Connect with us

Hi, what are you looking for?

LuduNwayOo

သတင်း

လူနဲ့အတွေ့မှာ ကြမ္မာငင်ခဲ့တဲ့ ဝက်ဝံ

ဒေသခံများသည်၀က်ဝံအားအရှင်ဖမ်းမိရန်(သို့မဟုတ်)သစ်တောဝန်ထမ်းအကူအညီဖြင့် မေ့ဆေးသေနတ်အသုံးပြုပစ်ခတ်ဖမ်းဆီးရန် ကြိုးစားမှုမရှိခဲ့ဘဲ အသေဖမ်းဆီးရန်သာရည်ရွယ်ခဲ့သည်ဟု မြို့ခံကပြောသည်။

(ဝက်ဝံ​သေ နှင့် ​ဒေသခံအချို့ကို​တွေ့ရစဥ်။ဓါတ်ပုံ-CJ)
(ဝက်ဝံ​သေ နှင့် ​ဒေသခံအချို့ကို​တွေ့ရစဥ်။ဓါတ်ပုံ-CJ)

ယောနသံ/People’s Spring

ရခိုင်ရိုးမား နှင့် ထိစပ်နေသည့် ဧရာဝတီတိုင်း၊ ကြံခင်းမြို့နယ်၊ မဲဇလီရွာထဲသို့ ရောက်ရှိလာသည့် ရှားပါးဝက်ဝံတစ်ကောင်သည် ဒေသခံများအားတိုက်ခိုက်သည်ဟုဆိုကာ သတ်ဖြတ်ခံလိုက်ရသည်။

အရပ် ၆ပေခန့် အနည်းဆုံးရှိသည် ဝက်ဝံအထီးတစ်​ကောင်သည်မဲဇလီရွာထဲသို့ ဇွန်လ ၁၀ရက်က ရောက်ရှိလာခြင်းဖြစ်သည်။ ‌ဒေသခံများနှင့် ထိပ်တိုက်တွေ့ပြီး လူနှင့်ဝက်ဝံပဋိပက္ခဖြစ်ခဲ့သည်ဟု မြို့ခံတဦးကပြောသည်။

ဝက်ဝံ၏ တိုက်ခိုက်မှုကြောင့် ‌မဲဇလီရွာဒေသခံသုံးဦး ဒဏ်ရာရရှိပြီး ဆေးကုသမှုခံယူနေရကြောင်းသိရသည်။

Public Service Announcement

Public Service Announcement

(ဝက်ဝံ​သေ နှင့် ​ဒေသခံအချို့ကို​တွေ့ရစဥ်။ဓါတ်ပုံ-CJ)
(ဝက်ဝံ​သေ နှင့် ​ဒေသခံအချို့ကို​တွေ့ရစဥ်။ဓါတ်ပုံ-CJ)

“မဲဇလီရွာထဲ ဝင်ကိုက်တာ။ သူကလည်း လူတွေကိုကြောက်။ လူတွေကလည်း သူ့ကိုကြောက်နဲ့ နောက်ဆုံးလူအုပ်ကပဲ အနိုင်ယူသွားတယ်။ သတ်ပစ်လိုက်ကြတယ်”ဟု ကြံ့ခင်းမြို့ခံတစ်ဦးကပြောသည်။

ကြံ့ခင်းမြို့နယ်သည် ရခိုင်ရိုးမနှင့် ထိစပ်နေသည်။ ယခု ဝက်ဝံသည် ရခိုင်ရိုးမဘက်မှ ဆင်းလာခြင်းဟု ဒေသခံအချို့ကသုံးသပ်သည်။

“အရင်က မတွေ့ဘူးမကြားဘူးတဲ့ ဖြစ်ရပ်ပဲ။ ရခိုင်ဘက်က တိုက်ပွဲတွေကြောင့် နယ်ကျွံလာတာလို့ထင်တယ်”။

ဧရာဝတီတိုင်းအတွင်း ကြံခင်းမြို့နယ်၊ မြန်အောင်မြို့နယ်၊ ဥသျှစ်ပင်မြို့တို့သည် လတ်တလောတိုက်ပွဲများပြင်းထန်နေသည့် ရခိုင်ပြည်နယ် သံတွဲမြို့နယ်နှင့် ရခိုင်ရိုးမခြားလျက်တည်ရှိသည်။

လူများအား တိုက်ခိုက်၍ဝက်ဝံကိုသတ်ဖြတ်ရှင်းလင်းလိုက်သည့်အကြောင်းကို ဒေသခံတဦး လူမှုကွန်ရက်တွင်ရေးသားထားပြီး ချက်စားပစ်မည်ဟုလည်း ပြောဆိုထားသည်။

