အင်ကြင်း/People’s Spring
မန္တလေးတိုင်း၊ မိတ္ထီလာမြို့တွင် စစ်ကောင်စီစစ်ဆေးရေးဂိတ်၌ ရပ်မပေးသည့် ညွှန်ကြားရေးမှူး၏ကား ပစ်ခတ်ခံရကြောင်း ဒေသခံများက ပြောသည်။
ပြီးခဲ့သည့် အောက်တိုဘာ ၅ ရက် ည ၁၀နာရီခန့်က မိတ္ထီလာမြို့အဝင်၌ စစ်အုပ်စုက စစ်ဆေးရေးပြုလုပ်နေစဥ် ကားတစ်စီးမှာ ရပ်မပေးဘဲ မောင်းနှင်သွား၍ အဆိုပါဂိတ်မှစစ်သားများက ပစ်ခတ်ခဲ့ကြောင်း မိတ္ထီလာမြို့ခံအချို့က ပြောသည်။
Public Service Announcement
ကားပေါ်၌ မိတ္ထီလာမြို့ ဌာနဆိုင်ရာတစ်ခုမှ ညွှန်ကြားရေးမှူးဆိုသူလိုက်ပါလာပြီး ကားပေါ်ပါသူများ ထိခိုက်မှုအခြေအနေ မသိရသေးကြောင်း မြို့ခံအချို့က ပြောသည်။
“ညွှန်မှူးပါလာတဲ့ကားက ရပ်မပေးလို့ပစ်တာပြောတယ်။ ဘယ်ဌာနကလဲတော့မသိဘူး။”ဟု မိတ္ထီလာမြို့ခံတစ်ဦးက ပြောသည်။
ဖြစ်စဥ်အား နောက်ဆက်တွဲအခြေအနေ စုံစမ်းနေပြီး လက်တလောမသိရသေးပေ။
မိတ္ထီလာမြို့သည် အာဏာသိမ်းစစ်ကောင်စီ၏ လေတပ်စခန်းအပါအဝင် စစ်တပ်စခန်းအများအပြားရှိသော်လည်း စက်တင်ဘာလ ၁၇ ရက်က နန်းတော်ကုန်းလမ်းနှင့် ကန်ပတ်လမ်း လမ်းဆုံ ရထားသံလမ်းဘေးရှိ ရဲကင်းဗုံးပေါက်ကွဲပြီး ရဲ ၃ ဦးသေဆုံးကာ ၅ ဦးဒဏ်ရာရရှိခဲ့သေးသည်။
