစ်ခတ်လာခြင်းဖြစ်သည်ဟု ဆိုသည်။

(ရက္ခိုင့်တပ်တော်(AA) မှ တပ်သားများအား တွေ့ရစဉ်။ ဓာတ်ပုံ - AA)
(ရက္ခိုင့်တပ်တော်(AA) မှ တပ်သားများအား တွေ့ရစဉ်။ ဓာတ်ပုံ - AA)

“လက်နက်ကြီးပစ်တယ်ဆိုတာကတော့ မတော်တဆဆိုတာမရှိပါဘူး။ ရည်ရွယ်ချက်ရှိရှိနဲ့ကိုပစ်တယ်လို့ ပြောလို့ရတာပေါ့” – ဦးခိုင်သုခ

ကချင်လွတ်လပ်ရေးတပ်မတော်(KIA) ဌာနချုပ် လိုင်ဇာနယ်မြေရှိ ရက္ခိုင့်တပ်တော်(AA) တပ်စခန်းတစ်ခုကို စစ်ကောင်စီတပ်က လက်နက်ကြီးဖြင့် ပစ်ခတ်၍ AAတပ်မှ ဗိုလ်ကြီးတစ်ဦး ကျဆုံးခဲ့ကြောင်း အဖွဲ့ပြောရေးဆိုခွင့်ရှိသူဦးခိုင်သုခက ပြောကြားသည်။

စက်တင်ဘာ ၂၈ရက် ၁၀နာရီခန့်တွင် စစ်ကောင်စီတပ်အခြေစိုက်ထားသည့် ခါရာတောင်ပေါ်မှ (၁၂၀) မမ လက်နက်ကြီးဖြင့် ပစ်ခတ်လာခြင်းဖြစ်သည်ဟု ဆိုသည်။

“အဲဒီခါရာတောင်ကြောကနေ လိုင်ဇာဘက်ကို လက်နက်ကြီးနဲ့ ပစ်တာရှိတယ်။ (၁၂၀) မမနဲ့ပစ်တာ။ အဲဒီမှာ ကျနော်တို့ရဲ့မုန်လိုင်ခတ်တပ်စခန်း ပေါ့နော် အဲဒီနေရာကို လက်နက်ကြီးကျရောက်ပေါက်ကွဲတယ်။ဆိုတော့ ကျနော်တို့ဘက်ကဗိုလ်ကြီးတစ်ယောက်အပါအဝင် ရဲဘော်အချို့ ဒဏ်ရာရတာရှိတယ်။ အဲဒီမှာ ဒဏ်ရာပြင်းထန်တဲ့ ဗိုလ်ကြီးက ညနေ ၄နာရီလောက်မှာ အရေးပေါ်ဆေးကုသမှုခံယူရင်းနဲ့ ကျဆုံးသွားတာရှိတယ်”ဟု ဦးခိုင်သုခက ပြောသည်။

Public Service Announcement
Public Service Announcement

စစ်ကောင်စီတပ်အနေဖြင့် ယခုကဲ့သို့ AA တပ်စခန်းကို လက်နက်ကြီးဖြင့် ပစ်ခတ်ခြင်း၊လေကြောင်းတိုက်ခိုက်ခြင်းများလည်း ယခင်ကလည်း ပြုလုပ်ခဲ့ဖူးသည်ဟု ၎င်းက ပြောသည်။

Public Service Announcement

Public Service Announcement

၂၀၂၂ ဇူလိုင်က ကရင်အမျိုးသားအစည်းအရုံး (KNU) နယ်မြေရှိ AA တပ်စခန်းကို စစ်ကောင်စီက လေကြောင်း တိုက်ခိုက်ခဲ့၍ AA တပ်ဖွဲ့ဝင် ၆ဦး ကျဆုံးခဲ့သည်။

“အလားတူပါပဲ။ အခုလည်း သူတို့လက်နက်ကြီးနဲ့ ကျနော်တို့လိုင်ဇာဧရိယာမှာရှိတဲ့ တပ်စခန်းကို လှမ်းပြီးတော့ပစ်တာပေါ့နော်”ဟု ဦးခိုင်သုခက ပြောသည်။

