Connect with us

Hi, what are you looking for?

LuduNwayOo

သတင်း

စစ်တွေတွင် AA အလိုမရှိကြောင်း ဆန္ဒမပြပါက ရိုဟင်ဂျာများ၏ အိမ်များကို မီးရှို့မည်ဟု စစ်ကောင်စီခြိမ်းခြောက်အကြပ်ကိုင်ခဲ့ဟု ဒုက္ခသည်အချို့​ပြော

စစ်ကောင်စီသည် AA အလိုမရှိကြောင်း ဆန္ဒထုတ်ဖော်မှုများကို ဘူးသီးတောင်နှင့်မောင်တောမြို့နယ်တွင်လည်း အတင်းအကျပ် ဖိအားပေးခိုင်းစေခဲ့သည်ဟု ရိုဟင်ဂျာအရေးဆောင်ရွက်သူများကပြောသည်။

(စစ်​ကောင်စီဖိအား​ပေးမှု​ကြောင့် ပြုလုပ်​ခဲ့သော စစ်​တွေမြို့မှ ဆန္ဒပြပွဲ။ဓါတ်ပုံ-စစ်​ကောင်စီ)
(စစ်​ကောင်စီဖိအား​ပေးမှု​ကြောင့် ပြုလုပ်​ခဲ့သော စစ်​တွေမြို့မှ ဆန္ဒပြပွဲ။ဓါတ်ပုံ-စစ်​ကောင်စီ)

ယောနသံ/People’s Spring

ရခိုင်ပြည်နယ်တွင်AA အလိုမရှိကြောင်း ဆန္ဒပြရန် နှင့် ဆန္ဒမပြပါက နေအိမ်များအား မီးရှို့ဖျက်ဆီးမည်ဟုစစ်​ကောင်စီ၏ ရခိုင်ပြည်နယ်အစိုးရ နှင့် စစ်တပ်အရာရှိများက ခြိမ်းခြောက်အကြပ်ကိုင်ခဲ့ကြောင်း ဆန္ဒဖော်ထုတ်ရာတွင်ပါဝင်ခဲ့သည့် ရိုဟင်ဂျာများနှင့် နီးစပ်သူများကထုတ်ဖော်ပြောသည်။

“AAကိုဆန့်ကျင်‌​ကြောင်း ဆန္ဒပြဖို့ ဒေသခံတွေရော၊ ဒုက္ခသည်စခန်းကပါ လူ၁၀၀၀ တောင်းတယ်။ မဖြစ်မနေလုပ်ဖို့နဲ့ အကောင်အထည်မဖော်ရင် အိမ်တွေကိုမီးရှို့မယ်လို့ပြောတယ်။ ဒါကြောင့် လုပ်ခဲ့ကြတယ်” ဟု စစ်တွေမြို့ရှိ ရိုဟင်ဂျာဒုက္ခသည်စခန်းမှ ဒေသခံတဦးကပြောသည်။

ယမန်နေ့( ဧပြီလ ၂၀ ရက်) နံနက်က ရခိုင်ပြည်နယ်၊ စစ်တွေမြို့ရှိ ရိုဟင်ဂျာအချို့က AAအား အကြမ်းဖက်အဖွဲ့ဟုဆိုကာ အလိုမရှိကြောင်း ဆန္ဒထုတ်ဖော်ခဲ့ကြသည်။ ထိုသတင်းကို စစ်ကောင်စီ ဝါဒဖြန့် တယ်လီဂရန် ချန်နယ် များတွင် ဆက်တိုက်ဖော်ပြခဲ့ကြသည်။

Public Service Announcement

Public Service Announcement

ထိုဆန္ဒပြမှုနောက်ကွယ်၌ ရခိုင်ပြည်နယ်အစိုးရအဖွဲ့နှင့် စစ်ကောင်စီအရာရှိများက ဖိအားပေးခဲ့ကြောင်း၊ ပြီးခဲ့သည့်ရက်အနည်းငယ်အတွင်း စစ်တွေမြို့ရှိ ပြည်နယ်အစိုးရရုံး၌ အစည်းအဝေးခေါ်ယူကာ AAကို အကြမ်းဖက်အဖွဲ့အဖြစ်ဆန့်ကျင်ကြောင်း ဆန္ဒထုတ်ဖော်ကြရန်၊ ယင်းသို့မလုပ်ပါက နေအိမ်များအား မီးရှို့ဖျက်ဆီးမည်ဖြစ်ကြောင်းနှင့် ဒုက္ခသည်များအား ပိုမိုတင်းတင်းကျပ်ကျပ်ကိုင်တွယ်သွားမည်ဟု ဖိအားပေးခဲ့ကြောင်း စစ်တွေမြို့ရှိ ရိုဟင်ဂျာဒုက္ခသည်စခန်းမှ ဒေသခံတဦးကပြောသည်။

