Connect with us

Hi, what are you looking for?

သတင်း

ရေစကြိုမြို့နယ်ရှိ စစ်ကောင်စီစစ်ကြောင်းနှင့် ပခုက္ကူလေဆိပ်အနီး ဂိတ်​ကို PDFများ တိုက်ခိုက်

မကွေးတိုင်း၊ ရေစကြိုမြို့နယ်တွင် စစ်ကောင်စီတပ်စစ်ကြောင်း တိုက်ခိုက်ခံရ၍ လေကြောင်းမှ လာရောက်ပစ်ခတ်တိုက်ခိုက်ခဲ့ ကြောင်း သတင်းရရှိသည်။

(တိုက်ခိုက်နေသော PDF ရဲဘော်အချို့အား တွေ့ရစဥ်။ဓာတ်ပုံ-File Photo)

ဟာနာဆန်/People’s Spring

မကွေးတိုင်း၊ ရေစကြိုမြို့နယ်တွင် စစ်ကောင်စီတပ်စစ်ကြောင်း တိုက်ခိုက်ခံရ၍ လေကြောင်းမှ လာရောက်ပစ်ခတ်တိုက်ခိုက်ခဲ့ ကြောင်း သတင်းရရှိသည်။

ယမန်နေ့ (ဩဂုတ် ၁၄ရက်) ညနေ ၄နာရီခန့်က ရေစကြိုမြို့နယ်၊ ဟင်္သာပျူစောထီးကျေးရွာမှ လာသော အင်အား၄၀ခန့်ပါ စစ်ကောင်စီစစ်ကြောင်းအား ဟင်္သာကျေးရွာနှင့် ကိုရင့်ကျွန်းကျေးရွာကြားတွင် ပြည်သူ့ကာကွယ်ရေး ပူးပေါင်းတပ်များက တိုက်ခိုက်ခဲ့သည်။

Public Service Announcement

Public Service Announcement

တိုက်ပွဲမှာ နာရီဝက်ခန့်ကြာမြင့်ခဲ့ပြီး စစ်သား သုံးဦးသေဆုံးကာ အများအပြားဒဏ်ရာရရှိသွားကြောင်း ရေစကြိုပကဖအဖွဲ့ သတင်းနှင့်ပြန်ကြားရေးတာဝန်ခံက ပြောသည်။

ထို့အပြင် စစ်ကောင်စီဘက်က Mi35ဖြင့် လေကြောင်းမှ နာရီဝက်နီးပါး လာရောက်ပစ်ခတ်တိုက်ခိုက်ခဲ့သော်လည်း ပြည်သူ့ကာကွယ်ရေးရဲဘော်များ အထိခိုက်မရှိ ဆုတ်ခွာနိုင်ခဲ့ကြောင်း ဒေသကာကွယ်ရေးအဖွဲ့များက ပြောသည်။

အလားတူ ယမန်နေ့ ညနေ ၅ နာရီ ၄၅ မိနစ်ခန့်ကလည်း အဆိုပါ စစ်ကောင်စီတပ်နှင့်ပျူစောထီးများ ကိုရင့်ရွာအရောက်တွင် ရော့ကတ် ငါးလုံးဖြင့် ပစ်ခတ်တိုက်ခိုက်ခဲ့ကြောင်း ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ (၂)၏ သတင်းပြန်ကြားရေးတာဝန်ခံ ဗိုလ်မြွေဟောက်က ပြောသည်။

ရော့ကတ်များမှာ ပစ်မှတ်အတွင်းသို့ ကျရောက် ပေါက်ကွဲပြီး စစ်သားနှင့်ပျူစောထီး သုံးဦး သေဆုံးပြီး အများအပြား ထိခိုက်ဒဏ်ရာရရှိခဲ့ကြောင်း ၎င်းက ဆိုသည်။

“မနေ့က အထိနာတော့ လေယာဉ်နဲ့ပက်ပြီးဝဲသေးတယ်။ အတွဲလိုက်တွေပစ်တယ်။ ဗုံးသီးတွေချတယ်။ ရဟက်ယာဉ်ပေါ်ကနေ။ သူဌေးကုန်းရွာနဲ့အလယ်ဆောင်ရွာအနီးနားတွေကိုပစ်သွားတာပါ။ အဲနားမှာက တိုက်ပွဲဖြစ်ပွားခြင်းမရှိဘဲနဲ့ပစ်သွားတာပါ။ပြည်သူတွေထိမထိတော့စုံစမ်းနေဆဲပါပဲ။”ဟု ဗိုလ်မြွေဟောက်က ပြောသည်။

