ကျော်ဇော/People’s Spring
စစ်ကောင်စီက အတင်းအဓမ္မလူသစ်စုစောင်းခံရသည့် တပ်သားတစ်ဦး လက်နက်နှင့်အတူအလင်းဝင်ရောက်လာကြောင်း ပြည်သူ့ကာကွယ်ရေးအဖွဲ့ နေပြည်တော်မှ တိုင်းတာဝန်ခံ ကိုနောင်ချိုက လူထုနွေဦးသို့ ပြော သည်။
ရှမ်းပြည်နယ်၊ ကျိုင်းခမ်းမြို့အခြေစိုက် ခမရ-၅၁၀ မှ စစ်မှုထမ်းအပတ်စဥ်တစ်တစ်ခု၏ တပ်သားသစ်တစ်ဦးဖြစ်သူ တပ်သားရန်နိုင်ကျော်အား နေပြည်တော်- ဒက္ခိဏခရိုင် ပြည်သူ့ကာကွယ်ရေးအဖွဲ့(ပကဖ)မှ ခေါ်ထုတ်ခဲ့ခြင်းဟု ၎င်းက ပြောသည်။
“အခုဟာက ကျနော်တို့တပ်ဖွဲ့ထံကို နှစ်ကြိမ်မြောက် ရောက်လာတာပေါ့နော်။ ပထမအ ကြိမ်တုန်းကတော့ စစ်မှုထမ်းတပ်သားရှစ်ဦးက ရှေ့တန်းတွေရောက်လာရင်းက ပြည်သူ့ဘက်ခိုလှုံလာတာဖြစ်လို့ ခက်ခက်ခဲခဲခေါ်ထုတ်ခဲ့ရတာမျိုးရှိတယ်။ အခု ဒုတိယအကြိမ်မှာတော့ အဲဒီလောက်အခက်အခဲမရှိခဲ့ဘူး။ ဘာကြောင့်လည်းဆိုတော့ ဒေသတွင်းတပ် ရင်းတပ်ဖွဲ့တွေက ခေါ်ထုတ်လာပြီး အဆင့်ဆင့်လွှဲပြောင်းလက်ခံရတာဖြစ်လို့ လမ်းတဝက် ကနေသွားကြိုပြီး ခေါ်ခဲ့ရတာ”ဟု ပြည်သူ့ကာကွယ်ရေးအဖွဲ့-နေပြည်တော်မှ တိုင်းတာဝန်ခံ ကိုနောင်ချိုက ပြောသည်။
Public Service Announcement
ပြည်သူ့ရင်ခွင်သို့ ခိုလှုံလာသော တပ်သား ရန်နိုင်ကျော်နှင့်အတူ MA-1အမျိုးအစားသေ နတ်တစ်လက်၊ ကျည် (၉၀)တောင့်နှင့် ကျည်ဘောက်သုံးဘောက်ယူဆောင်လာပြီး တပ်ဖွဲ့ထံအပ်နှံလာခြင်းဖြစ်ကြောင်း ၎င်းက ဆက်ပြောသည်။
ထို့ကြောင့် တိုင်း၊ခရိုင် ဦးဆောင်အဖွဲ့မှ လွှဲပြောင်းလက်ခံယူခဲ့ပြီး တပ်သား၏ အချက်အလက်များအား စစ်ဆေးမေးမြန်း၍ မှတ်တမ်းတင်ခြင်း လုပ်ငန်းစဉ်တို့ကို ဆောင်ရွက်ခဲ့သည်ဟု ပြည်သူ့ကာကွယ်ရေးအဖွဲ့-နေပြည် တော်က အသိပေးသည်။
ပြီးခဲ့သည့် ဇန်နဝါရီအတွင်းကလည်း ရှမ်း ပြည်နယ်၊ ပင်လောင်းမြို့နယ်ရှေ့တန်းစခန်းများမှနေ၍ စစ်ကောင်စီတပ် တပ်စိပ်မှုတစ်ဦးအပါအဝင် ခုနစ်ဦးသည် လက်နက်ခဲယမ်းများနှင့်အတူ နေပြည်တော်-ပြည်သူ့ကာကွယ် ရေးအဖွဲ့ထံ ဘက်ပြောင်းခိုလှုံခဲ့သေးသည်။
သို့ဖြစ်ရာ စစ်ကောင်စီ၏ လက်အောက်တွင် ဆက်လက်အမှုထမ်းနေသော တပ်သားများအနေဖြင့် အာဏာရှင်တစု၏ အကျိုးအတွက်ဆောင်ရွက်နေခြင်းအား အမြန်ဆုံးစွန့် လွှတ် ၍၊ ပြည်သူ့နှင့် ပူးပေါင်းရန် ပြည်သူ့ကာကွယ် ရေးအဖွဲ့-နေပြည်တော်က အလေးအနက် တိုက်တွန်းထားပြီး စစ်အာဏာရှင်ကို စွန့်ခွာ၍ ပြည်သူကို မျက်နှာမူမည်ဆိုပါက ပြည်သူ့ရင်ခွင်ဌာနနှင့် ချိတ်ဆက်နိုင်ကြောင်းလည်း အသိပေးထားသည်။
