ဆဏ်း/People’s Spring
စစ်ဘေးရှောင်တွေအတွက် တန်ဖိုးထားရတဲ့ အကယ်ဒမီရုပ်ကို ကမ်ပိန်းပြုလုပ်တဲ့ တော်လှန်အနုပညာရှင်ပိုင်ဖြိုးသုရဲ့ ကမ်ပိန်းက အမေရိကန်ဒေါ်လာ နှစ်သိန်းကိုးသောင်းကျော်ရရှိခဲ့ပါတယ်။
စုစုပေါင်း ၁၄၀၀၀ ကျော်က ဒီကမ်ပိန်းမှာပါဝင်ခဲ့ကြတာဖြစ်ပြီးတော့ မကြာခင်နာရီပိုင်းအတွင်းမှာ အကယ်ဒမီရုပ်ပိုင်ရှင်ကို သိကြရတော့မှာ ဖြစ်ပါတယ်။ ဒီဆုတွေကို ပိုင်ဖြိုးသုနဲ့အတူ ဒေါင်း အောင်မြင့်မြတ်တို့ပါဝင်ပြီး မဲနှိုက်တော့မှာဖြစ်ပြီးတော့မှာဖြစ်ပြီးတော့ အောက်ပါလင့်ခ်ကနေ Live ကိုအခုဝင်ရောက်ကြည့်ရှုနိုင်ပါတယ်။
ဒီကမ်ပိန်းကို ဖေဖော်ဝါရီ ၁ ကနေ ၂၀ ရက်အထိပြုလုပ်ခဲ့တာဖြစ်ပြီး တော်လှန်အနုပညာရှင်တွေကလည်း အင်တိုက်အားတိုက်ပါဝင်ပေးခဲ့တာပါ။
Public Service Announcement
ဒီကမ်ပိန်းကို လက်မှတ်ဈေးနှုန်းမသတ်မှတ်ပဲ လူတိုင်း တတ်နိုင်တဲ့ပမာဏနဲ့ ပါဝင်နိုင်တာဖြစ်ပြီး ပါဝင်သူတိုင်းကို ဂုဏ်ပြုမှတ်တမ်းထုတ်ပြန်ပေးခဲ့တာပါ။
နိုင်ငံပေါင်း ၂၀ ကျော်က ဒီကမ်ပိန်းမှာပါဝင်ခဲ့ပြီး စင်ကာပူနိုင်ငံက အများဆုံးပါဝင်ပေးကာ ပြည်တွင်းကပါဝင်မှုက ဒုတိယနေရာမှာရပ်တည်ခဲ့ပါတယ်။
ဆုအနေနဲ့ ပထမဆုကို ရွှေတစ်ကျပ်သားကြယ်ပါတဲ့ ပိုင်ဖြိုးသုရဲ့ အကယ်ဒမီရုပ် ၊ ဒုတိယဆုကို ပိုင်ဖြိုးသုရဲ့ လက်မှတ်ပုံပါတဲ့ ရွှေဆွဲကြိုး နဲ့ တတိယဆုကို တွယ်ချိတ်ပုံ နားကပ်သုံးစုံ မဲဖောက်ပေးသွားမှာပါ။
ဒီကမ်ပိန်းကရရှိတဲ့ငွေတွေအားလုံးကို စစ်ဘေးရှောင်တွေအတွက် အသုံးပြုသွားမယ်လို့ ပိုင်ဖြိုးသုကပြောထားပါတယ်။
