ဒီးဒီ/People’s Spring
ကရင်ပြည်နယ်၊ ကော့ကရိတ်မြို့နယ်ရှိ ဖိုးချိမှူး(ဖူ့ချိမူ)စခန်းသိမ်းတိုက်ပွဲမှ ဒေသခံများသတ်ဖြတ်ပြီး ထိုင်းနိုင်ငံအတွင်းထွက်ပြေးသွားသော စစ်ကောင်စီတပ်သား ၃၃ဦးအနက် ဒဏ်ရာရသူခြောက်ဦးအား ထိုင်းအာဏာပိုင်များက ဆေးကုသမှုမပေးဘဲ ပြန်ပို့လိုက်ကြောင်း သတင်းရရှိသည်။
၂၇ နှစ်အကြာတပ်စွဲထားပြီး အင်အား ၁၀၀ခန့် ရှိသည့် ဖူ့ချီမူတပ်စခန်းကို မေလ ၁၉ရက်တွင် ကရင်အမျိုးသား လွတ်မြောက်ရေးတပ်မတော်(KNLA)နှင့်ပူးပေါင်း တော်လှန်ရေးတပ်ဖွဲများက တိုက်ခိုက်သိမ်းပိုက်စဥ် စစ်ကောင်စီတပ်သား ၃၃ဦးမှာ ထိုင်းနိုင်ငံအတွင်း ထွက်ပြေးသွားခဲ့သည်။
ထို့သို့ ထွက်ပြေးစဥ် လမ်း၌တွေ့သော လမ်း၌တွေ့သော ကိုယ်ဝန်ဆောင်အမျိုးသမီးတစ်ဦးအပါအဝင် လေးဦးအား သတ်ဖြတ်သွားခဲ့သည်။အဆိုပါ စစ်ကောင်စီတပ်သား ၃၃ဦးအနက် ဒဏ်ရာပြင်းထန်ရရှိသူ ခြောက်ဦးပါရှိပြီး ၎င်းတို့ကို ထိုင်းအာဏာပိုင်များက ဆေးကုသမှုမပေးဘဲ မေလ ၂၆ရက်တွင် မြဝတီမြို့သို့ ပို့ဆောင်လိုက်သည်ဟု People’s Spring၏ ကရင်စစ်ရေးသတင်းရင်းမြစ်က ပြောသည်။
Public Service Announcement
” ဆေးကုမပေးဘဲပြန်ပို့တာလို့ သိရတယ်။ ဒဏ်ရာတွေကလည်း ခြေပြတ်၊လက်ပြတ်တွေနဲ့ ပြင်းတော့ ကုမပေးတာထင်တယ်။ မနေ့ညနေက ပြန်ပို့တယ်”ဟု ၎င်းက ပြောသည်။
အဆိုပါ စစ်ကောင်စီတပ်သား ၃၃ဦးသည် ထိုင်းနိုင်ငံအတွင်းသို့ အသုတ်ခွဲ၍ ဝင်ရောက်လာခြင်းဟု ၎င်းက ဆက်ပြောသည်။
သို့သော် ထွက်ပြေးသွားသည့် စစ်ကောင်စီတပ်သားများက လမ်း၌တွေ့သော ကိုယ်ဝန်ဆောင်အမျိုးသမီးတစ်ဦးအပါအဝင် လေးဦးအား သတ်ဖြတ်သွားကြောင်း ၎င်းက ဆက်ပြောသည်။
“ကိုယ်ဝန်ဆောင်အမျိုးသမီးက ဆေးခန်းလာပြတာပေါ့။ သူ့ကိုလိုက်ပို့တဲ့ ဆိုင်ကယ်ကယ်ရီသမားဦးလေးရော။ အသက်(၂၀)အရွယ်ရွားသားတစ်ဦးရော နှုတ်ပိတ်တဲ့အနေနဲ့ သတ်သွားတာ”ဟု ကော့ကရိတ်မြို့ရှိ PDF ရဲဘော်တစ်ဦးက ပြောသည်။
ဖူ့ချီမူတပ်စခန်းကို လအတန်ကြာပိတ်ဆို့တိုက်ခိုက်ခဲ့ခြင်းဖြစ်ပြီး စစ်ကောင်စီတပ်က မေလ ၁၉ရက် နံနက်တွင် ဒုတပ်ရင်းမှူး ရန်အောင်အပါအဝင် စစ်ကောင်စီတပ်ဖွဲ့ဝင် ၄၈ဦး လက်နက်ချ အညံ့ခံခဲ့သည်ဟု အထူးစစ်ဆင်ရေးတပ်ဖွဲ – SOFတပ်ဖွဲ့က မေလ ၂၅ရက်တွင် ထုတ်ပြန်သည်။ထို့အပြင် စခန်းအတွင်း သေဆုံးနေသည့် စစ်ကောင်စီတပ်ဖွဲ့ဝင် အလောင်း ၂၀ကျော်တွေ့ရှိရဟု အသိပေးသည်။
ယခု သိမ်းပိုက်ခဲ့သည့် ဖူ့ချိမှုစခန်း၏ မြောက်ဘက်ရှိ ကျိုက်ဒုံမြို့အခြေစိုက်စစ်ကောင်စီဗျူဟာကုန်းစခန်းကိုလည်း တော်လှန်ရေးပူးပေါင်းတပ်က မတ်လလယ်တွင် တိုက်ခိုက်သိမ်းပိုက်ခဲ့ရာ ထိုစဉ်ကလည်း ဗျူဟာမှူးအပါအဝင် စစ်ကောင်စီတပ်ဖွဲ့ဝင် ၆၆ဦးလက်နက်ချ အညံ့ခံခဲ့သည်။
ထိုင်း – မြန်မာနယ်စပ် ပိုင်ခလန်ကျေးရွာအနီးတွင်ရှိ အင်အား ၁၀၀ခန့်ရှိသော စစ်ဆင်ရေးကွပ်ကဲမှုဌာနချုပ်-စကခ(၁၃) လက်အောက်ခံ တပ်ရင်းများဖြစ်သည့် ခြေမြန်တပ်ရင်း (ခမရ-၅၅၈)၊(ခမရ-၅၆၁)နှင့် ခြေလျင်တပ်ရင်း(ခလရ-၉၉၃)တို့ အထိုင်ချတပ်စွဲထားသော ဖူ့ချိမူတပ်စခန်းအား KNLAနှင့် ပူးပေါင်းတပ်များက တိုက်ခိုက်ခဲ့ခြင်းဖြစ်သည်။
