Connect with us

Hi, what are you looking for?

သတင်း

ပွင့်ဖြူမြို့နယ်ရှိ မဲဇလီရဲစခန်းကို တိုက်ခိုက်ရာ စစ်ကောင်စီတပ် စခန်းစွန့်ထွက်​ပြေး

မကွေးတိုင်း၊ မင်းဘူးခရိုင်၊ပွင့်ဖြူမြို့နယ်ရှိ မဲဇလီရဲစခန်းကို တိုက်ခိုက်ရာ စစ်ကောင်စီတပ်သားများ စခန်းစွန့်ထွက်​ပြေးသွားကြောင်း Earthquake People’s Defence Force တာဝန်ရှိသူက လူထုနွေဦးသို့ ပြောသည်။

မကွေးတိုင်းအခြေစိုက်ပြည်သူ့ကာကွယ်ရေးရဲဘော်များကိုတွေ့ရစဥ် ဓာတ်ပုံ-Earthquake People's Defence Force

ရဲခေါင်/People’s Spring

မကွေးတိုင်း၊ မင်းဘူးခရိုင်၊ပွင့်ဖြူမြို့နယ်ရှိ မဲဇလီရဲစခန်းကို တိုက်ခိုက်ရာ စစ်ကောင်စီတပ်သားများ စခန်းစွန့်ထွက်​ပြေးသွားကြောင်း Earthquake People’s Defence Force တာဝန်ရှိသူက လူထုနွေဦးသို့ ပြောသည်။

ပြီးခဲ့သည့် ဇန်နဝါရီ ၃၁ ရက်ကစ၍ ပွင့်ဖြူမြို့နှင့် မိုင် ၂၀ ခန့် အကွာရှိ မဲဇလီရဲစခန်းကို တိုက်ခိုက်ခဲ့ပြီးနောက် ရဲနှင့်စစ်သားများထိခိုက်မှုရှိပြီး စခန်းအား ယာယီစွန့်ခွာသွားသည်ဟု ဆိုသည်။

“ယာယီ စခန်းစွန့်တာမျိုးတော့ဖြစ်နိုင်တယ်။ မဲဇလီက ရဲနဲ့စကစ တပ်သား ၃၀ နဲ့ ၅၀ ဝန်းကျင်ရှိတယ်။ နောက်ပြီး စစ်ကူလာတဲ့ စစ်ကြောင်းကိုပါ ဖြတ်တောက်တိုက်ခိုက်ခဲ့တာ စကစ ၂၀ ဝန်းကျင်လောက်ထိခိုက်နိုင်တယ်”ဟု အထက်ပါတာဝန်ရှိသူက ပြောသည်။

Public Service Announcement

Public Service Announcement

ဖေဖော်ဝါရီ ၁ရက်တွင် မဲဇလီစခန်းကို စစ်ကူ ပေးလာသော စစ်ကောင်စီစစ်ကြောင်းကိုလည်း ပွင့်ဖြူမြို့နယ် မဒဲကုန်းကျေးရွာ အနီးတွင် ပူးပေါင်းတပ်ဖွဲ့က ကြားထြတ်တိုက်ခိုက်ခဲ့ကြောင်းသိရသည်။

ထိုတိုက်ခိုက်မှုတွင်ထိခိုက်မှုများသည့် စစ်ကောင်စီက မဲဇလီကျေးရွာဝန်းကျင်ကို လေယာဉ်ဖြင့် ဗုံးကြဲတိုက်ခိုက်ခြင်းများ နှင့် မဒဲကုန်းရွာကို မီးရှို့ခြင်းတို့ လုပ်ဆောင်ခဲ့ကြောင်း သိရသည်။