အလားတူ ယနေ့ သြဂုတ် ၁၅ ရက် နံနက် ၁၀နာရီခွဲခန့်က ပခုက္ကူမြို့နယ်၊ လေဆိပ်ပြုပြင်ရေးစီမံကိန်းအတွက် လေယာဉ်ကွင်းအနီး ကျေးရွာတွင် အင်အား ၁၀၀ကျော်ဖြင့် တပ်စွဲထားသည့် စစ်ကောင်စီဂိတ်စခန်းအနီးရှိ စစ်သားများကို Southern YSO PDF အဖွဲ့၏ “နတ်မိချောင်းစစ်ဆင်ရေး” စစ်ကြောင်းက ဝင်ရောက်တိုက်ခိုက်ခဲ့သည်။

“လေယာဉ်ကွင်းအနောက်ဘက်အနီးနားရွာမှာ တပ်စွဲထားတာ။ ၅ မိနစ်လောက်ပဲကြာတယ်။”ဟု Southern YSO PDFအဖွဲ့၏ တာဝန်ခံ ကိုအောင်မောင်းက ပြောသည်။

တိုက်ခိုက်မှုကြောင့် စစ်သား သုံးဦးသေဆုံးပြီး G3သေနတ် တစ်လက်၊ MA 11 တစ်လက် ရရှိခဲ့ကြောင်း ကိုအောင်မောင်းက ပြောသည်။

ရေစကြိုမြို့နယ်တွင် စစ်ကောင်စီ၏ လေကြောင်းတိုက်ခိုက်မှုကြောင့် ဒေသခံပြည်သူများ ဘေးလွတ်ရာသို့ ထွက်ပြေးတိမ်းရှောင်နေရကြောင်း သတင်းရရှိသည်။ စစ်ကောင်စီတပ်သည် သြဂုတ် ပထမပတ်အတွင်းက ရေစကြိုမြို့နယ်၊ ကိုရင့်ရွာရှိ နေအိမ်၂၃လုံးကို မီးရှို့ဖျက်ဆီးသွားခဲ့သည်။

ဆက်စပ်သတင်းများ

သတင်း

မကွေးတိုင်း၊ရေစကြိုမြို့နယ်၊ဇီးတောပြည်သူ့စစ်စခန်းက ထွက်လာတဲ့ ပြည်သူ့စစ်ခေါင်းဆောင်ဝင်းမြင့်အောင်နဲ့ တပည့်ဖြစ်သူတို့ ပစ်ခတ်ခံရပြီး သေဆုံးကာ လက်နက်သုံးလက်ရရှိတယ်လို့ ပြည်သူ့ကာ ကွယ်ရေးတပ်ဖွဲ့ရေစကြိုမြို့နယ်ကဒီကနေ့(နိုတင်ဘာ ၁) ထုတ်ပြန်ပါတယ်။

သတင်း

မကွေးတိုင်း၊ ရေစကြိုမြို့နယ်မှာ တိုက်ပွဲဖြစ်ပြီး ဇီးတောကျေးရွာ ပြည်သူ့စစ်ခေါင်းဆောင်အပါအ၀င် သေဆုံးသူများပြီး လက်နက်ခဲယမ်းတချို့သိမ်းရတယ်လို့ ဒေသခံနဲ့ စစ်ရေးသတင်းရင်းမြစ်တွေက ပြောပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

မကွေးတိုင်း၊ ရေစကြိုမြို့နယ်၊ သစ်ကြီးတောရွာ လေကြောင်းတိုက်ခိုက်မှုမှာ အသက် တစ်နှစ်ခွဲကလေးငယ်ကနေ အသက် ၈၀ အရွယ် အဘွားအိုအထိ ပါဝင်ပြီး သေဆုံးခဲ့သူ ၁၂ ဦးရဲ့ အချက်အလက်တွေကို ရေစကြိုသတင်းအချက်အလက်ကော်မတီက ထုတ်ပြန်လိုက်ပါတယ်။

Facebook