People’s Spring
မလေးရှား ဝန်ကြီးချုပ် အန်ဝါ အေဘရာဟင်နဲ့ ထိုင်းဝန်ကြီးချုပ်ဟောင်း သက်ဆင် ရှီနာဝပ်ထရာတို့ဟာ မြန်မာ့နိုင်ငံရေး အကျပ်အတည်း ကိစ္စ၊ ခရစ္စတို ဒစ်ဂျစ်တယ် ငွေကြေး ထွန်းကားရေး ကိစ္စတွေကို တွေ့ဆုံ ဆွေးနွေးခဲ့တယ်လို့ သိရပါတယ်။
သူတို့နှစ်ဦး တွေ့ဆုံမှု အကြောင်းကို အန်ဝါက ဖေဖော်ဝါရီ ၂ ရက်နေ့မှာ Facebook ကနေ အတည်ပြုခဲ့ပေမယ့်လည်း ဆွေးနွေးမှု အသေး
စိတ် အကြောင်းအရာတွေကိုတော့ မှတ်ချက် မပေးခဲ့ပါဘူး။ သူတို့ စကားပြောဖြစ်ခဲ့တာဟာ မြန်မာ့ကိစ္စနဲ့ ခရစ္စတို ငွေကြေးကိစ္စတွေသာ ဖြစ်တယ်လို့ အန်ဝါက ရေးသားခဲ့ပြီး ဆွေးနွေးမှုတွေက အပြုသဘော ဆန်ခဲ့တယ်လို့လည်း ဆိုပါတယ်။
Public Service Announcement
သူတို့နှစ်ဦး တွေ့ဆုံမှုဟာ မလေးရှားနိုင်ငံ၊ ကွာလာလမ်ပူမြို့တော်မှာလို့ ယုံကြည်ရပြီး နောက်ပိုင်းမှာ စင်ကာပူ နိုင်ငံခြားရေး ဝန်ကြီးဟောင်း ဂျော့ဂျ်ယိုပါ သွားရောက် ချိတ်ဆက်ခဲ့ပါတယ်။
အရှေ့တောင်အာရှ နိုင်ငံများ အစည်းအရုံး (အာဆီယံ)ရဲ့ လက်ရှိ အလှည့်ကျ ဥက္ကဋ္ဌအဖြစ် တာဝန်ယူထားသူ အန်ဝါဟာ မနှစ်က ဒီဇင်ဘာလတုန်းက သက်ဆင်ကိုသူ့ရဲ့ပုဂ္ဂိုလ်ရေးအကြံပေးပုဂ္ဂိုလ်အဖြစ် ခန့်အပ်ခဲ့ပါတယ်။
မလေးရှားဟာ မြန်မာ့အကျပ်အတည်း ဖြေရှင်းရေးအတွက် အာဏာသိမ်း စစ်ကောင်စီ အနေနဲ့ ရန်လို အကြမ်းဖက်မှုတွေကို ရပ်တန့်ပြီး တွေ့ဆုံဆွေးနွေးမှု လမ်းစဉ်တွေ အစပြုဖို့အတွက် ဇန်နဝါရီလ တုန်းက လန်ကာဝီမှာ ပြုလုပ်ခဲ့တဲ့ မြန်မာ့အရေး ဆွေးနွေးမှုတွေမှာ ထည့်သွင်း တိုက်တွန်းခဲ့ပါတယ်။
တစ်ဖက်မှာတော့ အာဏာသိမ်း စစ်တပ်ဟာ အာဏာသိမ်းမှု ၄ နှစ်ပြည့်တဲ့ အချိန်မှာ နောက် ထပ် အရေးပေါ် အုပ်ချုပ်ရေး သက်တမ်း ကာလကို ၆ လ ထပ်တိုးလိုက်တဲ့အပြင် ကိုယ်တိုင် ကတိပြုထားတဲ့ ရွေးကောက်ပွဲ ကျင်းပရေး အစီအစဉ်တွေကို နောက်ထပ် ဆိုင်းငံ့ခဲ့ပါတယ်။
ကိုးကား: Bangkok Post
သက်ဆင် နဲ့ မလေးရှား ဝန်ကြီးချုပ် အန်ဝါ အေဘရာဟင်။
ဓါတ်ပုံ-အန်ဝါအေဘရာဟင်ဖေ့စ်ဘွခ်
