သုည/People’s Spring
ရန်ကုန်မြို့ တစ်နေရာတွင် တော်လှန်ရေးအင်အားစုများ ပူးပေါင်း၍ “တပ်ပျက်နေပြီ”ဟု ကြွေးကြော်သံဖြင့် စစ်အာဏာရှင်ဆန့်ကျင်ရေး ချီတက်ဆန္ဒပြမှုကို ယနေ့ (သြဂုတ် ၂၈) ညပိုင်းက ပြုလုပ်ခဲ့သည်။
Public Service Announcement
တော်လှန်လူငယ်များက “ပြည်သူ့ရင်ခွင်ခိုလှုံမလား အာဏာရူးအတွက် အသက်စွန့်မလား” စာသားနှင့် မီးတုတ်များ ကိုင်ဆောင်ပြီး စစ်ကောင်စီဝင်များအား ပြည်သူ့ဘက်သို့ “အလံဖြူထောင်” ပူးပေါင်းရန်လည်း ဟစ်ကြွေး၍ သပိတ်တိုက်ပွဲကို ဖော်ဆောင်ခဲ့ကြသည်။
ထို့အပြင် “အဆုံးစွန်ထိ မိုက်ကမ်းစွာဖြင့် တိုင်းပြည်၊ လူထုနှင့် တပ်ကို ဖျက်ဆီးဖိနှိပ်နေသည့် အာဏာရူး မင်းအောင်လှိုင်အတွက် အသေမခံပဲ၊ ပြည်သူ့ဘက်သို့အမြန်ဆုံး ဘက်ပြောင်းခိုဝင်ကြရန်”လည်း သပိတ်အင်အားစုက တိုက်တွန်းစည်းရုံးခဲ့သည်။
