ကျော်ဇော/People’s Spring
ပဲခူးတိုင်း၊ကြို့ပင်ကောက်မြို့နယ်တွင်စစ်ကောင်စီတပ်နှင့် ပျူစောထီးပူးပေါင်းအဖွဲ့အထိုင်ချတပ်စွဲထားသည့်နေရာကို ဝင်ရောက်စီးနင်းတိုက်ခိုက်ခဲ့ကြောင်း သာယာဝတီခရိုင် PDF တပ်ရင်း ၃၈၀၁၊ တပ်ခွဲ(၁)Yoma GBK PDF မှ တပ်ခွဲမှူးက လူထုနွေဦးသို့ ပြောသည်။
စက်တင်ဘာ ၇ ရက်နေ့နံနက် ၅ နာရီခန့်က ကြိုပင်ကောက်နယ်၊ ကွင်းချောင်းကျေးရွာရှိ ပျူစောထီး ၁၅ ဦးနှင့် စစ်ကောင်စီတပ်သား ၂၀ ဦးခန့်တပ်စွဲထားသော ပျူခေါင်းဆောင်နှင့် အုပ်ကြီးစိုးမင်း၏နေအိမ်အား ဝင်းရောက်တိုက်ခိုက်ခဲ့ခြင်းဖြစ်သည်။
အဆိုပါတိုက်ခိုက်မှုတွင် အပြန်အလှန်ပစ်ခတ်ချိန် ၂ နာရီခွဲခန့်ကြာမြင့်ပြီး စစ်ကောင်စီတပ်သား ၄ဦးနှင့် ပျူစောထီး ၃ ဦးပေါင်း ၇ ဦသေဆုံးသည်ကို မျက်မြင်အတည်ပြုနိုင်ခဲ့ကြောင်းတပ်ရင်း ၃၈၀၁၊ တပ်ခွဲ(၁)မှ တပ်ခွဲမှူး ရဲဘော်ကရင်လေးက ပြောသည်။
Public Service Announcement
“နာရေးကား ၂ စီးလာသွားတယ်။ အလောင်း တွေ တင်သွားတာတွေ့တယ်လို့ (ဒေသခံပြည်သူ)ပြောတယ်ဗျ။ မြို့ပေါ်ကိုမေးကြည့်တော့လည်း နာရေးကား ၂ စီးပြန်လာတယ်ပြောတယ်။ (ပြည်သူများမှ)အကုန်လုံး ၁၂ ယောက်လောက်ရှိမယ်လို့ ပြောတယ်။ ကျနော်တို့က သိပ်ပြီးမတိကျမှာစိုးလို့ (မျက်မြင်အတည်ပြုနိုင်ခဲ့တဲ့) ၇ ဦးပဲထည့်ထားတာ”ဟု ၎င်းက ဆက်ပြောသည်။
ကွင်းချောင်းကျေးရွာသည် ကြို့ပင်ကောက်မြို့နယ်တွင် ပျူစောထီးအင်အားကောင်းသည့်ရွာဖြစ်ပြီး မြို့ပေါ်နှင့် သုံးရွာခန့်သာဝေးသည့်ကျေးရွာတစ်ရွာလည်း ဖြစ်သည်။
ထို့ကြောင့် စစ်ကောင်စီတပ်မှအင်အား ၂၀ ကျော်သည် ကွင်းချောင်းကျေးရွာ၌ သွား ရောက်တပ်စွဲထားပြီး စစ်မှုထမ်းကိစ္စအပါ အဝင် ဒေသခံပြည်သူများအား ခြိမ်းခြောက်ငွေကောက်ခြင်း၊ အမျိုးသမီးငယ်အချို့ကို ကာအိန္ဒြေပျက်ပြားစေရန် ကြံရွယ်လုပ် ဆောင်မှုများအပြင် အဓမ္မပြုကျင့်မှုကိုပါ ကျူးလွန်နေကြောင်း တိုင်ကြားစာလက်ခံရရှိထားသည်ဟု တပ်ရင်း ၃၈၀၁၊ တပ်ခွဲ(၁)က အသိပေးသည်။
ထို့ကြောင့် ယခုစစ်ရေးတိုက်ခိုက်မှုကို လုပ် ဆောင်ခဲ့ခြင်းဖြစ်ပြီးတိုက်ခိုက်ခံရပြီးနောက်တစ်ရက်စက်တင်ဘာ ၈ ရက်တွင် ကွင်းချောင်းရွာသို့ စစ်ကားနှစ်စီးရောက်ရှိလာသည့်အပြင် တိုက်ပွဲဖြစ်ခဲ့သည်နေရာများကိုဒေသခံပြည်သူများအားခေါ်ယူ၍ရှင်းလင်းရေးလုပ်ဆောင်ခိုင်းကြောင်းစုံစမ်းသိရသည်။
