မေ-၁၄၊ ၂၀၂၅။ ကျော်ဇော/People’s Spring
ပဲခူးတိုင်း၊ နတ်တလင်းမြို့နယ်တွင် ကျေးရွာများသို့ စစ်ကြောင်းထိုးနေသည့် စစ်ကောင်စီတပ်နှင့် ပျူစောထီးပူးပေါင်းအဖွဲ့များကို PDF တပ်ဖွဲ့များမှ ကြားဖြတ်တိုက်ခိုက်ခဲ့ရာ စစ်ကောင်စီဘက်မှ ရှစ်ဦးသေဆုံးကြောင်း သာယာဝတီခရိုင် တပ် ရင်း ၃၈၀၁၊ တပ်ခွဲ ၃ နတ်စစ်သည်တပ်ဖွဲ့မှ တပ်ခွဲမှူးက လူထုနွေဦးသို့ ပြောသည်။
ယနေ့(မေလ ၁၄ ရက်)နံနက် ၄ နာရီခန့်က စစ်ကောင်စီတပ်နှင့် ပျူစောထီးပူးပေါင်းအင်အား ၁၀၀ ခန့်ပါစစ်ကြောင်းသည် နတ်တလင်းမြို့ နယ်၊ ပျဥ်ပုံရွာမှတဆင့် ထန်းတောရွာဘက်သို့ စစ်ကြောင်းထိုးလာစဥ် တပ်ရင်း ၃၈၀၁ မှ တပ်ခွဲ ၃ နတ်စစ်သည်တပ်ဖွဲ့၊ တပ်ခွဲ ၄ BRA တပ်ဖွဲ့၊ တပ်ခွဲ ၂ Phoenix တပ်ဖွဲ့ နှင့် တပ်ခွဲ ၆ ဧရာညီနောင်တပ်ဖွဲ့တို့က ကြားဖြတ်တိုက်ခိုက်ခဲ့ခြင်းဟု ၎င်းက ပြောသည်။
တိုက်ခိုက်မှုတွင် စစ်ကောင်စီဘက်မှ ရှစ်ဦးသေ ဆုံးကာ ဒဏ်ရာရသူများလည်းရှိပြီး PDF ပူး ပေါင်းတပ်များဘက်မှ ရဲဘော်ငါးဦးမစိုးရိမ်ရ ဒဏ်ရာရရှိခဲ့ကြောင်း နတ်စစ်သည်တပ်ဖွဲ့က အသိပေးသည်။
Public Service Announcement
“အခုလက်ရှိ စစ်ကြောင်းက နှစ်ကြောင်းခွဲပြီးထိုးနေတာပေါ့။ပျဥ်ပုံနဲ့ ဆံကဲရွာမမှာ တစ်ကြောင်း၊ ထန်းတောရွာဘက်မှာ တစ်ကြောင်းထိုးနေတယ်။ ပျဥ်ပုံမှာ ၁၂၀ မမ လက်နက်ကြီးထိုင်ထားပြီး ပစ်ကူပေးတယ်။ ဒရုန်းတွေပါလို့ Drop ဗုံးတွေလိုက်ချတာလည်းရှိနေတယ်”ဟု တပ်ရင်း ၃၈၀၁၊ တပ်ခွဲ ၃ နတ်စစ်သည်တပ်ဖွဲ့ တပ်ခွဲမှူးက လူထုနွေဦးသို့ ပြောသည်။
စစ်ကောင်စီတပ်များ စစ်ကြောင်းထိုးခြင်းနှင့်လက်နက်ကြီး ရမ်းသမ်းပစ်ခတ်မှုများကြောင့်ကျောက်ခွက်၊ ကျောက်ဆွယ်၊ ထန်းတောနှင့် တောင်ညိုကွက်သစ်စသည့် ကျေးရွာများမှ ဒေ သခံပြည်သူ ၂,၀၀၀ ဝန်းကျင် ဘေးလွတ်ရာ ထွက်ပြေးတိမ်းရှောင်နေကြရကြောင်း ၎င်းက ဆက်ပြောသည်။
“ထန်းတောကပြည်သူနှစ်ယောက်တော့စကစလက်နက်ကြီးကြောင့် ဒဏ်ရာရတယ်ကြားတယ်။ နောက်ပြီး စကစဘက်ကရွာတွေထဲကိုလက်နက်ကြီးတွေနဲ့ပစ်တော့ ပြည်သူတွေလည်းမနေရဲကြဘူး။ စစ်ဘေးရှောင်တွေ များနေတယ်။ မိုးကရွာ၊ နေစရာကမရှိ၊စစ်ဘေးရှောင်တွေအတော်ဒုက္ခရောက်တယ်”ဟု ဒေသခံတစ်ဦးက ပြောသည်။
စစ်ကောင်စီတပ်စစ်ကြောင်းများနှင့်တိုက်ပွဲများဖြစ်ပွားနေသော ပျဥ်ပုံနှင့် ထန်းတောကျေးရွာများဘက်သို့စစ်ကောင်စီတပ်ကအင်အားထပ်ဖြည့်မည်ဟု ဒေသတွင်း၌ သတင်းများထွက်နေသည့်အပြင် ယခုရက်ပိုင်း မိုးများရွာသွန်းလျှက်ရှိရာ မေလ ၁၄ ရက်ညနေပိုင်းအထိ မိုးရွာနေဆဲဖြစ်ကြောင်း စုံစမ်းသိရသည်။
နတ်တလင်းမြို့နယ်တွင် စစ်ကောင်စီတပ်၊ ရဲနှင့် ပျူစောထီးပူးပေါင်းအဖွဲ့အထိုင်ချတပ်စွဲထားသည့် ဒမငယ်ကျေးရွာအခြေစိုက် စစ်ကောင်စီနယ်မြေရဲစခန်းကို သာယာဝတီခရိုင် တပ်ရင်း ၃၈၀၁ ၏ တပ်ခွဲများမှ ဝင်ရောက်စီနင်းတိုက် ခိုက်ခဲ့ရာ စစ်ကောင်စီတပ်များ စခန်းစွန့်ထွက် ပြေးခဲ့ဖူးသည်။