စစ်ကောင်စီအင်အား ၃၀ ခန့်ရှိသည့် မင်းဘူးမြို့နယ်၊ လက်ပတောစခန်းကို ဖေဖော်ဝါရီ ၁ရက်က ဒရုန်းဖြင့် တိုက်ခိုက်ခဲ့မှုတွင် လက်ပတောကျေးရွာဝန်းကျင်ရှိ ကျေးရွာများကို လက်နက် ကြီးများ ရမ်းသမ်းပစ်ခက်ခြင်း၊ ပါရာမော်တာဖြင့် ဗုံးသီးချ တိုက်ခိုက်ခြင်းနှင့် ပတ်ဝန်းကျင်ရွာများရှိ အများပြည်သူနေအိမ်များကို မီးရှို့ခြင်းများကိုစစ်ကောင်စီက တန်ပြန်ဆောင်ရွ​က်ခဲ့ကြောင်းအထက်ပါအဖွဲ့က ထုတ်ပြန်ထားသည်။

စစ်ကောင်စီစခန်းများတိုက်ခိုက်မှုများကို မြိုင် ပကဖ၊ ပေါက် ပကဖ၊ မင်းဘူးခရိုင်တပ်ရင်း ၆၊ တပ်ရင်း ၄ ၊ JOKER ပြောက်ကျားတပ်ဖွဲ့ (MYG) ၊ Young Force People Defence Force(PKU) ၊ စေတုတ္တရာ ပအဖ နှင့် Earthquake People’s Defence Force တို့ပူးပေါင်းခဲ့ကြောင်း ဖော်ပြသည်။

ဆက်စပ်သတင်းများ

သတင်း

မကွေးတိုင်း၊ ငဖဲမြို့နယ်၊ ပဒါန်းမြို့အနောက်ဘက် ပျဉ်းဝစစ်ဆေးရေးဂိတ်အနီးရှိ ဘုရားတောင်တွင် တပ်စွဲထားသော စစ်ကောင်စီတပ်စခန်းကုန်းအား တိုက်ခိုက်ခဲ့ရာ စစ်ကောင်စီတပ်ဖွဲ့များ စခန်းစွန့် ထွက်ပြေးသွားကြောင်း ချင်းဒေသကာကွယ်ရေးတပ်(CDF) -အရှို ပြောရေးဆိုခွင့်ရှိသူ ဆလိုင်းရိုးချင်းက ပြောသည်။

သတင်း

မကွေးတိုင်းအတွင်း စစ်ရေးအရ အရေးပါသည့် နေရာများ၌ စက်တပ်လေထီးများကို စစ်ကောင်စီက ဖြန့်ကျက်ထားကြောင်း မကွေးတိုင်းပြည်သူ့ကာကွယ်ရေးအဖွဲ့တာဝန်ရှိသူက လူထုနွေဦးသို့ပြောသည်။

သတင်း

မကွေးတိုင်း၊ ပွင့်ဖြူမြို့နယ်အတွင်းရှိ ကြီးအုံကြီးဝဆည်အနီး စစ်ကောင်စီတပ်နှင့် ဒေသခံကာကွယ်ရေးတပ်တို့ကြား ယနေ့(​ဖေ​ဖော်ဝါရီ၅ရက်​နေ့ ) ညနေပိုင်းမှ စတင်ပြီး တိုက်ပွဲပြင်းထန်နေကြောင်း ဒေသခံများထံမှသိရသည်။

သတင်း

မကွေးတိုင်း၊ ပွင့်ဖြူမြို့နယ် ပုသိမ် - မုံရွာလမ်းပိုင်းရှိ မဲဇလီ-ဆည်တော်စစ်ဆေးရေးဂိတ်အား ဝင်ရောက်တိုက်ခိုက်ရာ စစ်ကောင်စီတပ်သား ငါးဦးသေဆုံးကြောင်း ပွင့်ဖြူမြို့နယ်ပြည်သူ့ကာကွယ်ရေးအဖွဲ့(ပကဖ) တာဝန်ရှိသူက လူထုနွေဦးသို့ ပြောသည်။