နေပြည်‌တော်ကို ဗဟိုပြု ​နောက်ဆက်တွဲငလျင်ထပ်လှုပ်

မတ်-၂၉၊၂၀၂၅။ဇော်ရမ်း/People’s Spring

နေပြည်တော် ဒက္ခိဏသိရိမြို့ကို ဗဟိုပြု၍ ရစ်ခ်တာစကေး ၅ဒဿမ၁ အဆင့်ရှိ​သော ​နောက်ဆက်တွဲ​မြေငလျင် ယနေ့ ည‌နေ ၄နာရီ၌ လှုပ်သွားသည်။

မတ်လ ၂၈ရက်နေ့က ဖျက်အားပြင်းငလျင်ကြီးကြောင့် ထိခိုက်သေဆုံးသူများကို ရှာဖွေကယ်ဆယ်ရေး လုပ်နေချိန် နေပြည်တော်ကို ဗဟိုပြု၍ မတ် ၂၉ ရက်ည​နေ ၃ နာရီ ၅၀ လှုပ်ခြင်းဖြစ်သည်။

ငလျင်သည် မြေအနက်၁၀ ကီလိုမီတာ( ၆မိုင်​ကျော်)၌ဗဟိုပြု လှုပ်သွား​သော ​ဇောကတိမ်ငလျင်ဖြစ်​ကြောင်း USGS က​ဖော်ပြသည်။ ​မြေငလျင်မှာ ​ဇောက်တိမ်လျင် ဖျက်အားပိုကြီးသည်။

Public Service Announcement

” သိမ့်ခနဲ့ပဲ။ ထပ်ပြိုတဲ့သတင်းတွေ ကြားရတယ်။ ကျမတို့ကတပ်ကုန်းထဲကရွာရောက်နေလို့ သေချာမသိ”ဟု နေပြည်တော်မှ ဝန်ထမ်းတစ်ဦးကပြောသည်။

မတ်လ ၂၈ရက်နေ့ကငလျင်ကြောင့်ပျဉ်းမနားတစ်မြို့တည်းတွင် သေဆုံးသူ ၂၀၀ ကျော် ရှိနေပြီဖြစ်သည်။ ရစ်ချ်တာစ​ကေး ၇ ဒသမ ၇ အဆင့်ရှိ ​မြေငလျင်ပြီးလှုပ်ခတ်ပြီး​နောက် ​နောက်ဆက်တွဲ​မြေငလျင်များဆက်တိုက်လှုပ်ရှား​နေသည်။

​မြေငလျင်ကြီးလှုပ်ခတ်ပြီး​နောက် ​နောက်ဆက်တွဲ​မြေငလျင်များ ဆယ်နှင့်ချီ၍ လှုပ်ခတ်​ခဲ့ရာ ​မြေငလျင်ကြီး လှုပ်ပြီး ၁၂ မိနစ်ခန့်အကြာတွင် တံတားဦး​လေဆိပ်အနီးဗဟိုပြု၍ ပြင်းအား ၆ ဒသမ ၄ ဖြင့် လှုပ်ခတ်​သော ​မြေငလျင်မှာ အားအကြီးဆုံးဖြစ်သည်။ ယခုငလျင်မှာ ပြင်းအား ၅ ဒသမ ၁ ​ကျော်၍ ဒုတိယအားအကြီးဆုံး​နောက်ဆက်တွဲငလျင်ဖြစ်သည်။