အုပ်ချုပ်ရေးယန္တရားပြိုလဲနေတာကို သက်သေပြလိုက်တဲ့ မူဆယ်မိုး

ဧပြီ-၁၄၊၂၀၂၅။စိုင်းနန်/People’s Spring

ရှမ်းပြည်နယ် မြောက်ပိုင်းမူဆယ်မြို့မှာဧပြီ ၁၃ရက်​နေ့ (သင်္ကြန်ကြိုနေ့)က နေရာကွက်ပြီးမိုးကြီးခဲ့ပါတယ်။ မိုးစရွာပြီးမိနစ်နည်းငယ်အကြာမှာပဲ မူဆယ်မြို့ပေါ်ရပ်ကွက်တွေထဲကလမ်းတွေပေါ်ကို အမှိုက်သရိုက်တွေ၊အညစ်အကြေးတွေ၊အဝတ်စုတ်တွေနဲ့ အိမ်မွေး တိရစ္ဆာန်အသေကောင်တချို့ မျောပါလာခဲ့ပါတယ်။

ဒေသအသီးသီးမှာ မြို့ပေါ်ရပ်ကွက်တွေရေစီး ရေလာကောင်းစေရေးအတွက် စည်ပင်ဌာနက တာဝန်အရှိဆုံးဖြစ်ပါတယ်။ မူဆယ်မြို့မှာတော့ စည်ပင်ဝန်ထမ်းတွေလည်းမတွေ့တော့သလို ရေမြောင်းတွေပိတ်ဆို့နေတာ၊ လမ်းတွေပျက်စီးနေတာတွေ ယခင်ကထက်ဆိုးရွားနေပြီလို့ဒေသခံတွေကပြောပါတယ်။

မူဆယ်မြို့ဟာ ၁၀၂၇ စစ်ဆင်းရေးပထမပိုင်းမှာ မြောက်ပိုင်းမဟာမိတ် ညီနောင်သုံးဖွဲ့က တိုက်ခိုက်သိမ်းယူဖို့ သတင်းတွေထွက်ခဲ့ပေမယ့် တရုတ်အစိုးရရဲ့ဖိအားကြောင့်မတိုက်ခိုက်ရ​တော့ပဲ ကျန်ခဲ့တဲ့မြို့ဖြစ်ပါတယ်။

Public Service Announcement

တရုတ်နိုင်ငံနဲ့ နယ်စပ်ကုန်သွယ်ရေးမြို့ဖြစ်ပြီး မူဆယ် ၁၀၅မိုင် ကုန်သွယ်ရေးဇုန်ကို တော်လှန်ရေးအင်အားစုများက ထိန်းချုပ်ထားပါတယ်။ စစ်ကောင်စီက မြို့ပေါ်၌သာတပ်စွဲထားနိုင်ပြီး အုပ်ချုပ်ရေးယန္တရားလည်း ကောင်းမွန်စွာမလည်ပတ်တော့ဘူးလို့ ဒေသခံတွေက ပြောပါတယ်။နောက်ထပ်မိုးတွေ ရွာလာမှာကို ဒေသခံတွေက စိုးရိမ်နေကြပါပြီ။

https://www.facebook.com/LuduNwayOo/videos/1181248816796623

ဗီဒီယို – စိုင်းလေး/Facebook