မကွေးတိုင်း၊ဆင်ဖြူကျွန်းမြို့ရဲစခန်းမှူး ၊ဒုရဲမှူးသန်းလွင်ကို အမျိုးသမီး PDFတဦးက သေနတ်ဖြင့်အနီးကပ်ပစ်ခတ်ရာ သေဆုံးသွားကြောင်း ဒေသခံများကပြောသည်။
“အဲဒီစခန်းမှူးက လက်ဖက်ရည်ဆိုင်မှာထိုင်နေတာ။ အထွက်မှာ ကပ်ပစ်တာ။ဆေးရုံ အရောက်မှာသေတဲ့သတင်းကြားတယ်” ဟု ဒေသခံတစ်ဦးကပြောသည်။
ရဲအုပ်သန်းလွင်သည် မတ်လ ၄ ရက်နံနက်၇နာရီခန့်တွင် ဆင်ဖြူကျွန်းမြို့၊ သုံးပင်တောင်ရပ်ကွက်ရှိ ချမ်းမြေ့အောင်လက်ဘက်ရည်ဆိုင်မှ ထွက်လာချိန်တွင် ပစ်ခတ်ခံရခြင်းဟု CDMရဲတပ်ဖွဲ့ဝင်တဦးကဆိုသည်။
Public Service Announcement
“သေတာ သေချာတယ်။ PDFမိန်းကလေးက အနီးကပ်ပစ်သွားတာ”ဟု၎င်းကဆက်ပြောသည်။
ဒုရဲမှုသန်းလွင်သေဆုံးသည့်သတင်းနှင့်ပတ်သက်၍ ကာကွယ်ရေးတပ်ဖွဲ့များကသတင်းထုတ်ပြန်ထားခြင်းမရှိသေးပေ။
စစ်ကောင်စီလက်အောက်ခံလူမှုကွန်ရက်စာမျက်နှာအချို့ကလည်း ဆင်ဖြူကျွန်းမြို့မရဲစခန်းမှူးသည်လက်ဖက်ရည်ဆိုင်တွင် လက်ဖက်ရည်သောက်နေစဥ် PDF များက ပစ်ခတ်ခဲ့သည့်အတွက် သေဆုံးသွားကြောင်း ရေးသားထားသည်။