စစ်ကောင်စီတပ်က AA တပ်စခန်းကို သိလျက် တိုက်ခိုက်လာခြင်းဖြစ်သည်ဟုလည်း ၎င်းကဆိုသည်။

“လက်နက်ကြီးပစ်တယ်ဆိုတာကတော့ မတော်တဆဆိုတာမရှိပါဘူး။ ရည်ရွယ်ချက်ရှိရှိနဲ့ကိုပစ်တယ်လို့ ပြောလို့ရတာပေါ့” ဟု ဦးခိုင်သုခက ပြောသည်။

AAသည် စစ်ကောင်စီနှင့် ရခိုင်ပြည်နယ်အတွင်းလူသားချင်းစာနာမှုဆိုင်ရာ အပစ်ရပ်စဲရေး လုပ်ဆောင်ထားသည့်အဖွဲ့ဖြစ်သည်။ တစ်ဖက်တွင်လည်း ၎င်း၏ မဟာမိတ်နယ်မြေများ၌ စစ်ကောင်စီတပ်ကို တိုက်ခိုက်ခြင်း၊ တော်လှန်ရေးတပ်ဖွဲ့အချို့ကိုအကူအညီပေးခြင်းများ ရှိသည်ဟု ဆိုသည်။

ဆက်စပ်သတင်းများ

သတင်း

ကချင်ပြည်နယ် ၊ဗန်းမော်မြို့သိမ်းတိုက်ပွဲတွင်ကချင်လွတ်လပ်ရေးတပ်မတော်(KIA) ဦး​ဆောင်​သော ပူးပေါင်းတပ် နှင့် စစ်ကောင်စီတပ်အကြား တိုက်ပွဲဆက်လက်ပြင်းထန်နေဆဲဖြစ်ကြောင်း KIA သတင်းပြန်ကြားရေးက ​ဖေ​ဖော်ဝါရီ ၁၁ ရက်ညတွင် ဖော်ပြထားပြီး စစ်သုံ့ပမ်းအချို့ ဖမ်းမိခဲ့ကြောင်း အသိပေးသည်။

သတင်း

ရခိုင်ပြည်နယ် မြို့နယ် ၊စစ်တွေမြို့နယ်အတွင်း စစ်ကောင်စီတပ် နဲ့ အာရက္ခတပ်တော်(AA)က တိုက်ပွဲဆက်ပွားနေပြီးဖေဖော်ဝါရီလ (၁၁)ရက်​နေ့ ညမှာ စစ်တွေမြို့အဝင်အမြင့်ကျွန်းက စစ်ကောင်စီစခန်းအနီး တိုက်ပွဲ​တွေပြင်းထန်ခဲ့ပါတယ်။

သတင်း

ကချင်ပြည်နယ်၊ ဗန်းမော်မြို့တွင် ကချင်လွတ်လပ်ရေးတပ်မတော်(KIA)ပူးပေါင်းတပ်နှင့် စစ်ကောင်စီတပ်အကြား တိုက်ပွဲဆက်လက်ဖြစ်ပွားလျက်ရှိပြီး ဖေဖော်ဝါရီ ၁၀ ရက်တိုက်ပွဲအတွင်း နှစ်ဖက်ကျဆုံးမှုရှိခဲ့ပြီး စစ်ကောင်စီတပ်ဖွဲ့ဝင်အများအပြား ဖမ်းမိထားသည်ဟု ကချင်စစ်ရေးသတင်းရင်းမြစ်အချို့က အသိပေးသည်။

သတင်း

ရခိုင်ပြည်နယ်မြို့သိမ်းတိုက်ပွဲများအတွင်း ဖမ်းမိထားသည့် စစ်သုံ့ပန်းများအနက် သုံ့ပန်းနှင့် မိသားစုဝင် ၁၀၀ကျော်ကို အာရက္ခတပ်တော်(AA)က ပြန်လွတ်ပေးလိုက်သည်။