စစ်ကောင်စီသည် AA အလိုမရှိကြောင်း ဆန္ဒထုတ်ဖော်မှုများကို ဘူးသီးတောင်နှင့်မောင်တောမြို့နယ်တွင်လည်း အတင်းအကျပ် ဖိအားပေးခိုင်းစေခဲ့သည်ဟု ရိုဟင်ဂျာအရေးဆောင်ရွက်သူများကပြောသည်။

အာရက္ခတပ်တော်(AA)ကလည်း ရခိုင်စစ်မြေပြင်၌ စစ်ရှုံးနေသည့်စစ်ကောင်စီသည် လူမျိုးရေးပဋိပက္ခဖန်တီးရန် အရှိန်မြင့်လုပ်နေပြီး အဆိုပါအခြေအနေကို အထူးသတိပြုကြရန် သတိပေးထားသည်။

” အကြမ်းဖက်ဖက်ဆစ်စစ်ကောင်စီဟာ အစွန်းရောက် အကြမ်းဖက်မူဆလင်စစ်သွေးကြွ တချို့ကို စစ်သင်တန်းပေး၊ လက်နက်တွေတပ်ဆင်ပေးနေပါတယ်။ ဒီလက်နက်

ကိုင်တွေကို ဘူးသီးတောင်မြို့တွင်း နှင့်ဆက်စပ်ရွာတချို့မှာ တပ်ဖြန့်ချထားပြီးတော့ ရခိုင်မုန်းတီးရေး ညာသံပေး အော်ခိုင်းနေတာတွေ့ရှိ ပါတယ်” ဟု AAပြောခွင့်ရပုဂ္ဂိုလ် ခိုင်သုခက ဧပြီလ ၁၃ရက်တွင် သတိပေးပြောကြားထားသည်။

ထို့အပြင် လူ့အခွင့်အရေးစောင့်ကြည့်ရေးအဖွဲ့(HRW)ကလည်း စစ်ကောင်စီသည် ရိုဟင်ဂျာများကို ခြိမ်းခြောက်ဖိအားပေးပြီး အတင်းအကြပ်စစ်သားစုဆောင်းကာ AAနှင့်တိုက်ပွဲများတွင် အသုံးချနေကြောင်း စစ်တမ်းထုတ်ပြန်သတိပေးထားသည်။

ဘူးသီးတောင်နှင့်မောင်တောမြို့ရှိ စစ်ကောင်စီစခန်းများကို AAက ထိုးစစ်ဆင်တိုက်ခိုက်နေပြီး နယ်ခြား‌​စောင့်စခန်းချို့အပါအဝင် စစ်ကောင်စီစခန်းအများအပြားကိုသိမ်းယူထားသည်။ လတ်တလောတွင်ဘူးသီးတောင်ခြေစိုက် စကခ(၁၅)နှင့် ခမရ (၅၅၁)တပ်ရင်းကို AAက အပြင်းအထန် ထိုးစစ်ဆင်တိုက်ခိုက် နေသည်။စစ်ကောင်စီတပ်ကလည်း လေကြောင်းအသုံးပြုခုခံတိုက်ခိုက်နေကြောင်း သတင်းရရှိသည်။

ဘူးသီးတောင်အခြေစိုက်စစ်ကောင်စီတပ်သည် AA၏ ထိုးစစ်ဆင် တိုက်ခိုက်လာမည့် အရေးမှရှောင်လွှဲရန် ဘူးသီးတောင်မြို့ပေါ်တွင် လူမျိုးရေး၊ ဘာသာရေး ပဋိပက္ခများဖြစ်ရန် ရခိုင်လူမျိုးပိုင် နေအိမ်များကို မီးရှို့ပြီး သွေးထို့လှုံ့ဆော်မှုများကို ဆက်တိုက်ပြုလုပ်နေကြောင်း ဒေသအခြေစိုက်သတင်းဌာနများက ရေးသားသတိပေးထားသည်။

” မူဆလင်တွေအားလုံးစစ်ကောင်စီနှင့်ပူးပေါင်းတာတော့မဟုတ်ပါဘူး။ သမာသမတ်ရှိတဲ့ မူဆလင် ဘာသာရေးခေါင်းဆောင်တွေအနေနှင့် အမှန်တရားကိုပြောပြီးတော့သူတို့ မူဆလင်အသိုင်းအဝိုင်းကို ထိန်းသိမ်းနိုင်လိမ့်မယ်လိုတော့ ယုံကြည်ပါတယ်” ဟုခိုင်သုခက ပြောထားသည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။