ရှမ်းပြည်နယ်မြောက်ပိုင်း မြို့နယ်အချို့တွင် ယနေ့(မတ်လ ၂၂ရက်) ညနေက မိုးအနည်းငယ်ရွာခဲ့ပြီး တန့်ယန်းမြို့၌ လေပြင်းတိုက်ခိုက်မှုကြောင့် သစ်ပင်နှင့် ဓာတ်တိုင်အချို့ ကျိုးကျမှုဖြစ်ခဲ့သည်။
ညနေ ၅နာရီခန့်က မိုးသက်လေပြင်းကျခဲ့ခြင်းဟု ဒေသခံများက ပြောသည်။ သစ်ပင်နှင့် ဓာတ်တိုင်အချို့ကျိုးကျခဲ့ပြီး အခြားထိခိုက်မှုမရှိကြောင်း တန့်ယန်းမီးသတ်ဌာနက ထုတ်ပြန်ထားသည်။
မတ်လမှစတင်၍ မေလအထိ နိုင်ငံဒေသအများစု၌ လေပြင်းအန္တရာယ်ရှိနေပြီး မိုးကြိုးပစ်ခြင်း၊ စိုက်ဆင်းလေပြင်းတိုက်ခတ်ခြင်းတို့ဖြစ်စေသည့် မိုးတိမ်တောင်အန္တရာယ်ရှိကြောင်း အမျိုးသားညီညွတ်ရေးအစိုးရ၊လူသားချင်းစာနာထောက်ထားရေးနှင့်ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (MOHADM)က သတိပေးထားသည်။
Public Service Announcement
ယမန်နေ့ကလည်း မန္တလေးတိုင်း၊ မကွေးတိုင်းနှင့် စစ်ကိုင်းတိုင်းမှမြို့နယ်တချို့ မိုးအနည်းငယ်ရွာခဲ့သည်။
