တိုက်ပွဲဖြစ်နိုင်၍ က​လေးဝ – မော်လိုက်လမ်းပိုင်းအသုံးမပြုရန် PDF ထုတ်ပြန်

ကဖေး/People’s Spring

စစ်ကောင်စီတပ် စစ်ရေးလှုပ်ရှားနေသည့် က​လေးဝ – မော်လိုက်ကားလမ်းပိုင်းအား ‌ အသုံးမပြုဘဲ ရေကြောင်းလမ်းသာအသုံးပြုကြရန် က​လေးဝမြို့နယ်ပြည်သူ့ကာကွယ်ရေးတပ်မ တော် (PDF)က သတင်းထုတ်ပြန်သည်။

စစ်ကောင်စီသည် ပွင့်လင်းရာသီတွင် က​လေးတပ်နယ်နှင့် မော်လိုက်တပ်နယ်များအတွက် တပ်သားအင်အားသစ်များစု​ဆောင်းခြင်း၊လက်နက်ခဲယမ်းရိက္ခာ​များပို့​ဆောင်ခြင်းများအတွက် က​လေးဝ – မော်လိုက်ကားလမ်းကိုအသုံးပြုနေခြင်းဖြစ်သည်။

စစ်ကောင်စီစစ်ကြောင်းများအား ဖြတ်​တောက်​ပိတ်ဆို့​ရေးတိုက်ပွဲများအချိန်မ​ရွေးဖြစ်ပွားလာနိင်​သည်ဟု က​လေးဝPDFက မတ်လ ၃ရက်တွင် သတိပေးပြီး ဒေသခံပြည်သူများအနေဖြင့် ပူး​ပေါင်း​ဆောင်ရွက်​ပပေးကြရန်လည်းအသိပေးထားသည်။

Public Service Announcement

ကလေးဝ-မော်လိုက်ဆက်သွယ်ရေးအတွက် ချင်းတွင်းမြစ်ကြောင်းလည်း အဓိကအသုံးပြုကြသည်။ လက်ရှိတွင် မြစ်ကြောင်းအတွင်း စစ်ကောင်စီစစ်ရေးလှုပ်ရှားမှုမရှိကြောင်း သတင်းရရှိသည်။

ထပ်မံရရှိ​သော သတင်းအရ မတ်လ ၄ ရက်​နေ့ညနေပိုင်းတွင် မော်လိုက်-က​လေးဝကားလမ်းအနီးရှိ မထုကြီး​ ကျေးရွာ တ‌နေရာအား စစ်ကောင်စီက ဒရုန်းဖြင့် ဗုံးချတိုက်ခိုက်ရာ ဒေသခံအချို့ထိခိုက်ဒဏ်ရာရောက်ခဲ့သည်။