ဟန်နွေ/People’s Spring
ဝါရင့် မွန်တိုင်းရင်းသားလက်နက်ကိုင်တပ်ဖွဲ့ဖြစ်သော မွန်ပြည်သစ်ပါတီ(NMSP)မှ တပ်ရင်းတစ်ခုသည် NMSPမှ ခွဲထွက်ပြီး စစ်ကောင်စီကိုတိုက်ခိုက်နေသည့် မွန်ပြည်သစ်ပါတီ-စစ်အာဏာရှင်တိုက်ဖျက်ရေး(NMSP-AD)ထံပူးပေါင်းလာကြောင်း NMSP-ADက အတည်ပြုသည်။
ဘုရားသုံးဆူဒေသရှိ NMSP၏ မွန်အမျိုးသားလွတ်မြောက်ရေးတပ်မတော် (MNLA)သည် အောက်တိုဘာ ၆ရက်တွင် NMSP-AD နှင့် ပူးပေါင်းလာခြင်းဖြစ်သည်ဟု NMSP-AD ပြောရေးဆိုခွင့်ရှိသူ နိုင်ဗညားမွန်က ပြောသည်။
Public Service Announcement
“ ဒီသတင်း ဟုတ်ပါတယ်လောက်ပဲပြောအုံးမယ်” ဟုလည်း နိုင်ဗညားမွန်က ပြောသည်။
NMSPတွင် မော်လမြိုင်ခရိုင် တပ်ရင်း၊ ထားဝယ်ခရိုင်တပ်ရင်း၊ သထုံခရိုင် တပ်ရင်း၊ ဘုရားသုံးဆူဒေသတပ်ရင်း၊ ရေးချောင်ဖျားဒေသ တပ်ရင်းတို့ဖြင့် စုဖွဲ့ထားခြင်းဖြစ်သည်ဟု နိုင်ဗညားမွန်က ပြောပြသည်။
NMSPသည် တစ်နိုင်ငံလုံး အပစ်ရပ်စာချုပ်(NCA) ရေးထိုးထားသည့်အဖွဲ့ဖြစ်ပြီး စစ်ကောင်စီကို တိုက်ခိုက်ရန်နှင့်ပတ်သက်၍ အဖွဲ့တွင်း သဘောထားကွဲကာ ယခုနှစ်ဆန်းတွင် နိုင်ငံရေးနှင့် စစ်ဘက် ထိပ်ပိုင်းခေါင်းဆောင်များပါဝင်သည့် အစုအဖွဲ့က NMSP-ADအဖြစ် စုဖွဲ့ပြီးစစ်ကောင်စီကို တော်လှန်တိုက်ခိုက်နေခြင်းဖြစ်သည်။
NMSP-AD အနေဖြင့် NCA အပေါ် အခြေခံသည့် နိုင်ငံရေးဆွေးနွေးမှု မှန်သမျှ လက်မခံကြောင်း၊ ၂၀၀၈ ဖွဲ့စည်းပုံ အခြေခံဥပဒေ အသက်သွင်းရန် ကြိုးပမ်းမှုမှန်သမျှကို ဆန့်ကျင်ကြောင်း အသိပေးထားသည်။ထို့ပြင် တိုင်းရင်းသား လက်နက်ကိုင်အဖွဲ့များ၊နွေဦးတော်လှန်ရေး အဖွဲ့များ နှင့် ပူးပေါင်းပြီး စစ်ကောင်စီကို တိုက်ခိုက်သွားမည်ဟု ထုတ်ပြန်ကြေညာထားသည်။
