နေ့သစ် /People’s Spring
မြန်မာအမျိုးသားဒီမိုကရက်တစ် မဟာမိတ်တပ်မတော်(MNDAA) ဦးဆောင်သော ပူးပေါင်းတပ်များက လားရှိုးမြို့ရှိ စစ်ကောင်စီတပ်၏အရှေ့မြောက်တိုင်း စစ်ဌာနချုပ်(ရမခ) ကိုအပြီးသတ်သိမ်းပိုက်နိုင်ပြီဖြစ်ကြောင်း စစ်ရေးရင်းမြစ်များကပြောသည်။
MNDAA ဦးဆောင်သောပူးပေါင်းတပ်များက လားရှိုး မြို့ကို ဇူလိုင် ၃ ရက်မှစတင်ထိုးစစ်ဆင်ခဲ့ခြင်းဖြစ်ပြီး စစ်စခန်းများကိုဆက်တိုက်သိမ်းပိုက်ခဲ့ခြင်းဖြစ်သည်။ ရမခ မဟိုကင်း နှင့် ရမခ ကို အပြီးသတ် သိမ်းပိုက်နိုင်ရန် ပူးပေါင်းတပ်များကယခုရက်ပိုင်းအပြင်းအထန်ထိုးစစ်ဆင်တိုက်ခိုက်ပြီး ယမန်နေ့ (သြဂုတ်) ၂ ရက်တွင် စစ်ဆေးရုံမှ စစ်သားများလက်နက်ချ ခဲ့ပြီး သြဂုတ် ၃ ရက်မနက်အစောပိုင်းတွင် ရမခ ကိုအပြီးသတ်သိမ်းပိုက်နိုင်ခဲ့ကြောင်း စစ်ရေးရင်းမြစ်များကပြောသည်။
Public Service Announcement
” ထွက်ပေါက်ပေးထားတဲ့ဘက်ကနေ ဆုတ်သွားတာပါ။ ရမက ကျသွားပါပြီ။ တပ်ချုပ်ငိုပွဲဆင်ပါပြီ” ဟုစစ်ရေးရင်းမြစ်တစ်ဦးကပြောသည်။
အခြားစစ်ရေးသတင်းရင်းမြစ်တစ်ဦးကလည်း “ပြီးသွားပြီ”ဟုပြောသည်။
စစ်ကောင်စီဝါဒဖြန့် တယ်လီဂရန်များက လည်းရမခ ကျသွားသဖြင့် ဝမ်းနည်းကြေကွဲသောပိုစ်များဆက်တိုက်ရေးသားနေကြသည်။
“ယခုတကြိမ်တော့စိတ်ဓါတ်ကျသွားပြီ တပ်မတော်သမိုင်းနဲ့ အင်မတန်ပစဥ်အလာကြီးတဲ့ ရမခဌာနချုပ်ကတော့ ကျသွားပါပြီ ။တပ်မတော်သမိုင်းရိုင်းပြီ “ဟု စစ်တပ်ဝါဒဖြန့် တယ်လီဟရန်ချန်နယ်တစ်ခုကလည်းရေးသားထားသည်။
နွေဦးတော်လှန်ရေးတွင် တော်လှန်ရေးတပ်များက စစ်တပ်၏ စစ်တိုင်းဌာနချုပ်ကို သိမ်းပိုက်နိုင်ခြင်းမှာ ရမခ သည်ပထမဆုံးဖြစ်သလို ၊ စစ်တိုင်း ၁၄ တိုင်းရှိသော စစ်တပ်သမိုင်းတွင်လည်း ပထမဆုံးအကြိမ်တိုင်းစစ်ဌာနချုပ်ကျခဲ့ခြင်းဖြစ်သည်။
