Connect with us

Hi, what are you looking for?

LuduNwayOo

သတင်း

လွယ်ဂျယ်မြို့ကို KIA ယနေ့ ဝိုင်းပတ်ပိတ်ဆို့ထားပြီးစစ်ကောင်စီနှင့် ဝန်ထမ်းများထွက်ခွာခွင့် တစ်ရက် အချိန်ပေး

လွယ်ဂျယ်မြို့ကို ဝိုင်းထားပြီး စစ်ကောင်စီ လက်အောက်ခံ တပ်ဖွဲ့နှင့် ဝန်ထမ်းများထွက်ခွာခွင့်ကို ယနေ့ ၁ ရက်အချိန်ပေးထားသည်ဟု သိရသည်။

(လွယ်ဂျယ်မြို့ ဆိုင်းဘုတ်နှင့် KIA တပ်ဖွဲ့ဝင်များ။ဓါတ်ပုံ-​​ပေးပို့)
(လွယ်ဂျယ်မြို့ ဆိုင်းဘုတ်နှင့် KIA တပ်ဖွဲ့ဝင်များ။ဓါတ်ပုံ-​​ပေးပို့)

မြန်မာ- တရုတ်နယ်စပ် လွယ်ဂျယ်မြို့ကို ကချင်လွတ်လပ်ရေးတပ်မတော်(KIA)က ၀ိုင်းပတ်ပိတ်ဆို့ထားပြီး စစ်ကောင်စီတပ်နှင့် စစ်ကောင်စီ လက်အောက်ခံ ဝန်ထမ်းများ ထွက်ခွာခွင့်ပေးထားကြောင်း ကချင်စစ်ရေးသတင်းရင်းမြစ်က ပြောသည်။

ဗန်းမော်- လွယ်ဂျယ် လမ်းရှိ ယောယုံဗျူဟာစခန်းအပါအဝင် စစ်ကောင်စီ၏ တပ်စခန်း ၇ခုကို KIAက မတ်လ ၂၇ ရက်နှင့် ၂၈ ရက်တွင် တိုက်ခိုက်သိမ်းပိုက်ပြီးနောက် ယနေ့မနက်တွင် လွယ်ဂျယ်မြို့ကို ဝိုင်းပတ်ပိတ်ဆို့ထားခြင်းဖြစ်သည်။

“လွယ်ဂျယ်ကို ဝင်မသိမ်းသေးပါဘူး။စစ်တပ်နဲ့ အစိုးရ ဝန်ထမ်း(စစ်ကောင်စီတပ်ဖွဲ့နှင့် စစ်ကောင်စီ လက်အောက်ခံ ဝန်ထမ်းများ)တွေကို ထွက်ခွာခွင့် အချိန်ပေးထားတယ်။” စစ်ရေးသတင်းရင်းမြစ်က ပြောသည်။

လွယ်ဂျယ်မြို့ကို ဝိုင်းထားပြီး စစ်ကောင်စီ လက်အောက်ခံ တပ်ဖွဲ့နှင့် ဝန်ထမ်းများထွက်ခွာခွင့်ကို ယနေ့ ၁ ရက်အချိန်ပေးထားသည်ဟု သိရသည်။

Public Service Announcement

Public Service Announcement

စစ်ကောင်စီတပ်ဖွဲ့ဝင်များ တရုတ်ဘက် ဝင်ရောက်လာပါက တရုတ်ဘက်က နယ်စပ်ဂိတ်ဖွင့်ပေးမည့် အခြေအနေ ရှိသည်ဟုလည်း သတင်းရင်းမြစ်က ပြောပြသည်။

လွယ်ဂျယ်မြို့သည် မြန်မာ-တရုတ်နယ်စပ်ကုန်သွယ်​ရေး စခန်းရှိ​သော မြို့ ဖြစ်သည်။ အဆိုပါနယ်စပ်ကုန်သွယ်​ရေးစခန်းကို အဓိက ထိန်းချုပ်ထား​သော ​ယောယုံစခန်းကို KIA က ယမန်​နေ့က သိမ်းပိုက်ခဲ့သည်။

