စစ်ကိုင်းတိုင်း၊ ပုလဲမြို့နယ်၊ ဇီးဖြူကုန်း ပျူစောထီးကျေးရွာမှ ပြည်သူ ၅ ဦး ထွက်ပြေးလာ၍ ထောက်ပံ့ကူညီ ပေးထားကြောင်း ပုလဲမြို့နယ် ပြည်သူ့အုပ်ချုပ်ရေးအဖွဲ့(ပအဖ)က သတင်းထုတ်ပြန်သည်။
နိုဝင်ဘာ ၂၄ ရက်က ပုလဲမြို့နယ်၊ ဇီးဖြူကုန်းပျူစောထီးကျေးရွာမှ ကလေးငယ်သုံးဦးပါ အမျိုးသမီးတစ်ဦးနှင့် အမျိုးသားတစ်ဦးတို့ ထွက်ပြေးလာခဲ့ခြင်းဖြစ်ပြီး ၎င်းတို့အား ကျပ်တစ်သိန်း၊ မိုးကာ(၂)ချပ်နှင့် ခြုံစောင်များ ကူညီထောက်ပံ့ပေးထားကြောင်း ပုလဲ(ပအဖ)၏ လူသားစာနာတာဝန်ခံက ပြောသည်။
“မိသားစုနှစ်စုလို့ ပြောတယ်။ အဓိကကတော့ အထဲမှာ(ပျူရွာထဲမှာ) အစာရေစာပြတ်လပ်မှုလို့ပြောပါတယ်။ နောက်တစ်ချက်က အထဲမှာ မလုံခြုံမှုပေါ့။ တော်လှန်ရေးအရှိန်အဟုန်မြှင့်လာတာနဲ့အမျှ တိုက်ခိုက်ခံရတာတွေများလာတဲ့အခါ ပျူရွာတွေက စစ်ရေးပစ်မှတ်ဖြစ်လာတယ်။ အထဲမှာ လက်နက်မကိုင်တဲ့သူတွေလည်း ထိတယ်ပေါ့။ ဒီအချိန်မှာ အခွင့်အရေးရတာနဲ့ ထွက်ပြေးလာကြတာပါ။”ဟု အထက်ပါတာဝန်ခံက ပြောသည်။
တိုက်ပွဲများပြင်းထန်လာနိုင်၍ ပျူစောထီးကျေးရွာများမှ ပြည်သူများအနေဖြင့် အမြန်ဆုံးပြည်သူနှင့်ပူးပေါင်း၍ အလင်းဝင်ကြရန် ပုလဲ(ပအဖ)မှ တာဝန်ရှိသူက တိုက်တွန်းသည်။
Public Service Announcement
ပုလဲမြို့နယ်တွင် အောက်တိုဘာနှင့် နိုဝင်ဘာ နှစ်လအတွင်း ပျူစောထီးကျေးရွာများမှ ပြည်သူ ၅၀ဝန်းကျင် ထွက်ပြေးလွတ်မြောက်ခဲ့ကြောင်း ပုလဲ(ပအဖ)၏ လူသားစာနာတာဝန်ခံက ပြောကြားသည်။
