ဧပြီ-၂၇၊၂၀၂၅။ သုည/People’s Spring
စစ်ကိုင်းတိုင်းအတွင်း သပိတ်အဖွဲ့တွေ၊ ဒေသခံပြည်သူတွေက ဒီကနေ့ (ဧပြီ ၂၇)မှာ စစ်အာဏာရှင် ဆန့်ကျင်ရေး ဆန္ဒပြသပိတ်လှုပ်ရှားမှုတွေ အသီးသီး ပြုလုပ်ခဲ့ကြပါတယ်။
စစ်ကိုင်းတိုင်း ယင်းမာပင်မြို့နယ်မှာ ကျေးရွာပေါင်းစုံလူထုသပိတ်ဦးဆောင်ကော်မတီနဲ့ ဒေသခံရွာသူ/သားတွေ ပူးပေါင်းကာ ကျဆုံး ရဲဘော်ဖိုးချမ်းရဲ့ အာဇာနည်ဂူဗိမာန် ရှိရာသို့ သွားရောက် အလေးပြုခဲ့ပြီး စစ်အာဏာရှင်ကို ဆန့်ကျင်ဖို့ ဆန္ဒထုတ်ဖော်ခဲ့ပါတယ်။
ရဲဘော်ဖိုးချမ်းဟာ ၂၀၂၁ ခုနှစ် မတ်လ ၂၇ ရက်နေ့က အကြမ်းဖက်စစ်အုပ်စုရဲ့ ရက်စက်စွာ ဖြိုခွင်းမှုကြောင့် ကျဆုံးခဲ့ရတဲ့ အာဇာနည်သူရဲကောင်းဖြစ်ပြီး ဒီနေ့မှာ ရဲဘော် ဖိုးချမ်းရဲ့ ၄ နှစ််၊ ၁ လပြည့်တဲ့နေ့ပဲ ဖြစ်ပါတယ်။
Public Service Announcement
ယင်းမာပင်မြို့နယ် မြောက်ခြမ်းမှာလည်း သွေးမအေးတဲ့ရွှေနွယ်သွေး သပိတ်စစ်ကြောင်းဟာ နယ်မြေမတည်ငြိမ်တဲ့ကြားက စစ်အာဏာရှင်စနစ် ဆန့်ကျင်ရေး လူထုသပိတ် ပြုလုပ်ခဲ့ကြပါတယ်။
အလားတူ ယင်းမာပင်မြို့နယ် ကျေးရွာတစ်ရွာမှာလည်း အောင်လံလွှင့်မည် ဒေါင်းသွေးနီ သပိတ်စစ်ကြောင်းက မတရားတဲ့စစ်မှုထမ်းဥပဒေကို ဆန့်ကျင်ကြဖို့နဲ့ စစ်အာဏာရှင်စနစ်ကို ဆန့်ကျင်ဖို့ လှုံဆော်ဆန္ဒပြခဲ့ပါတယ်။
စစ်ကိုင်းတိုင်းအတွင်းက ဒေသခံတော်လှန် ပြည်သူတွေဟာ တိုက်ပွဲတွေကြားထဲကနေ စစ်အာဏာရှင်ဆန့်ကျင်ရေး ဆန္ဒပြသပိတ်တွေကို နေ့စဉ်ပြုလုပ်နေကြပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ရွာပေါင်းစုံသပိတ်
