ဆိုင်းမင်း/People’s Spring
နေပြည်တော် ၊ တပ်ကုန်းမြို့နယ်ထဲက ရေဘေးသင့် ချောင်းခြားကျေးရွာမှာ စက်တင်ဘာလ ၁၇ ရက် က အစာအဆိပ်သင့်လို့ လူ ၂၀၀ ကျော်ကို ဆေးရုံပို့လိုက်တယ်လို့ ဒေသခံတွေ ဆီကသိရပါတယ်။
ချောင်းခြားရွာကိုလာရောက်လှုဒါန်းတဲ့ အစားအသောက်ကို စားသောက်မိရာကနေ လူအများအပြား အစာအဆိပ်သင့်ခဲ့တာပါ။
လာရောက်လှုဒါန်းတဲ့ ဒံပေါက်ကို စားပြီးနောက် အစာအဆိပ်သင့်ကြတာလို့ ချောင်းခြားရွာခံတစ်ဦးက ပြောပါတယ်။
Public Service Announcement
ချောင်းခြားကျေးရွာမှာ အိမ်ခြေ၁၇၀ကျော်ရှိပြီး လူဦးရေ ၃၀၀နီးပါး အစာအဆိပ်သင့်ကာ လူ၂၀၀ကျော်ကို ဆေးရုံကိုပို့ဆောင်ထားရပါတယ်။
“ညက တစ်ညလုံးပဲ လူနာတင်ယာဥ်ကား၁၅စီးလောက်နဲ့ တောက်လျှောက်ပို့ပေးနေရတာ”လို့ ကူညီကယ်ဆယ်ရေးမှာပါဝင်သူတစ်ဦးကပြောပါတယ်။
အစာအဆိပ်သင့်ကြသူတွေထဲမှာ ကလေးငယ်တွေနဲ့ သက်ကြီးပိုင်းအရွယ်တွေလည်းပါဝင်ကြတယ်လို့သိရပါတယ်။
အစာအဆိပ်သင့်ကြသူတွေဟာ စိုးရိမ်ရတဲ့အခြေအနေမရှိဘူးလို့သိရပြီး ချောင်းခြားရွာက ဘုန်းကြီးကျောင်း မှာလည်း ကုသရေးစင်တာဖွင့်လှစ်ပေးထားပါတယ်။
အစာအဆိပ်သင့်တာကြောင့် မူဝေအော့အန်တွေဖြစ်ပွားပြီး ချောင်းခြားရွာ က ကယ်ဆယ်ရေးအစားအစာတွေကို ဓာတ်ခွဲစစ်ဆေးနေပါတယ်။
ချောင်းခြားကျေးရွာဟာ ရေဘေးကိုဆိုးဆိုးရွားရွား ရင်ဆိုင်ခဲ့ရတဲ့နေပြည်တော် ၊ တပ်ကုန်းမြို့နယ်က ရွာ ဖြစ်ပါတယ်။
