ဇေအောင်/People’s Spring
စစ်ကိုင်းတိုင်း၊ ဆားလင်းကြီးမြို့မရဲစခန်းမှ ရဲတပ်သား တစ်ဦး လက်နက်ခဲယမ်းများယူလာပြီး အလင်းဝင်လာ၍ ကျပ်သိန်း ၅၀ ဂုဏ်ပြုချီးမြှင့်ခဲ့ကြောင်း ယင်းမာပင်ခရိုင်တပ်ရင်း (၂၈)ဓါးမဆိုင်းတပ်မတော်မှ တာဝန်ရှိသူ ဗိုလ်စွမ်းက ပြောသည်။
ဩဂုတ် ၂၅ ရက်တွင် ဆားလင်းကြီးမြို့မရဲစခန်းမှ ရဲတပ်သား ဝင်းကိုဆိုသူသည် G3 သေနတ် ၁ လက်၊ ကျည် ၁၅ တောင့်နှင့်အတူ အလင်းဝင်ရောက်လာခြင်းဖြစ်ကြောင်း ဗိုလ်စွမ်းက ပြောသည်။
Public Service Announcement
“သူက အထဲထဲနေရတာ စိတ်ကုန်လို့ စိတ်ပျက်လို့ပါပဲ။ အဲဒါကြောင့် ချိတ်ဆက်ပြီးတော့ ဝင်လာတာ။”ဟု ဗိုလ်စွမ်းက ရှင်းပြသည်။
ပြီးခဲ့သည့်ရက်ပိုင်းအတွင်းကလည်း ဆားလင်းကြီးမြို့ပေါ်ရှိ စစ်တပ်တပ်စွဲရာနေရာများအား PDFများက ပစ်ခတ်တိုက်ခိုက်ခဲ့သေးသည်။
သြဂုတ်လလယ်ပိုင်းက ဆားလင်းကြီးမြို့နယ်တွင် စစ်တပ်၏ လက်နက်ကြီးဖြင့် ပစ်ခတ်မှုကြောင့် ကျေးရွာနှစ်ရွာမှ ကိုယ်ဝန်ဆောင်တစ်ဦး ကိုယ်ဝန်ပျက်ကျကာ ကလေးတစ်ဦး ခြေတစ်ဖက်ပြတ်ပြီး ပြည်သူတစ်ဦး ပြင်းထန်ဒဏ်ရာရရှိခဲ့သည်။
