မတ္တရာမြို့နယ်မှာ စစ်တပ်ကအင်အားထပ်ဖြည့်​နေ

ရှိန်း/People’s Spring

မတ္တရာမြို့နယ်မှာစစ်​ကောင်စီတပ်ကထပ်မံအင်အားဖြည့်တင်းတာတွေ၊လက်နက်ကြီးအထိုင်ချတာတွေပြုလုပ်နေတယ်လို့ ​ဒေသခံကာကွယ်​ရေးတပ်ဖွဲ့ဝင် အချို့နဲ့ ​ဒေသခံအချို့က​ပြောပါတယ်။

ဒီရက်ပိုင်းမှာမတ္တရာမြို့ရဲ့မြောက်ဘက်ကပ်လျက်က ပန်းယျရွာကိုစစ်တပ်ကအထိုင်ချထားပြီး အင်အားအများအပြားဖြည့်တင်းနေတယ်လို့ ​ဒေသခံကာကွယ်​ရေးတပ်ဖွဲ့ဝင် အချို့ကပြောပါတယ်။

ပန်းယျကျေးရွာအနီးကရွှေပြည်ညာ စားသောက်ဆိုင်မှာလည်း အင်အားဖြည့်တင်းတာတွေပြုလုပ်နေတယ်လို့ဆိုပါတယ်။

Public Service Announcement

“စကျင်ရွာကို အသည်းသန်ပြန်လိုချင်နေတာနဲ့တူတယ်။ရေနံ့သာရွာကိုလည်းလက်နက်ကြီးပစ်မယ့်သတင်းတွေလည်းကြား​နေတယ် “လို့ဒေသခံတော်လှန်ရေးရဲဘော်တဦးကပြောပါတယ်။

မတ္တရာမြို့ထဲကို မန္တလေးနန်းတွင်းနဲ့ အမှတ် (၉၅) ​ခြေမြန်တပ်ရင်း (ခမရ၉၅) ၊ ပြင်ဦးလွင် နဲ့ စစ်ကိုင်းမြို့မရပ်ကွက်ကပျူစောထီးတွေ၊ပြည်သူ့စစ်မှုထမ်းတက်ရောက်ပြီးသူတွေကို အင်အားပို့ဆောင်တာတွေလည်းဆက်တိုက်ပြုလုပ်နေတယ်လို့ ဒေသခံတွေကလည်းပြောပါတယ်။

“ရိက္ခာပို့လို့ယူဆရတဲ့ကားတွေလည်း မတ္တရာဘက်ကိုဆက်တိုက်သွားတယ်။ဒီရက်ပိုင်းမှာကို ပြည်သူ့စစ်ယူနီဖောင်းနဲ့လူငယ်တွေအပြည့်ကားတွေသွားတာတွေ့လိုက်သေးတယ် “လို့ ဒေသခံအမျိုးသားတဦးကလည်းပြောပါတယ်။

မတ္တရာမြို့ရဲ့မြောက်ဘက် မိုးကုတ်-မန္တလေးလမ်းဘက်ကို ဒီရက်ပိုင်းစစ်ကြောင်းထိုးတာတွေပြုလုပ်လာနိုင်တယ်လို့ ​ဒေသခံကာကွယ်​ရေးတပ်ဖွဲ့ဝင် အချို့က ​ပြောပါတယ်။

ယခင်က ​ဒေသခံကာကွယ်​ရေးတပ်​တွေ နဲ့ ပကဖ ​တွေ စိုးမိုးထားတဲ့ မတ္တရာမြို့နယ် အ​နောက်ခြမ်းကရွာ​တွေကို စစ်​ကောင်စီတပ်က နိုဝင်ဘာလမှာထိုးစစ်ဆင်တိုက်ခိုက်ခဲ့တာ​ကြောင့်​ဒေသခံကာကွယ်​ရေးတပ်​တွေပြန်ဆုတ်​ပေးခဲ့ရပါတယ် ။

မတ္တရာမြို့နယ် အ​​ရှေ့ခြမ်းကို​တော့ ပြည်သူ့ကာကွယ်​ရေးတပ်မ​တော်(မန္တ​လေး) က စစ်စခန်း​ပေါင်း ၄၀ နီးပါးကို သိမ်းပိုက်ပြီးထိန်းချုပ်ထားတာပါ ။မတ္တရာအ​ရှေ့ခြမ်းကို စစ်​ကြောင်းထိုးတဲ့စစ်သား​တွေကို မန္တ​လေးPDF အကြိမ်ကြိမ်လန်ကျသွား​အောင် တိုက်ခိုက်နိုင်ခဲ့ပါတယ် ။

ဒါအပြင် မတ္တရာမြို့နယ် အနောက်ဖက်ခြမ်းမှာ တော်လှန်ရေးတပ်ဖွဲ့​တွေ ခေတ္တလက်လွှတ်ခဲ့ရတဲ့ရွာ​တွေထဲက ရွာသစ်ကျေးရွာ ၊ ဝန်စုကျေးရွာ နဲ့ ထိန်ပင်စောက်ကျေးရွာ​တွေက စစ်​ကောင်စီတပ်ကို မန္တ​လေးPDF ကထိုးစစ်ဆင်တိုက်ခိုက်ပြီးအပြီးသတ် ပြန်လည်သိမ်းပိုက်နိုင်ခဲ့တယ်လို့မန္တ​လေးPDF ကထုတ်ပြန်ထားပါတယ် ။