ရဲခေါင်/People’s Spring
၃၁ ခု မြောက် တပ်ရင်းကို တိုးချဲ့ ဖွဲ့စည်းလိုက် ကြောင်းကရင်နီအမျိုးသားများကာကွယ်ရေးတပ် KNDF က ယနေ့(စက်တင်ဘာ ၂၀ )တွင် ထုတ်ပြန်သည်။
KNDF ၏ စစ်ဗျူဟာအမှတ်(၁)မှ ဖယ်ခုံမြို့နယ်ကို အခြေစိုက်သောအမှတ်(၃၁)တပ်ရင်းကို စက် တင်ဘာ၂ရက်တွင် တိုးချဲ့ဖွဲ့စည်းခဲ့ခြင်းဟုသိရသည်။
Public Service Announcement
ထို့အပြင်ဖယ်ခုံမြို့နယ်ကို စစ်ကောင်စီတပ်က စစ်ကြောင်းထိုးလာကြောင်းလည်း KNDF တာဝန်ရှိသူက လူထုနွေဦးသို့ ပြောသည်။
“စစ်ကောင်စီစစ်ကြောင်း ထိုးနေတာတွေရှိတယ်။နောက် ပြီး ဖယ်ခုံမြို့နယ်အကျယ်အဝန်းအရ အင်အား ဖြည့်နိုင်ဖို့ တပ်ရင်း အမှတ် ၃၁ ကို ဖွဲ့စည်းတိုးချဲ့လိုက်တာပါ”ဟု ၎င်းက ဆက်ပြောသည်။
KNDF၏ သစ္စာအဓိ ဋ္ဌာန်(၅)ချက်၊ မူဝါဒကြေ ညာစာတမ်း၊ စစ်ဖက်ဆိုင်ရာ အက်ဥပဒေတို့ကို လေးစားလိုက်နာပြီး ပြည်သူများနှင့်အတူစစ်အာဏာ
ရှင်အမြစ်ပြတ်ခြေမှုန်းရေးတွင်အဆုံးထိတိုက်ပွဲဝင်မည့်တပ်ရင်းဖြစ်ကြောင်း အမှတ်(၃၁)တပ်ရင်းကလည်း ဖော်ပြသည်။
ထို့ကြောင့် ကရင်နီအမျိုးသားများကာကွယ်ရေးတပ် KNDF တွင် ဗျူဟာ အမှတ် ၁ မှ စ၍ ဗျူဟာ အမှတ် ၈ အထိ တပ်ဖွဲ့စည်းမှု သုံးနှစ်အတွင်း ဗျူဟာ ၈ ခုရှိကာ တပ်ရင်း ၃၁ ခုရှိလာသည်။
ထို့အတူ တပ်ဖွဲ့ဝင်အင်အား ၁၀,၀၀၀ နှင့်အထက်ရှိ ကြောင်းလည်း KNDF ၏ စစ်ရေးချုပ် ခူးရီးဒူက ပြောထားသည်။
“စကစစစ်ကြောင်းထိုးမှုကြောင့် ဖယ်ခုံမြို့နယ်နဲ့ပင် လောင်းမြို့နယ်အစပ်တွေမှာထိတွေ့မှုဖြစ်နေပါတယ်”ဟု ဖယ်ခုံမြို့နယ် PDF တာဝန်ရှိသူကလူထုနွေဦးသို့ပြောသည်။
ကရင်နီဒေသတွင်း ရေကြီး၊မြေပြိုမှု ဒဏ်ခံစားနေရ မှုကို အခွင့်ကောင်းယူကာ စစ်ကောင်စီတပ်က နယ်မြေ စိုးမိုး မှုပြန်လည်ရယူရန် မြေပြင်စစ်ကြောင်းထိုးမှုများ နှင့် လက်နက်ကြီးဖြင့်ပစ်ခတ်မှုများရှိကြောင်းလည်း သိရသည်။