လွယ်ဂျယ်မြို့ အခြေအနေနှင့်ပတ်သက်၍ KIA သတင်းပြန်ကြားရေးဌာန တာဝန်ခံ ဗိုလ်မှူးကြီးနော်ဘူထံ ဆက်သွယ်မေးမြန်းထားဆဲဖြစ်သည်။

လွယ်ဂျယ်တွင် တပ်စခန်းတစ်ခုသာကျန်ရှိပြီး အဆိုပါ တပ်ထံသို့ မြေပြင်မှ စစ်ကူလာရောက်ရန်လည်း မဖြစ်နိုင်တော့ဟု စစ်ရေးသတင်းရင်းမြစ်က ပြောသည်။

ယနေ့မနက်တွင် လွယ်ဂျယ်၌ ပစ်ခတ်မှု အချို့ရှိခဲ့သော်လည်း တိုက်ပွဲဖြစ်ပွားမှု မရှိသေးဘဲ စစ်ကောင်စီဘက်က တစ်ဖက်သတ် ပစ်ခတ်ခြင်းသာဖြစ်ကြောင်း အခြား စစ်ရေးသတင်းရင်းမြစ်က ပြောပြသည်။

KIA ၏ ရက်ပိုင်းအတွင်း စစ်ဆင်ရေး၌ ဗန်းမော်- လွယ်ဂျယ်လမ်းရှိ စစ်ကောင်စီတပ်စခန်းများ သိမ်းပိုက်နိုင်ပြီဖြစ်၍ အဆိုပါလမ်းပိုင်း၌ စိန်လုံဗျူဟာစခန်းကြီးတစ်ခုသာကျန်တော့သည်။

ဆက်စပ်သတင်းများ

သတင်း

စစ်ရှောင်ပြည်သူ ခုနစ်သောင်းကျော် လက်ရှိအချိန်ထိ တိမ်းရှောင်နေကြရဆဲဖြစ်ကြောင်း ဖော်ပြပြီး အများစုမှာ ဆီဆိုင်မြို့နယ်မှ ဖြစ်ကာ ပင်လောင်း၊ ဟိုပုံးနှင့် ညောင်ရွှေမြို့နယ်များမှ ဒေသခံ များလည်း စစ်ရှောင်ကြရမှုရှိသည်။

သတင်း

မြိတ်ခရိုင်အတွင်းအပါအဝင်း ဒေသတွင်းဖြတ်သွားသည် ပြည်ထောင်စုလမ်းမကြီးပေါ်၌ ယခုရက်ပိုင်း စစ်ရေးတင်းမာနေကြောင်း သတင်းရရှိသည်။

သတင်း

ကွတ်ခိုင်ရှိ KIA ဆက်ဆံရေးရုံးနှင့် KIA တပ်ဖွဲ့ဝင်များ ဧပြီ ၁၅ရက် ယနေ့ နောက်ဆုံးထား ဖယ်ရှားရန် TNLAဘက်က ဧပြီ ဒုတိယပတ်အတွင်း နှစ်ကြိမ်လာရောက်ပြောဆိုခဲ့မှု အပေါ် နှစ်ဖက်အရာရှိများ ဆွေးနွေးညှိနှိုင်းခဲ့ကြခြင်းဖြစ်သည်ဟုဆိုသည်။

သတင်း

သံကလောင်ကျောင်းထိုင်ဆရာတော်သည် ယမန်နေ့ နေ့လယ်ပိုင်း၌ မော်တော်ယာဉ်ဖြင့် ထွက်ခွာလာစဉ် ပစ်ခတ်ခံရခြင်းဖြစ်သည်ဟု ဆိုသည်။