Connect with us

Hi, what are you looking for?

LuduNwayOo

သတင်း

လောက်ကိုင်မှပြန်လာသော စစ်ရှောင်ပြည်သူအချို့ မိတ္ထီလာတွင် ဖမ်းဆီးငွေတောင်းခံနေရ

မိတ္ထီလာမြို့တွင် လောက်ကိုင်မြို့မှ ပြန်လာသည့် စစ်ဘေးရှောင်ပြည်သူများ ရောက်ရှိနေပြီး အချို့မှာ ဆိုင်ကယ်ဖြင့်ပြန်လာချိန် စစ်ကောင်စီ၏ ယာဥ်စစ်ဆေးရေးအဖွဲ့​၏ ငွေတောင်းခံရမှုကြုံတွေ့နေရကြောင်း ဒေသခံအချို့က ပြောသည်။

မိတ္ထီလာမြို့တွင် ဆိုင်ကယ်များအား စစ်ဆေးနေသော စစ်ကောင်စီတပ်ဖွဲ့ဝင်များအား တွေ့ရစဥ်။ ဓာတ်ပုံ-Cj
မိတ္ထီလာမြို့တွင် ဆိုင်ကယ်များအား စစ်ဆေးနေသော စစ်ကောင်စီတပ်ဖွဲ့ဝင်များအား တွေ့ရစဥ်။ ဓာတ်ပုံ-Cj

ရှမ်းပြည်နယ်မြောက်ပိုင်း လောက်ကိုင်မြို့မှ ပြန်လာသော စစ်ဘေးရှောင်ပြည်သူအချို့အား မန္တလေးတိုင်း မိတ္ထီလာမြို့တွင် စစ်အုပ်စုက ယာဥ်စစ်ဆေးမှုအကြောင်းပြပြီး ဖမ်းဆီးငွေတောင်းခံနေကြောင်း ဒေသခံများက ပြောသည်။

မိတ္ထီလာမြို့တွင် လောက်ကိုင်မြို့မှ ပြန်လာသည့် စစ်ဘေးရှောင်ပြည်သူများ ရောက်ရှိနေပြီး အချို့မှာ ဆိုင်ကယ်ဖြင့်ပြန်လာချိန် စစ်ကောင်စီ၏ ယာဥ်စစ်ဆေးရေးအဖွဲ့​၏ ငွေတောင်းခံရမှုကြုံတွေ့နေရကြောင်း ဒေသခံအချို့က ပြောသည်။

“လောက်ကိုင်ကနေ အသက်တောင်မနည်းလုပြီး ပြန်ခဲ့ရတာကို ဝမ်းတွင်းမြို့နားလေး ရဲတွေက ဆိုင်ကယ်လိုင်စင်ပါလားတွေရော၊ ဦးထုပ်ပါလားတွေရော၊ ကိုယ်တွေလမ်းမှာ ပိုက်ဆံရောဖုန်းရောအသိမ်းခံရပါတယ်ဆို အဲ့ဆိုင်ကယ်တောင် အစုတ်။ ကားခမရှိလို့ ဆိုင်ကယ်အစုတ်နဲ့ ပြန်လာရတာ။ ဘယ်လိုပြောပြောမရလို့ တစ်သောင်းဆောင်ခဲ့ရတယ်။”ဟု လောက်ကိုင်မှပြန်လာသည့် ဝမ်းတွင်းနယ်ခံတစ်ဦးက ပြောသည်။

လောက်ကိုင်မြို့မှပြန်လာသည့် စစ်ရှောင်ပြည်သူများသည် ကိုးကန့်ဒေသတွင်းနှင့် လားရှိုးမြို့များအပါအဝင် လမ်းတလျှောက်၌ စစ်ကောင်စီဂိတ်များက ဖုန်းများ သိမ်းယူခြင်း၊ ပိုက်ဆံတောင်းခြင်းများ ကြုံတွေ့ခဲ့ရကြောင်း စစ်ရှောင်ပြည်သူများထံမှ သိရသည်။

မိတ္ထီလာမြို့တွင် စစ်ကောင်စီလက်အောက်ခံ ယာဥ်ထိန်း၊ စစ်သားနှင့်ရဲများကမော်တော်ဆိုင်ကယ် များအား ဖမ်းဆီးကာငွေညှစ်နေ၍ အခက်အခဲတွေ့နေကြောင်း မြို့ခံများက ပြောသည်။

Public Service Announcement

Public Service Announcement

မိတ္ထီလာမြို့တွင် နိုဝင်ဘာလကုန်ပိုင်းက လောက်ကိုင်မှ မော်တော်ယာဥ်ဖြင့် ပြန်လာသည့် စစ်ရှောင်ပြည်သူ ၅၀ ခန့်ရောက်ရှိနေကြောင်း သိရသည်။