ဝက်ဝံသည် ဇီဝမျိုးစုံမျိုးကွဲ နှင့် သဘာဝထိန်းသိမ်းရေး နယ်မြေများ ကာကွယ်စောင့်ရှောက်ခြင်း ဥပဒေအရ ထိန်းသိမ်းရန် တာဝန်ရှိသည့် တောရိုင်းတိရစ္ဆာန်ဖြစ်သောကြောင့် ယခုကဲ့သို့ သတ်ဖြတ်လိုက်သည်အပေါ် သဘာဝပတ်ဝန်းကျင်ထိန်းသိမ်းရေးလှုပ်ရှားသူအချို့က ပြင်းပြင်းထန်ထန်ဝေဖန်ကြသည်။

“ရွှေ့ပြောင်းတောင်ယာတွေခုတ်၊ တောတွေမီးရှို့၊ ဝါးတောတွေရှင်း၊ တောကိုလုပ်ချင်တိုင်းလုပ်ဝင်ချင်သလိုဝင်နေချင်သလိုနေနေတော့ အသံမထွက်ကြဘူး။ တောရိုင်းကောင်က ပြန်ကိုက်ရင်အသံလေးကထွက်လာပြီ။ အကိုက်ခံရတာတော့ စိတ်မကောင်းပါဘူး။ ဒါပေမယ့် တောရိုင်းတိတွေအတွက် Rightsမှမရှိတာ” ဟု လူမှုကွန်ရက်သုံးစွဲသူတစ်ဦးက ရေးသားထားသည်။

ဒေသခံများသည်၀က်ဝံအားအရှင်ဖမ်းမိရန်(သို့မဟုတ်)သစ်တောဝန်ထမ်းအကူအညီဖြင့် မေ့ဆေးသေနတ်အသုံးပြုပစ်ခတ်ဖမ်းဆီးရန် ကြိုးစားမှုမရှိခဲ့ဘဲ အသေဖမ်းဆီးရန်သာရည်ရွယ်ခဲ့သည်ဟု မြို့ခံကပြောသည်။

သို့​သော်ဝက်ဝံသေအား မည်သို့ဆက်လက်လုပ်ကိုင်သည်ကို မသိရှိရသေးပေ။ သတ်ဖြတ်သူများအား တရားစွဲရန်လည်း သဘာဝပတ်ဝန်းကျင်ထိန်းသိမ်းရေးလှုပ်ရှားသူအချို့က တောင်းဆိုနေကြခြင်းလည်းရှိသည်။

ဝက်ဝံ များသည်၂၀၂၀ ပြည့်နှစ်မှာ ဇီဝမျိုးစုံမျိုးကွဲနှင့် သဘာဝထိန်းသိမ်းရေး နယ်မြေများ ကာကွယ်စောင့်ရှောက်ခြင်း ဥပဒေ ပုဒ်မ ၃၇(က)အရ လုံးဝကာကွယ်ထားသည့်တောရိုင်းတိရစ္ဆာန် (Completely protected species) အဖြစ် သတ်မှတ်ထားပြီး ဖမ်းဆီးသတ်ဖြတ်ရောင်းချသူများ၊ ပါဝင်ကျူးလွန်သူအားလုံးကိုထောင်ဒဏ် ၇ နှစ်အထိချမှတ်နိုင်သည်။

ဆက်စပ်သတင်းများ

သတင်း

တပ်မဟာ(၄)နယ်မြေ ဘိတ်-ထားဝယ်ခရိုင်တွင် အခြားသော KTLA တပ်ဖွဲ့များရှိသော်လည်း ဗိုလ်ကော်လာဖိုး တပ်ဖွဲ့နှင့်သာ ပြဿနာဖြစ် နေသည်ဟု ပဒိုစောအယ်နားက ပြောသည်။

သတင်း

တိုက်ပွဲအတွင်း ချေမှုန်းရေးစစ်ကြောင်းမှ ရဲဘော်များသည် ဘန်ကာ သုံးခုအား ဝိုင်းထားနိုင်ခဲ့သော်လည်း စခန်းအနီးနားရှိ ဆင်အင်းစခန်းမှ တပ်ကူရောက်လာ၍ ပြန်လည်ဆုတ်ခွာခဲ့ကြောင်း 96 Soldiers - PDF(အညာဒေသ)က ဆိုသည်။

နိုင်ငံတကာ

ဂါဇာ ကျန်းမာရေး ဝန်ကြီးဌာနရဲ့ အဆိုအရ စစ်ပွဲအစပြုခဲ့တဲ့ အောက်တိုဘာ ၇ ရက်နေ့နောက်ပိုင်း ပါလက်စတိုင်း အသေအပျောက်ဟာ ၃၉၀၀၀ နီးပါးလောက်ထိ များပြားလာခဲ့ကြောင်း သိရပါတယ်။

သတင်း

ပစ်ခတ်ခံရသူမှာ စဥ့်ကူးမြို့ ပဲလှော်ဖိုဆိုင်မှ အသက်(၆၀)ကျော်အရွယ် ဦးထွန်းမင်း(ခ)ဦးထုတ်ကြီးဆိုသူဖြစ်ပြီး သေဆုံးခြင်းရှိ၊မရှိ မသိရသေးပေ။