ထားမြတ်/People’s Spring
ရှစ်လေးလုံး ဒီမိုကရေစီ အရေးတော်ပုံ(၃၆) နှစ်မြောက် အခမ်းအနား ကျင်းပခဲ့ကြောင်း မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF) စစ်ကြောင်း(၃)က သတင်းထုတ်ပြန်သည်။
ယနေ့ (ဩဂုတ် ၈ရက်) ကျရောက်သည့် အခမ်းအနားကို ABSDF အမှတ်(၃) စစ်ကြောင်း၊ အမှတ်(၁၂) တပ်ရင်း ယောဒေသ၌ ပြုလုပ်ခဲ့ခြင်းဖြစ်သည်ဟု ဓာတ်ပုံမှတ်တမ်းများနှင့်အတူ ဖော်ပြသည်။
အခမ်းအနားတွင် မြန်မာပြည် ဒီမိုကရေစီအရေး တိုက်ပွဲများတွင် အသက်စွန့်ခဲ့လေပြီးသော အာဇာနည် သူရဲကောင်းအပေါင်းအား ဦးညွှတ်အလေးပြုခြင်းနှင့် ABSDF ဗဟို၏ ရှစ်လေးလုံးအရေးတော်ပုံ (၃၆)နှစ်ပြည့် ကြေညာချက်အား ဖတ်ကြားခြင်းပြုလုပ်ခဲ့သည်ဟု အသိပေးသည်။
Public Service Announcement
ထို့ပြင် ရှစ်လေးလုံး ဒီမိုကရေစီအရေးတော်ပုံအကြောင်း ဟောပြောမှုများ ပြုလုပ်ခဲ့သည်ဟု ABSDF စစ်ကြောင်း(၃)က ထုတ်ပြန်သည်။
ABSDF ဗဟို၏ ယနေ့ ထုတ်ပြန်ကြေညာချက်တွင် စစ်အာဏာရှင်စနစ် နိဂုံးချုပ်ရေးအတွက် လူထုတိုက်ပွဲ၊ လက်နက်ကိုင်တိုက်ပွဲအရှိန်ကို မြှင့်တင်ကြရန် တိုက်တွန်းတောင်းဆိုထားသည်။ ရှစ်လေးလုံးအရေးတော်ပုံကြီးမှ မပြီးပြတ်သေးသည့် လူထု၏ နိုင်ငံရေး တောင်းဆိုချက်များမှသည် လက်ရှိနွေဦးတော်လှန်ရေး တောင်းဆိုချက် များ အောင်မြင်ရန် စစ်အာဏာရှင်စနစ် နိဂုံးချုပ်ရန် လိုအပ်သည်ဟု အသိပေးထားသည်။
