Connect with us

Hi, what are you looking for?

LuduNwayOo

သတင်း

ထားဝယ်နှင့် လောင်းလုံးတွင် စစ်ကောင်စီ ကင်းစခန်းနှင့် စစ်သင်္ဘော တိုက်ခိုက်ခံရ၊ လက်နက်ခဲယမ်းအချို့ ရရှိ

ပြီးခဲ့သည့် ဇန်နဝါရီ ၃၀ ရက်ကလည်း လောင်းလုံးမြို့ပေါ်ရှိ စစ်ကောင်စီ လဝကရုံး၊ စရဖရုံး၊ ထွေအုပ်ရုံး၊ မြို့မရဲစခန်းနှင့် စာရင်းစစ်ရုံးတို့ကို LLPDF၊ ဥသြစစ်ကြောင်း စသည့်ပူးပေါင်းတပ်များက တပြိုင်နက် ဝင်ရောက်စီးနင်း တိုက်ခိုက်ခဲ့သေးသည်။

(စစ်ကောင်စီတပ်ထံမှ သိမ်းဆည်းရရှိသော လက်နက်ခဲယမ်းများ။ ဓာတ်ပုံ - BHA)
(စစ်ကောင်စီတပ်ထံမှ သိမ်းဆည်းရရှိသော လက်နက်ခဲယမ်းများ။ ဓာတ်ပုံ - BHA)

တနင်္သာရီတိုင်းတွင် ထားဝယ်မြို့နယ်ရှိ စစ်ကောင်စီတပ် ရှေ့တန်းကင်းစခန်းတစ်ခုကို တော်လှန်ရေးတပ်ဖွဲ့များမှ တိုက်ခိုက်သိမ်းပိုက်ခဲ့ပြီး လောင်းလုံးနယ်အတွင်း လက်နက်ကြီးများဖြင့်ရမ်းသမ်းပစ်နေသော စစ်သင်္ဘောတစ်စင်းကို ဗုံးသီးချတိုက်ခိုက်ခဲ့ကြောင်း တော်လှန်ရေးတပ်ဖွဲ့များက ပြောသည်။

ထားဝယ်မြို့နယ် စစ်ကောင်စီ ခမရ(၄၀၁)နှင့် (၄၀၂)ကပ်လျက်ရှိ မယ်ဝေးတောင်တပ်စခန်းကို ဖေဖော်ဝါရီ ၅ ရက်တွင် ဗထူးတပ်မတော် (BHA)နှင့် ထားဝယ်စုပေါင်းစစ်ကြောင်း (DCC)တို့မှ ဝင်ရောက်တိုက်ခိုက်ခဲ့ရာ စစ်ကောင်စီတပ်သားများ စခန်းစွန့်ထွက်ပြေးသွားကြောင်း BHA မှ တာဝန်ရှိသူတစ်ဦးက ပြောသည်။

“ကျနော်တို့ ဝင်တိုက်တဲ့အချိန် ဒဏ်ရာနဲ့ထွက်ပြေးသွားကြတာ။ ပုံမှန်တော့(အင်အား) ၁၀ ယောက်လောက် ရှိတယ်ဗျ။ ကျနော်တို့ဝင်တိုက်တဲ့အချိန်မှာတော့ ၅ ယောက်လောက်ပဲရှိတယ်”ဟု ၎င်းက ဆက်ပြောသည်။

အဆိုပါ မယ်ဝေးတောင်စစ်တပ်ကင်းစခန်းသည် သာသနာ့နယ်မြေပေါ်တွင် တည်ဆောက်၍ အထိုင်ချတပ်စွဲထားခြင်းဖြစ်ရာ စခန်းအား သိမ်းပိုက်ရရှိစဥ် မီးရှို့ဖျက်ဆီးခြင်း မပြုဘဲ သိမ်းဆည်းရရှိသော သေနတ်သုံးလက်နှင့် ခဲယမ်းများသာယူဆောင်၍ တော်လှန်ရေးတပ်များ ပြန်လည်ဆုတ်ခွာခဲ့ကြောင်း ဗထူးတပ်မတော် (BHA)က အသိပေးသည်။

အလားတူ ဖေဖော်ဝါရီ ၆ ရက်တွင် လောင်းလုံးမြို့နယ် ထားဝယ်မြစ်အ တွင်းကျောက်ချ၍ ကျေးရွာများသို့ လက်နက်ကြီးများ ရမ်းသမ်းပစ်ခတ်နေသော စစ်သင်္ဘောကို လောင်းလုံးမြို့နယ် ပြည်သူ့ကာ ကွယ်ရေးတပ်ဖွဲ့ (LLPDF)မှ ဒရုန်းဖြင့် ဗုံးသီးချတိုက်ခိုက်ခဲ့သည်။

Public Service Announcement

Public Service Announcement

“(စစ်သဘော်)ဦးခေါင်းပိုင်းကို တစ်လုံးပါပဲ ခင်ဗျား။ တိုက်ခိုက်ခံရအပြီးမှာ ဘိတ်(မြိတ်) ဘက်ကို ပြန်ဆုတ်သွားပါတယ်”ဟု LLPDF မှ တာဝန်ရှိသူတစ်ဦးက ပြောသည်။

တိုက်ခိုက်ခံရမှုကြောင့် စစ်ကောင်စီ စစ်ရေယာဥ်အမှတ် (၄၂၃)မှ ရန်သူ့တပ်သားငါးဦးထက်မနည်း ထိခိုက်ဒဏ်ရာရရှိသွားရာ အနီးဝန်း ကျင်ကျေးရွာများဖြစ်သော သကျက်တောနှင့် ကဝင်ကျေးရွာများသို့ လက်နက်ကြီးများဖြင့် အကြိမ်ကြိမ်ပစ်ခတ်ဆုတ်ခွာသွားကြောင်း ၎င်းက ဆက်ပြောသည်။

ပြီးခဲ့သည့် ဇန်နဝါရီ ၃၀ ရက်ကလည်း လောင်းလုံးမြို့ပေါ်ရှိ စစ်ကောင်စီ လဝကရုံး၊ စရဖရုံး၊ ထွေအုပ်ရုံး၊ မြို့မရဲစခန်းနှင့် စာရင်းစစ်ရုံးတို့ကို LLPDF၊ ဥသြစစ်ကြောင်း စသည့်ပူးပေါင်းတပ်များက တပြိုင်နက် ဝင်ရောက်စီးနင်း တိုက်ခိုက်ခဲ့သေးသည်။

အဆိုပါ စစ်ကောင်စီရုံးများအား စီးနင်းတိုက် ခိုက်မှုတွင် စာရင်းစစ်ရုံးနှင့် အခြားဌာနဆိုင် ရာရုံးတစ်ရုံးကို တော်လှန်ရေးတပ်များက မီးရှို့ဖျက်ဆီးနိုင်ခဲ့သည်။